ផលិតផលប្រណីតប្រហិតផ្កាណាំធ្វី

ផលិតផលប្រហិតណាំធ្វី។

        ក្រោយរយៈកាលយូរឆ្នាំ លោកយាយណាំធ្វី ធ្វើការស៊ីឈ្នួលឲ្យមូលដ្ឋានផលិតប្រហិតនៅភូមិឡុងបិញ(បេ) សង្កាត់ទី ៤ ទីក្រុងត្រាវិញ ដល់ឆ្នាំ ១៩៩៩ មូលដ្ឋានផលិតប្រហិតណាំធ្វីក៏ចាប់ផ្តើមបង្កបង្កើតឡើងដោយឡែក។ បើកមូលដ្ឋានផលិតដើម្បីឲ្យមនុស្សក្នុងផ្ទះមានការងារធ្វើ មិនចាំបាច់ទៅធ្វើការស៊ីឈ្នួល ទន្ទឹមនឹងនោះម្ចាស់ការធ្វើអាជីវកម្ម។ នេះជាទង្វើមួយក្នុងបណ្ដាទង្វើជួយឲ្យលោកយាយណាំធ្វីសម្រេចចិត្តផលិតបណ្តាផលិតផលភ្ជាប់ដោយឈ្មោះរបស់ខ្លួន  គឺប្រហិតណាំធ្វី។

      បណ្តាថ្ងៃដំបូង ទើបចាប់ផ្តើមប្រកបមុខរបរ ជាមូលដ្ឋានតូចតាច ផលិតផលធម្មតា ម្ល៉ោះហើយប្រហិតណាំធ្វីក៏ត្រូវភាន់ច្រឡំជាមួយបណ្តាមុខទំនិញប្រហិតផ្សេង។ តាមខ្ញុំ ត្រាវិញជាតំបន់ល្បីល្បាញបង្គួរអំពីរបរផលិតប្រហិត។ “របរបង្រៀនរបរ” មីងង្វៀងធីទ្រុកឡង ម្ចាស់មូលដ្ឋានផលិតប្រហិតណាំធ្វីបានឲ្យដឹង៖ ផ្តើមពីមុខម្ហូបប្រហិតផ្កា ៥ ពណ៌អាស្រ័យបណ្តាអ្នកចម្អិននៅជនបទប៉ិនប្រសប់យកស៊ុតចៀនឲ្យលឿងជាបន្ទះរួចមូរជុំវិញប្រហិតតុបតែងបន្ថែមពណ៌របស់បន្លែ មើមឈើដើម្បីមើលសមភ្នែក។ល។ ផ្តើមពីនោះ មូលដ្ឋានណាំធ្វីបានយកមកមូលដ្ឋានផលិតប្រហិតរបស់គ្រួសារ រួចស្វែងយល់និងច្នៃជាប្រហិតផ្កាដោយរូបភាពថ្មីៗ។ អាស្រ័យហេតុនោះបានជាមុខម្ហូបឆ្ងាញ់តំបន់ជនបទនោះមានមុខនៅទីផ្សារទំនើប និងបានអតិថិជនទាំងចតុទិសចូលចិត្ត។

          ប្រហិតផ្ការបស់មូលដ្ឋានណាំធ្វីពេលចិតជាចំណិតនឹងធ្វើឲ្យអ្នកបរិភោគមានអារម្មណ៍ជក់ចិត្ត។ ដំបូង ផ្តើពីមជ្ឈមណ្ឌលរបស់ចំណិតប្រហិត គឺបណ្តូលផ្កា អ្នកបរិភោគមានអារម្មណ៍ថាឆ្ងាញ់ពិសារនៃចំណែកពណ៌ក្រហមរបស់ពងទាប្រៃ។ បន្ទាប់មកដល់ចំណិតស្បែកជ្រូកស្វិតស្រួយគួបផ្សំនឹងរសក្លិនក្រអូបសាច់ប្រហិតបុកចិញ្ច្រាំម៉ត់លាយជាមួយម្រេចហឺរឆួល។

          ផលិតបានមួយរយៈពេល មូលដ្ឋានណាំធ្វីដាក់ចេញមេរៀនពិបាក។ នោះជាវិធីសាស្រ្តយ៉ាងចាំបាច់សម្រាប់អ្នកប្រកបរបរយុតិ្តធម៌។ ជាពិសេស ក្នុងពេលនោះមានមូលដ្ឋានផលិតប្រហិតជាច្រើនប្រើប្រាស់ជាតិការពារ ហាងថែបានពិនិត្យឃើញ និងត្រូវបដិសេធន៍។ ប្តេជ្ញាផ្លាស់ប្តូរបច្ចេកវិទ្យា លោកយាយណាំធ្វីឲ្យកូនប្រុសទៅរៀនរបៀបច្នៃផលិតប្រហិតដោយបច្ចេកវិទ្យាថ្មី។ ក្រោយមក យាយបានបុលទុនវិនិយោគទិញឧបករណ៍ ម៉ាស៊ីន បើកទូលាយមូលដ្ឋានផលិត។ គិតមកទល់ពេលនេះ ផលិតផលប្រហិតផ្កាអាស្រ័យមូលដ្ឋានណាំធ្វីផលិតសម្រេចទិន្នផលជាង ២០០ តោនក្នុងមួយឆ្នាំ។ ជាពិសេស ក្រៅពីបានទទួលស្គាល់ជាផលិតផលឧស្សាហកម្មជនបទឆ្នើម ឆ្នាំ ២០១៩ បានទទួលស្គាល់ជាផលិត ផល OCOP ផ្កាយ ៤ ចំណាត់ថ្នាក់ខេត្ត ប្រហិតផ្កាណាំធ្វីនៅទាំងបានអ្នកប្រើប្រាស់ជ្រើសរើសជា “មុខទំនិញវៀតណាមគុណភាពខ្ពស់”។ ក្រៅពីនោះ មូលដ្ឋាននៅមានផលិតផលជាច្រើនទៀត ដូចជាប្រហិតរូបត្រី patê មូរស៊ុត។ល។

         មីងង្វៀងធីទ្រុកឡង បានឲ្យដឹងបន្ថែម៖ មូលដ្ឋានរបស់យាយមិនផលិតប្រហិតថ្មីទាំងស្រុងទេ គឺគ្រាន់តែធ្វើឲ្យមុខម្ហូបពិសេសនេះមានប្រជាប្រិយកាន់តែងាយស្រួល និងបានមនុស្សជាច្រើនដឹងឮ។ ពីព្រោះតាមគាត់ បណ្តាបទពិសោធន៍ក្នុងប្រជាប្រិយនោះយើងចេះច្នៃដើម្បីពង្រីកយ៉ាងសមស្រប។

         បច្ចុប្បន្ននេះ គិតជាមធ្យមក្នុងមួយថ្ងៃៗមូលដ្ឋានណាំធ្វីផលិតប្រហិតគ្រប់ប្រភេទសម្រេចជាង ០២ តោន។ ក្រៅពីមូលដ្ឋាននេះ បច្ចុប្បន្ននៅមានបណ្តាមូលដ្ឋានដទៃក្នុងតំបន់ និងបណ្តាខេត្តផ្សេងក៏ចាប់ផ្តើមរៀនសូត្រធ្វើតាមពីទម្រង់ “រកស៊ីមានបាន” របស់លោកយាយណាំធ្វី៕           

ប្រែសម្រួល៖ តឹងង៉ុក