ផ្តុំកម្លាំងពង្រឹងបណ្តាសហករណ៍កសិកម្ម

កសិករប្រមូលផលស្រូវ។ រូបថត៖ រតនា

ដើម្បីសម្រេចទិសដៅខាងលើ ផ្នែកកសិកម្មខេត្តជំរុញមាំផ្សព្វផ្សាយអំពីសេដ្ឋកិច្ចសហការ សហករណ៍ឲ្យប្រព័ន្ធកម្មាភិបាលផ្នែក គ្រប់គ្រងរដ្ឋ ផ្នែកអង្គការមហាជន និងសហគមន៍ ជាមួយខ្លឹមសារ និងវិធានការសមស្របនឹងមុខសញ្ញានីមួយៗ។ ផ្នែកក៏បានសហការជាមួយបណ្តាអង្គភាពពាក់ព័ន្ធលើកកម្ពស់ប្រសិទ្ធភាពការងារគ្រប់គ្រងរដ្ឋចំពោះសហករណ៍ កសាងកងជួរជំនាញការពិគ្រោះមានបទពិសោធន៍គ្រប់គ្រាន់អនុវត្តជាក់ស្តែងដើម្បីឧបត្ថម្ភពង្រឹង និងរៀបចំធ្វើសកម្មភាពរបស់បណ្តាសហករណ៍។

ផ្នែកកសិកម្មអនុវត្តព្រមៗគ្នាបណ្តាគោលនយោបាយពង្រីកសេដ្ឋកិច្ចសហការ ត្រៀមបម្រុងប្រភពថវិកាឧបត្ថម្ភរបស់មជ្ឈិម និង បណ្តាមូលដ្ឋានដើម្បីលើកកម្ពស់ប្រសិទ្ធភាពសកម្មភាពសហករណ៍ បើកទូលាយបណ្តាទម្រង់សហករណ៍របៀបថ្មី។ ទន្ទឹមនឹងនោះ ផ្នែកបានកេណ្ឌប្រមូលបណ្តាប្រភពកម្លាំងសង្គម ភ្ជាប់ជាមួយបណ្តាកម្មវិធីគោលដៅជាតិ បណ្តាកម្មវិធីពង្រីកសេដ្ឋកិច្ច-សង្គមនៅមូលដ្ឋានដើម្បីចាត់តាំងសហការចងសម្ព័ន្ធ។

លោកផាមមិញទ្រៀង នាយកមន្ទីរកសិកម្មនិងអភិវឌ្ឍន៍ជនបទបានឲ្យដឹង៖ ក្នុងរយៈពេល ០២ ឆ្នាំ (២០១៩-២០២០) ទូទាំងខេត្តពង្រីកសហករណ៍កសិកម្មថ្មីបាន ៥០ កន្លែង ថ្វីត្បិតសម្រេចផែនការ ប៉ុន្តែបណ្តាសហករណ៍កសិកម្មលើភូមិសាស្រ្តធ្វើសកម្មភាពគ្មានប្រសិទ្ធភាព។ បណ្តាលឲ្យចំនួនសហករណ៍ធ្វើសកម្មភាពគ្មានប្រសិទ្ធភាពរំសាយនៅមានច្រើន។ ក្នុងចំនួនសហករណ៍កសិកម្ម ១៤៥ កន្លែងរបស់ខេត្ត នៅមានសហករណ៍តែ ១២៩ កន្លែងកំពុងធ្វើសកម្មភាពសហករណ៍ ១៦ កន្លែងផ្អាកសកម្មភាពឬរំសាយ។

មូលហេតុគឺបណ្តាសហករណ៍កសិកម្មក្នុងខេត្តសំខាន់គឺផលិតទ្រង់ទ្រាយតូចរាត់រាយ តាមរូបភាពគ្រួសារកសិកម្ម ផលិតដោយរូបភាពកែច្នៃ គ្មានយីហោ មិនសូវមានការចងសម្ព័ន្ធក្នុងការផលិត ច្នៃផលិតតាមកន្សោមតម្លៃភ្ជាប់ជាមួយនឹងតម្រូវការប្រើប្រាស់របស់ទីផ្សារ។ រួមជាមួយនោះគឺបណ្តាការលំបាកអាស្រ័យអន់ថយអំពីសមត្ថភាពធនធាន លទ្ធភាពគ្រប់គ្រង បច្ចេកវិទ្យា ទីផ្សារប្រើប្រាស់។

