ផ្លាស់ប្តូរការផលិត បង្កើនលទ្ធផលសេដ្ឋកិច្ចជូនជនរួមជាតិខ្មែរ

     ក្នុងការផលិតកសិកម្ម ឃុំបានរៀបចំរដូវកាល ពូជដំណាំ និងនាំយកយន្តូបនីយកម្មព្រមៗ គ្នាទៅក្នុងការផលិត បង្កើនការផលិតពី ០២​ រដូវ ឡើង ៣ រដូវ។ គិតតាំងពីឆ្នាំ ២០២២ មកដល់បច្ចុប្បន្ន ទូទាំងឃុំបង្វែរដីផលិតស្រូវមិនសូវមានផល ចំនួន ២០,៥ ហិកតា មកដាំបណ្តាដំណាំ ចិញ្ចឹមសត្វផ្សេងៗ សហការបើកវគ្គហ្វឹកហាត់បច្ចេកទេសដាំដំណាំ ចិញ្ចឹមសត្វបាន ២៩ លើក ដោយមានកសិករ ៩៦២ លើកនាក់ចូលរួម ចុះពូជដំណាំបាន ២៣០ ហិកតា។ល។ ប្រភពចំណូលមធ្យមរបស់មនុស្សម្នាក់ក្នុងឆ្នាំ ២០២២ សម្រេច ៥៥,១៤ លានដុង។

ទម្រង់ចិញ្ចឹមគោរបស់បងថាច់បាក។

     យោងលើលក្ខណៈធម្មជាតិដែលផ្តល់ឲ្យនោះ ទើបទម្រង់ចិញ្ចឹមគោមេនៅឃុំង៉ាយស្វៀង បានវាយតម្លៃជាទម្រង់មួយនាំមកលទ្ធផលសេដ្ឋកិច្ចខ្ពស់ និងជួយឲ្យជ​នរួមជាតិខ្មែរជាច្រើនគ្រួសារ ឈានឡើងរួចផុតពីភាពក្រីក្រ។ ក្នុងពេលនោះ ទុនវិនិយោគសម្រាប់ការចិញ្ចឹមសត្វតិច សត្វមិនសូវកើតមានជំងឺ។

     លោកមា ថាច់បាក នៅភូមិពាមបួន ឲ្យដឹង៖​ គ្រួសារខ្ញុំមានដីស្រែ ១៤ កុង។ រដូវស្រូវសម្រកឆ្នាំ ២០២៣ កន្លងហើយនេះ ខ្ញុំផលិតពូជស្រូវមានគុណភាពខ្ពស់ OM៤៩០០ អនុវត្តទម្រង់ “គប្បីអនុវត្ត ១ យ៉ាង” គឺប្រើពូជស្រូវបានពិនិត្យ និង “បន្ថយ ០៥ យ៉ាង” គឺបន្ថយចំនួនគ្រាប់ពូជ បន្ថយថ្នាំការពាររុក្ខជាតិ បន្ថយចំនួនជី បន្ថយទឹក បន្ថយការខូចខាតក្រោយពេលប្រមូលផល។ លទ្ធផល ក្នុងមួយហិកតា ខ្ញុំប្រមូលផលបាន ៦,៥ តោន លក់ជាមួយតម្លៃ ៦.៨០០ ដុងក្នុងមួយគីឡូក្រាម ក្រោយពេលទូទាត់ប្រាក់ចំណាយរួចស្រេច លើផ្ទៃដីផលិត ១៤ ​កុងខ្ញុំទទួលបានប្រាក់ចំណេញ ២១ លានដុង។ ខ្ញុំនៅទាំងឆ្លៀតយកចំបើង និង ដាំស្មៅជំវិញផ្ទះសម្រាប់ចិញ្ចឹគោសាច់ ០៨ ក្បាល ពេលទូទាត់ប្រាក់ចំណាយរួចស្រេច ក្នុងមួយឆ្នាំនៅចំណេញជាង ៨០​លានដុង។

     សមមិត្ត វ៉វ៉ាំងដៃ  អនុលេខាគណៈកម្មាធិការបក្សឃុំង៉ាយស្វៀង ឲ្យដឹង៖ ទន្ទឹមជាមួយសក្តានុពលគឺការផលិតស្រូវ ដាំអំពៅ និងចិញ្ចឹមជលផល ទូទាំងឃុំនៅមានហ្វូងគោ ៤.២៥៨ ក្បាល ជ្រូក ២.៣៦៧ ក្បាល បសុសត្វ ៨២.១២០ ក្បាល និងផ្ទះចិញ្ចឹមសត្វត្រចៀកកាំ ១២ ខ្នង។​ ឃុំមានដីដាំស្មៅ ១៨៥ ហិកតា បរិមាណ ផលបាន ១១.៦៥៥ តោន តាមតម្លៃប៉ាន់ស្មាន ៣២ ពាន់លានដុង។ អាស្រ័យអនុវត្តព្រមៗគ្នា បណ្តាវិធានការ និងពង្រីកស្មារតីឈានមុខរបស់កម្មាភិបាលបក្ខជន ទើបឃុំសម្រេចបានលទ្ធផលសំខាន់ៗមួយចំនួន ក្នុងការពង្រីកសេដ្ឋកិច្ច ជីវភាពរបស់ជនរួមជាតិខ្មែរនៅលើភូមិសាស្ត្រកាន់តែបានលើកកម្ពស់។​​ ជាពិសេសគឺប្រជាជនមិនទន្ទឹងចាំការឧបត្ថម្ភរបស់រដ្ឋអំណាចនៅមូលដ្ឋាន ខិតខំពង្រីកសេដ្ឋកិច្ចគ្រួសារ​រួមចំណែកបរិច្ចាគដីដើម្បីកសាងជនបទថ្មី។ ក្នុងរយៈកាលខាងមុខនេះ ឃុំនឹងបន្តផ្លាស់ប្ដូរពូជដំណាំសត្វចិញ្ចឹម និងចាត់ទុកនេះជាភារកិច្ចមួយមានតួនាទីសំខាន់ ក្នុងប្រព័ន្ធនយោបាយ ដើម្បីបង្កើនប្រភពចំណូលជូនប្រជាជន៕

អត្ថបទ‑រូបថត៖ សុខា