ផលិតផល OCOP សន្សឹមៗលើកកម្ពស់ពាណិជ្ជសញ្ញា

បងស្រីថាច់ធីយី(ខាងឆ្វេង)កំពុងវេចនំ។ រូបថត៖ ម៉ឹងក្វឹង

ផលិតផលនំងអន្សមជ្រូករបស់មូលដ្ឋានផលិត ៩ យី នៅភូមិហ្វាហាវ ឃុំភឿកហាវ ស្រុកចូវថាញ់បានរៀបចំណាត់ប្រភេទផ្កាយ ៣ នៅដើមឆ្នាំ ២០២១។ នេះជាសញ្ញាគួរឱ្យរីរាយ សន្សឹមៗអះអាងនូវពាណិជ្ជសញ្ញាលើទីផ្សារ។

អ្នកស្រី ថាច់ធីយី ម្ចាស់មូលដ្ឋាននំអន្សមជ្រូក ៩ យីបានឱ្យដឹង៖ ក្រោយពេលបានទទួល ស្គាល់ផលិតផល OCOP ភ្លាម មូលដ្ឋានបង្កើនការផ្សព្វផ្សាយ បើកទូលាយទីផ្សារលក់ដូរលើបណ្តាញសង្គម។ គិតមកទល់ពេលនេះ ផលិតផលមានវត្តមាននៅតាមបណ្តាទីផ្សារក្នុង និងក្រៅខេត្ត ប្រាក់ចំណូលធ្វើអាជីវកម្មកើនទ្វេដង ប្រៀបជាមួយពេលមិនទាន់បានទទួលស្គាល់។ ទោះជាដូច្នោះក៏ដោយ អាស្រ័យអាសន្នរោគកូវីដ‑១៩ ប្រែប្រួលស្មុគស្មាញ ម៉្លោះហើយមូលដ្ឋានជួបការលំបាកច្រើន ទោះជាមានចំនួនផលិតផលថយចុះក្នុងរយៈពេលគម្លាតសង្គមក៏ដោយ ប៉ុន្តែរៀងរាល់សប្តាហ៍ មូលដ្ឋាននៅតែទទួលលិខិតកក់ទំនិញរបស់អតិថិជននៅក្រៅខេត្ត។ ទន្ទឹមនឹងនោះ មូលដ្ឋានម្ចាស់ការទិញរថយន្តសម្រាប់ដឹកជញ្ជូននំអន្សមជ្រូកប្រគល់ជូនអតិថិជន  ម៉្លោះហើយបន្ថយបានប្រាក់ចំណាយ ទីផ្សារលក់ដូរមានលំនឹងបង្គួរ។

កម្មវិធី OCOP បាននាំមកតម្លៃសកម្ម រួមចំណែកលើកកម្ពស់ពាណិជ្ជសញ្ញាផលិតផលរបស់មូលដ្ឋាន។ ផ្តើមពីជោគជ័យនោះ អ្នកស្រីយី មិនបង្អង់កែលម្អ ផ្លាស់ថ្មីដើម្បីលើកកម្ពស់គុណភាពនំ។ ក្រៅពីវត្ថុធាតុសម្រាប់វេចនំដូចជា អង្ករដំណើប  ចេក សណ្តែកបាយ សាច់ជ្រូក  អ្នកស្រីយីនៅទាំងកែលម្អ បំពេញបន្ថែមវត្ថុធាតុ ស្នូលនំ ដូចជាពងទាប្រៃ សាច់ក្រក និងបណ្តាពណ៌អាហារធម្មជាតិដូចជាស្លឹកងប់ជាដើម បង្កជាពណ៌នំប្រាំពណ៌ដើម្បីឆ្លើយតបទៅនឹងតម្រូវការចំណង់ចំណូលចិត្តកាន់តែខ្ពស់ និងសម្បូរបែបបម្រើដល់អ្នកប្រើប្រាស់។ គិតជាមធ្យម ក្នុងមួយថ្ងៃមូលដ្ឋានផលិតពី ៤០០‑៥០០ នំ លក់ដោយតម្លៃនំនីមួយៗពី ៦០.០០០‑៧០.០០០ ដុង ទទួលបានប្រាក់ចំណេញ 0១ លានដុងក្នុងមួយថ្ងៃ ដោះស្រាយការងារធ្វើជូនពលករ ១០ នាក់ ម្នាក់ៗក្នុងមួយថ្ងៃទទួលបានប្រាក់ចំណូល ២០០.០០០ ដុង។

ដើម្បីផលិតផលនំអន្សមកាន់តែល្បីរន្ទឺទៅតាមទីផ្សារជាងទៀត នៅពេលខាងមុខ មូលដ្ឋានបន្តវិនិយោគឧបករណ៍ខ្សែចង្វាក់ផលិតដូចជា ម៉ាស៊ីនបង្វិល និងលាយអង្ករដំណើប ម៉ាស៊ីនច្របល់ស្នូល និងកែប្រែគំរូទ្រង់ទ្រាយ ស្រោមកញ្ចប់ដើម្បីធ្វើជាជំនូនអំណោយ ជាសន្សឹមៗផ្លាស់ថ្មីផលិតផលឆ្លើយតបទៅនឹងតម្រូវការទីផ្សារ។

