ទីវកឹង៖ ប្រកាសព្រមានបង្ការកម្ចាត់ជំងឺស្រូវរដូវ វស្សាឆ្នាំ ២០២០

គិតមកដល់បច្ចុប្បន្ននេះ  មាមីងកសិករស្រុកទីវកឹងចុះពូជស្រូវ រដូវវស្សាបាន ១០.៧៧៥​ ហិកតា សម្រេចជាង ៩១% នៃផ្ទៃដីរួម។ បណ្តាពូជដែលបានចុះលើកនេះ គឺ OM18, OM 5451, OM 4900, ML202។ អាស្រ័យអាកាសធាតុមិនអំណោយផល បច្ចុប្បន្ន មានស្រូវជិត ១.០០០ ហិកតាត្រូវជ្រាបជំងឺ។

វិស្វករ វ៉ក្វាងកឿង អនុប្រធានការិយាល័យកសិកម្មនិងអភិវឌ្ឍន៍ជនបទស្រុកទីវកឹង ប្រកាសព្រមានដល់មាមីងកសិករត្រូវយកចិត្តទុកដាក់អនុវត្តល្អបណ្តាវិធានការគ្រប់គ្រងមួយចំនួននិងបង្ការកម្ចាត់ជំងឺរលួយស្លឹក ពេលឃើញស្នាមជាំតូចៗពណ៌ប្រផេះគឺត្រូវចាប់ផ្តើមបាញ់ថ្នាំដើម្បីបង្ការជំងឺកុំឲ្យរាលដាល។ មាមីងអាចប្រើបណ្តាប្រភេទថ្នាំ៖ Fuan 40EC,  Beam 75WP, Bump 650WP, Ninja 35EC, Flash 800WG, Lany 75WP, Trizole 75WP, Map Famy 700WP ដើម្បីកម្ចាត់ជំងឺរលួយស្លឹក។

កសិករបាញ់ថ្នាំស្រូវ។ រូបថត៖ ថាញ់ក្វាង

ចំពោះស្រូវជ្រាបជំងឺរលួយស្លឹក មាមីងត្រូវប្រើបណ្តាប្រភេទថ្នាំ៖ Beam 75WP, Bump 650WP, Lany Super 80WP ផ្សំជាមួយបណ្តាប្រភេទថ្នាំ៖ Total 200WP, Xantoxin 40WP, Antixo 200WP។ ក្រោយពេលបាញ់ថ្នាំបាន​ ០៣​​ ថ្ងៃ មាមីងគួរតែពិនិត្យមើលបើសិនឃើញស្នាមជំងឺស្ងួតនិងបន្តបាញ់ថ្នាំបន្ថែមរួចព្រាចជី​ដើម្បីផ្តល់ជាតិឲ្យស្រូវ។

ចំពោះដង្កូវមូរស្លឹក មាមីងគួរប្រើបណ្តាប្រភេទថ្នាំ៖ Vitaco 400WP, Indo Soper 150SC, Karate 2,5EC, Map Winner 8g, Regent 5SC, Sunnato 800 WG  ដើម្បីកម្ចាត់។

ក្នុងរយៈពេលបាញ់ថ្នាំបង្ការកម្ចាត់ជំងឺមាមីងគួរប្រើបណ្តាប្រភេទថ្នាំ តាមការណែនាំលើស្លាកសញ្ញានិងបាញ់គ្រប់ចំនួនពី ២-៣ ធុងចំណុះ ១៦ លិត្រក្នុង ១.០០០ ម៉ែត្រក្រឡា និងផ្អាកការព្រាចជីដាមនិង​បាញ់ថ្នាំសម្រើបក្នុងដំណាក់កាលបាញ់ថ្នាំបង្ការកម្ចាត់ជំងឺ។​ ពេលអស់ជំងឺមាមីងអាចព្រាចជី បាញ់ថ្នាំតាមធម្មតា ៕​                     

ថាញ់ក្វាង-ថាច់ហៀង