ពង្រីកតួនាទីក្នុងការចលនាប្រជាជនចូលរួមកសាងរបៀបរស់នៅអារ្យធម៌ទីក្រុង

     មកកាន់ទីប្រជុំជនទីវកឹងនាពេលបច្ចុប្បន្ន យើងពិតជាឃើញទេសភាពនៅទីនេះស្រស់ស្អាត ជាពិសេសជីវភាពប្រជាជននៅទីនេះមានការរីកចម្រើនលើគ្រប់វិស័យ។ នៅសងខាងផ្លូវជាតិលេខ ៦០ ផ្លូវ ៣0 មេសានិងផ្លូវ វ៉ធីសាវនៅទីប្រជុំជនមានផ្ទះថ្មីជិត ៤00 ខ្នង បានប្រជាជនសាងសង់យ៉ាងស្អាតតាមស្ថាបត្យកម្មទីក្រុងដើម្បីរួមចំណែកញ៉ាំងឲ្យសោភណភាពទីក្រុងកាន់តែស្រស់ស្អាតត្រូវតាមគម្រោងការ។

លោក ផាមតៀកកឿង អនុប្រធានគណៈកម្មាធិការរណសិរ្សមាតុភូមិវៀតណាមខេត្ត ជូនប័ណ្ណសរសើរដល់លោក ស៊ើងថាញ់ ដែលមានស្នាដៃឆ្នើមក្នុងការអនុវត្តន៍ចលនា “ទូទាំងប្រជាជនចូលរួមកសាងជនបទថ្មី ទីក្រុងអារ្យធម៌”  ឆ្នាំ២០២៣។

     បណ្តាដងផ្លូវនៅ​តំបន់ប្រជាជនស្នាក់នៅរបស់ទីប្រជុំជនទីវកឹងក៏​បាន​ប្រជាជនអនាម័យបរិស្ថាន និងដាំផ្កាយ៉ាងស្អាត។ ឆ្នាំ ២០២៣ គ្រួសារប្រជាជន​ ១00% សម្រេចសម្បទាជាគ្រួសារវប្បធម៌។ ក្នុង​នោះ មាន ៩0% សម្រេចសម្បទាជា​គ្រួសារ​វប្បធម៌ពី ៣-៥ ឆ្នាំបន្តបន្ទាប់។

     លោក ស៊ើងថាញ់ នៅអនុសង្កាត់ទី ២ ទីប្រជុំជនទីវកឹង ជាគំរូឆ្នើមក្នុងការអនុវត្តរបៀបរស់នៅអារ្យធម៌ទីក្រុង។ តាំងពីឆ្នាំ ២០២០ ដល់ឆ្នាំ ២០២៣ គាត់បានចំណាយថវិកាជិត ២០ លានដុង ចូលរួមឧបត្ថម្ភដល់គណៈកម្មាធិការរណសិរ្សមាតុភូមិវៀតណាម ទីប្រជុំជនទីវកឹងសម្រាប់ទិញដើមឈើ ដើមផ្កា និងជូនទឹកផឹកដល់កងកម្លាំងដែលចូលរួមអនាម័យបរិស្ថាន។

     លោកមា ស៊ើងថាញ់ មានប្រសាសន៍ថា៖ ការកសាង រក្សាខ្ជាប់របៀបរស់វប្បធម៌ អារ្យធម៌តាមបែបទីក្រុង ជាភារកិច្ចរបស់ទូទាំងប្រព័ន្ធនយោបាយ ។ ម្ល៉ោះហើយ ខ្ញុំក៏រួមថវិកា កម្លាំងពលកម្មដើម្បីចូលរួមជាមួយរដ្ឋអំណាចគ្រប់លំដាប់ថ្នាក់កសាងទីប្រជុំជនឲ្យកាន់តែស្រស់ស្អាត អារ្យធម៌ ។

ផ្លូវជាតិលេខ ៦០ តំបន់ទីប្រជុំជនទីវកឹង ។

      លោកវិញវ៉ាំងកឿង ប្រធានគណៈកម្មាធិការរណសិរ្សមាតុភូមិវៀតណាមទីប្រជុំ ជនទីវកឹងបានឲ្យដឹងថា៖ គណៈកម្មាធិការរណសិរ្សមាតុភូមិវៀតណាមទីប្រជុំជនបន្តការពង្រីកតួនាទីរបស់ខ្លួន ដើម្បីចូលរួមអនុវត្តតាមស្មារតីនៃសេចក្តីសម្រេចចិត្តលេខ ០៧-NQ/ TU ចុះថ្ងៃទី ២៧ ខែធ្នូ ឆ្នាំ ២០២១ របស់គណៈអចិន្ត្រៃយ៍បក្សខេត្តស្តីពីការកសាងស្រុកទីវកឹងសម្រេចលក្ខឋានទីក្រុងប្រភេទលេខ ៤ និងក្លាយជាទីផ្សាររួមខេត្តស្ថិតក្រោមឱវាទ ខេត្តនៅឆ្នាំ ២០២៥។ តាមរយៈនោះ គណៈកម្មាធិការរណសិរ្សមាតុភូមិវៀតណាមទីប្រជុំជនបានសហការជាមួយគណៈការងាររណសិរ្ស ០៦/០៦ អនុសង្កាត់សកម្មក្នុងការផ្សព្វផ្សាយជាច្រើនរូបភាពដូចជា៖ ផ្សព្វផ្សាយរួមបញ្ចូលជាមួយនឹងពេលប្រជុំជីវភាពរបស់បណ្តាអង្គការមហាជន តាមរយៈ សញ្ញាពេចន៍ តាមប្រព័ន្ធផ្សាយសំឡេង ជាដើម បានប្រជាជនចូលរួមជ្រោមជ្រែងយ៉ាងកុះករ។ ទន្ទឹមនឹងនោះ ចង្អុលការគណៈការងាររណសិរ្សនៃបណ្ដាអនុសង្កាត់ផ្សព្វផ្សាយ ចលនាប្រជាជនឲ្យចុះកិច្ចសន្យាអនុវត្តខ្លឹមសារ បែបបទរបៀបរស់នៅវប្បធម៌ អារ្យធម៌ទីក្រុង។

     ចូលរួមជ្រោមជ្រែងបណ្តាចលនាអាស្រ័យគណៈកម្មាធិការ រណសិរ្សមាតុភូមិវៀតណាមទីប្រជុំជនបំផុសចលនា  ប្រជាជននៅទីប្រជុំជនទីវកឹងបានចូលរួមកម្លាំងកាយ កម្លាំងទ្រព្យដើម្បីកសាងទីក្រុងសម្រេចសម្បទាទីក្រុងអារ្យធម៌ ជាក់ស្តែងក្នុងឆ្នាំ២០២៣ ប្រជាជនបានបរិច្ចាគដី ដើមឈើ ដំណាំផ្សេងៗដើម្បីកសាងប្រព័ន្ធផ្លូវតាមចិញ្ចើមថ្នល់ ប្រព័ន្ធលូបង្ហូតទឹក ជាដើម សរុបតម្លៃជាង ០៥ ពាន់លានដុង៕

អត្ថបទ - រូបថត៖ សុជា