ផ្តើមអាជីពពីរបរត្រីងៀត-បង្កើនតម្លៃសេដ្ឋកិច្ចសមុទ្រ

មិនត្រឹមតែមិនបង្អង់ចំពោះភាពរហ័សរហួន ប៉ិនប្រសប់ក្នុងការស្វែងរក តភ្ជាប់ជាមួយអតិថិជននៅបណ្តាពិធីផ្សារណាត់ សិក្ខាសាលារបស់ខេត្ត ស្រុកចាត់តាំងឡើយ បងស្រីលៀងហ៊ានពង្រីកអាជីពពីគ្រួសារធ្វើអាជីវកម្មទៅជាអាជីវកម្ម។ ដោយ ឧស្សាហ៍ព្យាយាមពុះពាររាល់ការលំបាកចាប់ពីការផលិតរហូតទៅដល់ទំនាក់ទំនងទីផ្សារផលិតផលបងស្រីលៀងមានអតិថិជនជាច្រើន។ជាពិសេសនៅដើមឆ្នាំ២០២០មុខទំនិញងៀតត្រីល្ហុងហាលមួយក្តៅបានគណៈកម្មាធិការបប្រជាជនខេត្តត្រាវិញទទួលស្គាល់ជាផលិតផលOCOP (រៀបចំណាត់ថ្នាក់ផ្កាយ៣)។ បងស្រីលៀង នាយិកាក្រុមហ៊ុនចំកាតឯកសមាជិកហុងលៀងត្រាវិញបានឱ្យដឹងថា៖ រយៈពេលជាង១០ឆ្នាំ មុខទំនិញជលផលដែលនេសាទ បានត្រឹមតែលក់ត្រីស្រស់ឱ្យបណ្តាគ្រួសារជួញដូរក្នុងស្រុក។ មានដំណើរនេសាទខ្លះបានច្រើន ត្រីបង្កងលក់មិនអស់ នេសាទករច្នៃជាត្រីងៀតលក់នៅតាមបណ្តាផ្សារក្នុងស្រុក។​ ដើម្បីពង្រីករឹងមាំរបរត្រីងៀតប្រពៃណីជាមួយគោលដៅកែលម្អសេដ្ឋកិច្ច ដោះស្រាយច្រកចេញជូននេសាទករ ក៏ដូចជាដោះស្រាយការងារធ្វើឲ្យបណ្តាសមាជិកក្នុងគ្រួសារនិងញាតិសន្តានក្នុងវង្សត្រកូល។ ទន្ទឹមនឹងនោះ ជ្រោមជ្រែងចលនាផ្តើមធ្វើអាជីវកម្ម និងផ្តើមអាជីពរបស់សមាគមនារីគ្រប់លំដាប់ថ្នាក់ដែលបានផ្សព្វផ្សាយ​បងស្រីលៀងឥតក្រែងរអែងវិនិយោគទុនផ្តើមអាជីព ពីច្នៃបង្កង ត្រីងៀតគ្រប់ប្រភេទ សំខាន់គឺបង្កង ត្រីល្ហុងហាលមួយក្តៅ ត្រីល្ហុងហូតយកឆ្អឹងចេញ​ ត្រីប្រខឿ ត្រីឆ្តោរ ត្រីអណ្តាតឆ្កែ។ល។ គិតជាមធ្យមក្នុងរយៈពេលមួយថ្ងៃប្រមាណ១៥០គីឡូក្រាម  ចំណេញជាង០១លានដុងក្នុមួយថ្ងៃ។ បណ្តាថ្ងៃបុណ្យតេត ក្រុមហ៊ុនធ្វើសកម្មភាពមិនសម្រាក ចំនួនបង្កងត្រីកើនឡើងជាពីរ​ ជាបីដងប្រៀបជាមួយថ្ងៃធម្មតា ប្រាក់ចំណាយជួលពលករថ្ងៃបុណ្យតេតកើនខ្ពស់ ម៉្លោះហើយតម្លៃលក់ក៏កើនតាម។

            តាមសំដីរបស់បងស្រីលៀង ជំហានច្នៃត្រីងៀតជាដំបូងសំខាន់បំផុតត្រឹមតែអំបិល នៅក្នុងរដូវវស្សា ត្រីស្រស់ច្រើន ច្នៃទៅជាត្រីងៀត លំបាក រយៈពេលគ្រប់គ្រងមិនយូរ ត្រីងាយដុះផ្សិតអាស្រ័យហាលមិនគ្រប់ក្តៅ។ បណ្តាឆ្នាំជិតៗនេះ បងស្រីស្រាវជ្រាវដើម្បីផលិតផលត្រីងៀតសម្រេចគុណភាព មានរសជាតិឆ្ងាញ់ ស្អាត ជក់ចិត្តអតិថិជន ក្នុងដំណាក់កាលច្នៃត្រួស បញ្ចូលគ្រឿងដូចជា៖ ម្ទេស មើមខ្ទឹម អំបិល​ ស្ករ និងស្រាដើមដើម្បីបង្កកម្រិតរលើប ស្អាត ត្រីងៀតមើលទៅគួរឱ្យជក់ចិត្ត។ ចំពោះបងស្រីលៀង​ ​ស្រាជាគ្រឿងម្ហូបមិនអាចខ្វះបានក្នុងពេលផ្អោបត្រីងៀត មានស្រាបន្ថយបានរុយ និងសត្វល្អិតដទៃទៀតតាមមកទំ។ ក្នុងពេលហាល​ត្រីងៀត ប្រើប្រាស់ស្រាដើមដាក់ចូលទៅក្នុងដបបាញ់ជុំវិញបណ្តាចន្ទាសហាលត្រីងៀតដើម្បីទប់ស្កាត់រុយទំ។

