ផលិតផល OCOP៖ នំបំពង់ជាគ្រឿងបរិភោគមានរសជាតិរបស់ភូមិកំណើត

               លោកដាំងវ៉ាំងស៊ើង ម្ចាស់មូលដ្ឋានផលិតនំលាជ នំជីក្វឹក បានឲ្យដឹង៖ មុននេះប្រមាណ ៣០ ឆ្នាំ ជារៀងរាល់ថ្ងៃខុំតែងទៅយកនំលាជ ផលិតអំពីអង្ករ នំបំពង់ដើម្បីយកទៅលក់ពាសពេញដោយទោចក្រយានហើយសន្សឹមៗប្រិតសំចៃប្រាក់ទុនទិញបានម៉ាស៊ីនផលិតនំបំពង់ (ម៉ាស៊ីនចាស់) ប្រកបរបរផលិតនំបំពង់ចិញ្ចឹមគ្រួសារ។ នំមានទ្រង់ទ្រាយជាបំពង់មូល (មានបន្ទាត់កាត់ផ្ចិត ២,៥ សង់ទីម៉ែត្រ) ខាងក្នុងរហូង ប្រវែងរបស់នំអាចកាត់តាមចិត្ត មើលហាក់ដូចជាបំពង់បានជាហៅថានំបំពង់។ នំនេះឆ្ងាញ់ពិសារបំផុតគឺពេលទើបធ្វើហើយរួចស្រេច ពីព្រោះវានៅរក្សាបានកម្រិតស្រួយ។

មូលដ្ឋានផលិតនំបំពង់ជីក្វឹក។ រូបថត៖ ហុងញុង

               របៀបធ្វើនំបំពង់សាមញ្ញ រហ័សហើយឈ្ងុយឆ្ងាញ់ ស្រួយនិងក្សោះ ម៉្លោះហើយមិនត្រឹមតែទាក់ទាញកុមារ រីឯមនុស្សធំក៏សម្គាល់ថានេះជាគ្រឿងបរិភោគគាប់ចិត្តដែរ ប៉ុន្តែមិនចាំបាច់ចំណាយប្រាក់ច្រើនតម្លៃត្រឹមតែ ១០.០០០ ដុងក្នុងមួយកញ្ចប់ (ប្រមាណ ៧០ បំពង់ មួយបំពង់ៗប្រវែងប្រមាណ ៤០ សង់ទីម៉ែត្រ)។ មានមនុស្សជាច្រើនផលិតនំបំពង់ដែរប៉ុន្តែមិនមែននណាក៏ធ្វើបានឆ្ងាញ់ទាំងអស់នោះទេ។ សំខាន់គឺចេះរបៀបច្របល់សារជាតិឲ្យស្មើ ស្ទង់កម្រិតក្តៅរបស់ម៉ាស៊ីនដើម្បីនំឆ្អិនស្មើ មិនខ្លោច អង្ករដែលយកមកផលិតនំមិនស្វិតពេកនំក្សោះ ស្រួយ ឈ្ងុយ ផ្អែម និងម្លាន់។

                ដើម្បីរក្សាបានរបរធ្វើនំបំពង់ និងប្រជែងលើទីផ្សារទាមទារនំធ្វើចេញត្រូវធានាអនាម័យសុវត្ថិភាពគ្រឿងបរិភោគ មានរូបភាពកញ្ចប់ ស្អាតនិងកសាងបានស្លាកសញ្ញា។ ឆ្នាំ ២០១៥ ប្តីប្រពន្ធបងដាំងវ៉ាំងស៊ើង សម្រេចចិត្តបើកទូលាយរបរធ្វើនំបំពង់ហើយចុះឈ្មោះជាមូលដ្ឋានផលិតនំលាជ នំជីក្វឹក។ តាំងពីពេលប្រកបរបរលក់នំរហូតដល់បើកបានមូលដ្ឋានពូស៊ើងនៅតែយកចិត្តទុកដាក់ដល់គុណភាពរបស់នំជានិច្ច ម៉្លោះហើយការរកស៊ីរបស់មូលដ្ឋាននេះពីមួយថ្ងៃទៅមួយថ្ងៃកាន់តែរីកចម្រើន ទីផ្សារក៏បានបើកទូលាយជាងមុន ម៉្លោះហើយមូលដ្ឋានត្រូវការពលករច្រើន ផ្តើមពីនោះរួមចំណែកដោះស្រាយការងារធ្វើជូនពលករនៅមូលដ្ឋាន។ តាមមីងដងធីង៉ី (ប្រពន្ធរបស់ពូស៊ើង) តាំងពីពង្រីកឡើងជាមូលដ្ឋានផលិត មួយថ្ងៃៗជួយដោះស្រាយការងារធ្វើឲ្យពលករ ២៥ នាក់ ខ្លះមើលម៉ាស៊ីន ខ្លះរៀបនំចូលកញ្ចប់​នីឡុង ខ្លះរៀបនំចូលក្នុងធុង។ល។ ក្នុងមួយថ្ងៃម្នាក់ៗមានប្រភពចំណូល ២០០.០០០ ដុង។

               “សំដីល្អល្បីល្បាញឆ្ងាយ” ម្ល៉ោះហើយពីមួយថ្ងៃទៅមួយថ្ងៃមានអតិថិជនជាច្រើននៅក្នុងនិងក្រៅស្រុកមកដាក់ទិញនំបំពង់របស់មូលដ្ឋាន។ បច្ចុប្បន្ននេះ ផលិតផលនំបំពង់ជីក្វឹកមិនត្រឹមបានអ្នកប្រើប្រាស់ក្នុងខេត្តចូលចិត្តហើយនៅទាំងមានមុខនៅគ្រប់ទីផ្សារនៃបណ្តាខេត្តភូមិភាគខាងលិច ដូចជា៖ តីណិញ ដុងណាយ បិញធ្វឹង បិញភឿក។ល។ ក្រៅពីផលិតផលនំលាជ នំបំពង់ មូលដ្ឋានផលិតនំលាជជីក្វឹកនៅទាំងផ្គត់ផ្គង់ឲ្យអ្នកប្រើប្រាស់បណ្តាប្រភេទនំឆ្ងាញ់ៗផ្សេងជាច្រើនទៀត ដូចជានំលាជអង្ករ លាជមី សាច់សំឡី។ល៕

ប្រែសម្រួល៖ តឹងង៉ុក