នំក្រៀបទឹកដោះខ្ទិះដូងរបស់មូលដ្ឋានផលិតតាមហៀង នៅភូមិចាវ៉ា ឃុំវិញគីម ស្រុកកូវង៉ាង ​ បានរៀបចំណាត់ប្រភេទផ្កាយ ៣។  តាមសំដីរបស់អ្នកស្រី​ត្រឹងធីហៀង ម្ចាស់មូលដ្ឋានផលិតនំក្រៀបទឹកដោះខ្ទិះដូង៖ អាស្រ័យជារបរស្នងបន្ត ម៉្លោះហើយការជ្រើសរើសវត្ថុធាតុមានភាពតានតឹង បំផុតគឺអង្ករប្រើប្រាស់ជាប្រភេទអង្ករសម្រិតសម្រាំងពិសេស រួមជាមួយវត្ថុធាតុដូងដែលមាន​សាច់ក្រាស់ កោសឱ្យល្អិតរួចពូតយកទឹកដាក់ចូលអង្ករកិនឱ្យទៅជាម្សៅ។ បន្ទាប់មកយកម្សៅទៅស្រោបធ្វើយ៉ាងណាឱ្យមូល និងកម្រាស់ស្តើងស្មើគ្នា រួចយកហាលលើបណ្តាបន្ទាសធ្វើដោយខ្នងចាក។ រសជាតិនំក្រៀបទឹកដោះខ្ទិះដូងរបស់មូលដ្ឋានគឺរូបមន្តស្នងបន្តមានរយៈពេលជាង ៤០ ឆ្នាំ​មកហើយ អស់រយៈពេលជាច្រើនឆ្នាំខិតជិតទៅរកទីផ្សារ បច្ចុប្បន្នបានអ្នកប្រើប្រាស់ជាច្រើននិយមចូលចិត្ត។ ក្តីរីករាយធំបំផុតរបស់មូលដ្ឋានលើក​នេះ គឺការដែលបានទទួលស្គាល់ជាផលិតផល OCOP ជាវគ្គសំខាន់មួយជួយឱ្យផលិតផលរបស់មូលដ្ឋានលើកកម្ពស់កិត្យានុភាពលើទីផ្សារ។ នេះជាជោគជ័យជំហានដំបូងរបស់មូលដ្ឋានក្រោយពេលជាច្រើនឆ្នាំខិតខំ រួចបានឈរជើងនឹងនរលើទីផ្សារក្នុងប្រទេស និងឆ្ពោះទៅទីឆ្ងាយនៃទីផ្សារពិភពលោកយ៉ាងឆាប់នាពេលខាងមុខជាមួយផលិតផលមានប្រិយភាព និងគុណភាពដែលមូលដ្ឋានតែងបានចាត់ថាមានសារៈសំខាន់បំផុត។ ពង្រីកកម្លាំងព្រៀបរយៈពេលកន្លង ទន្ទឹមជាមួយការវិនិយោគសម្ភារៈ ឧបករណ៍ថ្មីដូចជា៖ ម៉ាស៊ីនគាបយកខ្ទិះដូង ម៉ាស៊ីនបឺតខ្យល់ធូលីដើម្បីលើកកម្ពស់ទិន្នផល​ គុណភាពផលិតផល ឆ្លើយតបបណ្តាលិខិតកក់ទំនិញកាន់តែកើនឡើងរបស់អតិថិជន។ មូលដ្ឋានមិនបង្អង់ផ្សព្វផ្សាយ បើកទូលាយទីផ្សារ។

បងស្រី ត្រឹងធីហៀង បង្ហាញវិសេសផលរបស់ត្រាវិញ។ រូបថត៖ ម៉ឹងក្វឹង

ដើម្បីបានក្លាយជានំក្រៀបទឹកដោះខ្ទិះដូងមានរសជាតិឈ្ងុយឆ្ងាញ់ដូចបច្ចុប្បន្ន គឺជាដំណាក់កាលអនុវត្តប្រកបដោយភាពលំបាក។ ចាប់ពីជ្រើសរើសវត្ថុធាតុល្អ មានគុណភាពដើម្បីនំមានរសជាតិឈ្ងុយឆ្ងាញ់នោះ ការកិននំទាមទារអ្នកសហការត្រូវមានដៃប៉ិនប្រសប់ និងទាំងការជក់ចិត្ត ក្នុងនោះដើម្បីនំបានមូលស្អាត មិនក្រាស់ មិនស្តើង ខ្នាតនំដូចគ្នា នំនីមួយៗស្មើគ្នា នៅពេលឆ្អើរ ឬក៏ចៀនឆ្អិនស្មើ លឿងស្រស់ យ៉ាងជក់ចិត្ត។ ជារៀងរាល់ឆ្នាំ មូលដ្ឋានផលិតនំក្រៀបប្រមាណ ៦៣.០០០ នំ ( ៣១,៥ តោន) ផ្គត់ផ្គង់ឱ្យទីផ្សារក្នុង និងក្រៅខេត្ត។ ទោះជាដូច្នោះក៏ដោយ ឆ្នាំ ២០២១ អាស្រ័យឥទ្ធិពលនៃអាសន្នរោគកូវីដ‑១៩ ម៉្លោះហើយចំនួននំដែលមូលដ្ឋានផលិតថយចុះ ៥០% ប្រៀប ជាមួយរយៈពេលមុន គិតជាមធ្យមមូលដ្ឋានផ្គត់ផ្គង់ឱ្យទីផ្សារក្នុងមួយថ្ងៃៗពី ២០០‑៣០០ នំ សំខាន់គឺទីផ្សារបណ្តាខេត្តតីនិញ កឹងធើ វិញឡុង គៀងយ៉ាង និងទីក្រុងហូជីមិញ៕                                                       

ប្រែសម្រួល៖ ថាច់សម្បត្តិ