ប្រមូលផលស្រូវរដូវដើមឆ្នាំ កសិករស្រុកកូវង៉ាងជួបការលំបាក

បងសឺនសីហា នៅភូមិទ្រព្រះបាទ ឃុំញីទ្រឿងបានឱ្យដឹងថា៖ ក្តីលំបាកបំផុតរបស់​ប្រជាកសិករក្នុងរដូវប្រមូលផលស្រូវលើកនេះគឺគ្មានឈ្មួញមកប្រមូលទិញស្រូវ។ ក្រោយពេលប្រមូលផល កសិករភាគច្រើនដឹកជញ្ជូនមកកាន់ផ្ទះហាល បើដូចជាសព្វឆ្នាំ នៅមុន ពេលប្រមូលផលប្រមាណ ១៥ ថ្ងៃ ឬយឺតបំផុតគឺក្នុងពេលម៉ាស៊ីន​កំពុងកាត់ស្រូវក៏មានឈ្មួញមកសួររកទិញ ប៉ុន្តែឆ្នាំនេះ គ្មានឃើញឈ្មួញឡើយ។ ខ្ញុំធ្លាប់ផលិតស្រូវ និងលក់ស្រូវឱ្យឈ្មួញតាំងពីរាប់សិបឆ្នាំកន្លងមក ឱ្យតែដល់ រដូវ​ប្រមូលផលគឺមានបណ្តាមធ្យោបាយជើងទឹករបស់ឈ្មួញទិញស្រូវមកពីបណ្តាខេត្តយ៉ាងច្រើនពេលប្រមូលផលរួចគឺលក់នៅនឹងកន្លែង។ ឆ្នាំនេះដោយសារអនុវត្តគម្លាតសង្គមដើម្បី​បង្ការ ទប់ស្កាត់​អាសន្នរោគ បណ្តាមធ្យោបាយជើងទឹកមិនចូលមកបានដល់ភូមិសាស្រ្ត​ខេត្តប្រមូលទិញស្រូវរបស់ប្រជាកសិករ ម៉្លោះហើយកសិករភាគច្រើនលក់ស្រូវមិន​បាន។

កសិករស្រុកកូវង៉ាងកំពុងមមាញឹកប្រមូលផលស្រូវរដូវដើមឆ្នាំ។

ក្នុងងបណ្ដាឆ្នាំកន្លង មាមីងកសិករ​ប្រមូលផលរួចស្រេចគឺលក់ស្រូវទទឹក មិនបាច់ដឹកជញ្ជូនទៅកាន់កន្លែងហាល។ អាស្រ័យហេតុនោះ  ទាំងព្រលានសម្រាប់ហាល និងផ្ទាំងកៅស៊ូសម្រាប់គ្របស្រូវការពារកុំឱ្យ​ភ្លៀងទទឹកក៏មិនបានត្រៀមបម្រុង ហេតុនោះកសិករមួយចំនួនសម្រេចចិត្តលក់ឱ្យឈ្មួញនៅ​មូលដ្ឋានទិញរក្សាទុកក្នុងមួយគីឡូក្រាមជាមួយតម្លៃពី ៥.៤០០ -៥.៧០០ ដុង ទាបជាងពី ១.០០០-១.១០០ ដុង បើប្រៀបជាមួយតម្លៃស្រូវរដូវសម្រកឆ្នាំ  ២០២០-២០២១ ។