រយៈពេលកន្លង ខេត្តបានផ្សព្វផ្សាយរចនាច្បាប់ គោលនយោបាយជាច្រើនឧបត្ថម្ភដល់បណ្តាសហករណ៍កសិកម្មឲ្យរីកចម្រើន។ អនុ វត្តគោលនយោបាយឧបត្ថម្ភប្រភពកម្លាំងគុណភាពខ្ពស់និងបង្កើតសហករណ៍ ដំណាក់កាល ២០១៧-២០២០ ទូទាំងខេត្តមានកម្មាភិបាល វ័យក្មេង១៤៦ នាក់រៀនចប់មហាវិទ្យាល័យ ឧត្តមសិក្សាមកបំពេញការងារនៅនឹងសហករណ៍កសិកម្ម ៦៣ កន្លែងអាស្រ័យរដ្ឋសងបៀវត្ស។ ខេត្តក៏ឧបត្ថម្ភទុនជិត ១,៩ ពាន់លានដុងសម្រាប់បង្កើតថ្មី ៦៣ សហករណ៍។

គិតមកទល់ពេលនេះ មានសហករណ៍កសិកម្ម ១៥  កន្លែងបានខេត្តឧបត្ថម្ភកសាងហេដ្ឋារចនាសម្ព័ន្ធជាមួយថវិកា ១០ ពាន់លានដុង។ ទន្ទឹមជាមួយនោះ បណ្តាសហករណ៍ក្នុងខេត្តបានឧបត្ថម្ភជំរុញពាណិជ្ជកម្មបើកទូលាយទីផ្សារ និងចងសម្ព័ន្ធលក់ផលិតផលតាមកន្សោមតម្លៃ។ កសាងពាណិជ្ជសញ្ញា យីហោ ផលិតផល អនុវត្តសម្បទាគ្រប់គ្រងគុណភាពចំពោះផលិតផលរបស់សហករណ៍កសិកម្មបានប្រសព្វជាមួយប្រភពទុន និងមូលនិធិពង្រីកសហករណ៍។ល។

សហករណ៍កសិកម្មព្រែកលប (ស្រុកទីវកឹង) បានបង្កើតនៅចុងឆ្នាំ ២០១៦ បច្ចុប្បន្ន មានសមាជិក ៥១៤ នាក់ សរុបទុនលក្ខន្តិកៈ ០១ ពាន់លានដុង ជាមួយផ្នែករបរពាណិជ្ជកម្ម ដូចជាចងសម្ព័ន្ធផ្គត់ផ្គង់សម្ភារកសិកម្ម ធានាច្រកចេញ សេវាកម្មធារាសាស្រ្តវាលស្រែ ទាញយកផលគ្រប់គ្រងទីផ្សារ។ល។ ជាមធ្យមក្នុងមួយឆ្នាំប្រភពចំណូលបានកើនឡើងសម្រាប់សមាជិកសហករណ៍ជាង ៧៥០ លានដុង។

លោកហ្វិញដាំងខ្វា ប្រធានក្រុមប្រឹក្សាភិបាលសហករណ៍កសិកម្មព្រែកលបបានឲ្យដឹង៖ សហករណ៍មានពលករ ០៣ នាក់មានកម្រិត វិជ្ជាមហាវិទ្យាល័យមកធ្វើការរួមមានវិស្វករ ០២ រូប និងគណនេយ្យ ០១ រូប អាស្រ័យរដ្ឋសងបៀវត្ស។ ថ្វីត្បិតដូច្នោះក្ដី បច្ចុប្បន្ននេះ សេចក្តីសម្រេចចិត្តនេះអស់មានសុពលភាពម្ល៉ោះហើយសហករណ៍សង្ឃឹមថារដ្ឋនឹងបន្តអនុវត្តគោលនយោបាយនេះដើម្បីធានាប្រភពកម្លាំងមានគុណភាពខ្ពស់សម្រាប់សហករណ៍ ជួយឲ្យសហករណ៍ធ្វើសកម្មភាពមានប្រសិទ្ធភាពដូចពេលកន្លង៕

ប្រែសម្រួល៖ តឹងង៉ុក