            ក្នុងរយៈពេលអាសន្នរោគកូវីដ-១៩ប្រព្រឹត្តឡើងយ៉ាងស្មុគស្មាញ ក្រុមហ៊ុនត្រូវបង់ខាតច្រើនបង្គួរអាស្រ័យច្រកចេញពិបាកម៉្លោះហើយចំនួនផលិតថយចុះ៣០%។ ទោះជា រងឥទ្ធិពលដោយអាសន្នរោគកូវីដ-១៩ក៏ដោយ ប៉ុន្តែក្រុមហ៊ុននៅតែរក្សាសកម្មភាពជម្នះការលំបាកដើម្បីដោះស្រាយការងារជូនពលករមានជីវភាពល្អប្រសើរជាង។បច្ចុប្បន្ន ផលិត ផលត្រីងៀតនៅក្រុមហ៊ុនលក់ដូរនៅខេត្តត្រាវិញ បិញយឿង ទីក្រុងហូជីមិញ ហាណូយ ហ្វេជាមួយផលិតផលត្រីងៀតគ្រប់ប្រភេទពី១៥០-២០០គីឡូក្រាមក្នុងមួយថ្ងៃ។ គិតជាមធ្យម ត្រីស្រស់៣០០គីឡូក្រាមច្នៃត្រួសទៅជាត្រីងៀតគ្រប់ប្រភេទ៩០គីឡូក្រាម ត្រីងៀតមួយគីឡូក្រាមតម្លៃពី៧០.០០០-៥០០.០០០ដុង បង្គាក្រៀមតម្លៃពី១លាន-១,៥លានដុងក្នុងមួយគីឡូ ក្រាម បង្គាសមុទ្រក្រៀមតម្លៃពី៥០០.០០០-៨០០.០០០ដុងក្នុងមួយគីឡូក្រាម ដោះស្រាយការងារធ្វើជូនពលករ១៧រូបចូលរួមបណ្តាកិច្ចការដូចជាស្រកាត្រី វះត្រី ហាលត្រី។ល។ម្នាក់ៗទទួលបានប្រាក់ចំណូលពី១៥០.០០០-២០០.០០០ដុងក្នុងមួយថ្ងៃ។ ចំពោះងៀតត្រីល្ហុងហាលមួយក្តៅ ត្រីល្ហុងហូតយកឆ្អឹងចេញគិតជាមធ្យមផលិតបានប្រមាណ៥០គីឡូក្រាមក្នុងមួយថ្ងៃ ក្នុងនោះត្រីងៀតល្ហុងហាលមួយក្តៅសម្រេចផលិតផលOCOP។

            បងស្រីលៀងបានឱ្យដឹងថា៖ ទោះបីផលិតផលត្រីងៀតច្រកចេញរបស់មូលដ្ឋានបានលំនឹងក៏ដោយ ប៉ុន្តែដោយអាស្រ័យឥទ្ធិពលអាសន្នរោគកូវីដ-១៩​ ម៉្លោះហើយការប្រើប្រាស់ផលិតផលថយចុះច្រើនបើប្រៀបជាមួយឆ្នាំមុន។ នៅពេលខាងមុខ ពេលទទួលបានប្រភពទុនពីគម្រោងការ ក្រៅពីការអនុវត្តន៍ត្រូវតាមកម្មវិធីផែនការអាជីវកម្មដូចដែលបានចុះឈ្មោះដើម្បីវិនិយោគរោងផលិត ឃ្លាំងត្រជាក់ ប្រព័ន្ធថាមពលព្រះអាទិត្យ វិនិច្ឆ័យទឹកសំណល់។ល។ ក្រុមហ៊ុនបើកទូលាយទីផ្សារ ឆ្ពោះទៅរកទីផ្សារនីហរ័ណទន្ទឹមនឹងនោះ ដោះស្រាយការងារជាប្រចាំជូនពលករមូលដ្ឋាន។ ទោះបីក្រុមហ៊ុនរីកចម្រើនពីមូលដ្ឋានតូចក៏ដោយ ក្នុងដំណាក់កាលដំបូងផ្តើមអាជីពដោយទទួលបានការយកចិត្តទុកដាក់ឧបត្ថម្ភប្រភពទុន ម៉្លោះហើយសែនរីករាយ។ ដើម្បីបង្កើនផលិតផលត្រីងៀត បង្កើនចំនួនអតិថិជន នៅពេលខាងមុខក្រុមហ៊ុននឹងវិនិយោគ និងកែលម្អចរន្តផលិត ទ្រង់ទ្រាយ កញ្ចប់ វិនិយោគម៉ាស៊ីនសំដិលផលិតផលទាំងប្រាំងវស្សាដើម្បីបង្កើនគុណភាពផលិតផល ធានាអនាម័យគ្រឿងបរិភោគដើម្បីប្រសព្វទីផ្សារទំនើបច្រើនជាង៕  ​​​ជីពដោយទទួលបានម៉្លោះហើយចំនួននៃការផលិតថយចុះ៣០%។ ម និងផ្តើមអាជីប្រែសម្រួល៖ សម្បត្តិ