ទន្ទឹមជាមួយការជះឥទ្ធិពលអំពីតម្លៃ កសិករជាច្រើនក៏បែរមកប្រឈមមុខជាមួយអាកាស​ធាតុប្រែប្រួលខុសប្រក្រតីទៀតផង។ បងថាច់ធា នៅភូមិអញ្ចាញ់​ ឃុំទ្រឿងទ័រចែករំលែក៖ ឆ្នាំនេះអាកាសធាតុប្រែប្រួលពិបាកស្មាន ដើមរដូវភ្លៀងតិចធ្វើឱ្យកសិករត្រូវបង់ខាតប្រាក់​ទិញប្រេងសាំងបូមទឹកចូលស្រែ ដល់ដំណាក់កាលប្រមូលផល បែរជាភ្លៀងព្យុះញឹកញាប់​ ធ្វើឱ្យស្រូវរលំ មានកន្លែងខ្លះស្រូវដេកក្រោមទឹកអាស្រ័យបង្ហូតទឹកមិនទាន់។ ហេតុនោះ កសិករមួយចំនួនក៏រូតរះប្រមូលផលដើម្បីកុំឲ្យខាតច្រើន ពេលប្រមូលផលរួចត្រូវដឹកជញ្ជូនទៅផ្ទះហាលរង់ចាំឈ្មួញមកទិញ ។ នោះជាការលំបាកមួយចំនួនក្នុងរដូវអាសន្នរោគ។ គ្រួសារខ្ញុំផលិតស្រូវរដូវដើមឆ្នាំលើផ្ទៃ​ដី ១,៣ ហិកតា ក្នុងដំណាក់កាលស្រូវបញ្ចេញកួរ អ្នក ណាដើរទទឹងស្រែខ្ញុំតែងលាន់មាត់ថាស្រូវត្រូវ។ នៅតែ ១៥ ថ្ងៃទៀតប្រមូលផលស្រូវរលំប្រ មាណ ៤០% មានកន្លែងខ្លះប្រមូលផលបានតែបន្តិចបន្តួច ស្រូវត្រូវបែរជាខុស ទិន្នផល  សម្រេចបានតែ ៧,៥ តោន ខ្វះបំណុលហាងលក់ ជីថ្នាំមិនទាន់បានទូទាត់​មួយចំណែកណាផង។

កសិករផលិតស្រូវភាគច្រើន តែងតែទិញជី  ថ្នាំកម្ចាត់ដង្កូវក្រា ជួនកាលមានទាំងពូជស្រូវ​បណ្តាក់​ជា​មួយហាងលក់សម្ភារកសិកម្ម ដល់ចុងរដូវទើបទូទាត់ម្តង​ រួចបណ្តាក់បន្តដើម្បី​វិនិ យោគឲ្យរដូវបន្តទៀត។ បងស្រីតឺអាយសីវ ម្ចាស់ហាងសម្ភារកសិកម្មនៅភូមិអំ​ពាំងសាន្តបានឱ្យ ដឹង៖ ធ្វើអាជីវកម្មបណ្តាសម្ភារកសិកម្មជាច្រើនឆ្នាំកន្លង  យើងខ្ញុំបាន​ជ្រាបច្បាស់ពីទឹកចិត្តរបស់ មាមីងឱ្យតែក្រោយពេលប្រមូលផលស្រូវរួចគឺមាមីងទូទាត់គ្រប់​សព្វឱ្យហាងយើងខ្ញុំ ទោះបី ទិន្នផលមិនខ្ពស់ក៏ដោយ។ ប៉ុន្តែក្នុងលើកឥទ្ធិពលដោយសារអាសន្នរោគកូវីដ-១៩ នេះ មាមីង ជាច្រើនក៏មានការថ្ងូចថ្ងូរពី​ស្រូវលក់​មិនបាន។  ខ្ញុំក៏កំពុងរំពឹងថ្លឹងថ្លែង រិះរករបៀបដោះស្រាយអំពីការឥទ្ធិពលរួមក្នុង​លើកនេះដើម្បីបានជិតដិតជាមួយមាមីងធ្វើការរកស៊ីយូរអង្វែង។

លោកថាច់ង៉ុកមិញ អនុប្រធានគណៈកម្មាធិការប្រជាជនឃុំទ្រឿងទ័របានឱ្យដឹងថា៖ នៅ ចំពោះមុខស្ថានភាពលំបាករបស់ប្រជាជន យើង ខ្ញុំក៏តែងលាតត្រដាងដល់ផ្នែក​ពាក់ព័ន្ធដើម្បី ដោះស្រាយ។ ទន្ទឹមនឹងនោះ អំពាវនាវដល់ប្រជាជនត្រូវចែករំលែកជា​មួយការឥទ្ធិពលរួម  បើសិនក្រោយលើកអាសន្នរោគនេះ ឬក៏ក្រោយ ពេលអនុវត្តគម្លាតសង្គម​​​រួចមានឈ្មួញចូលមក ទិញច្រើន តម្លៃស្រូវរបស់មាមីងប្រាកដជាបានលើកកម្ពស់ជាក់ជាមិន​ខាន៕           ​​

អត្ថបទ-រូបថត៖ ថាច់សម្បត្តិ