ទីវកឹងម្ចាស់ការវិធានការទប់ទល់ជាមួយទឹកជំនោរក្នុងបណ្តាខែចុងឆ្នាំ ២០២០

   លោកង្វៀងវ៉ាំងម៉ើយនាយកសហគ្រាសវារីកសិកម្មស្រុកទីវកឹងបានឱ្យដឹងថា៖ បច្ចុប្បន្នសហគ្រាសវារីកសិកម្មស្រុកបានកសាងរួចរាល់វិធានការដាក់ឱ្យដំណើរការបណ្តាលូដើមប្រភព សំណង់ធារាសាស្រ្តបង្ខាំងទឹកប្រៃ បង្ខាំងទឹកជំនោរលើភូមិសាស្រ្តស្រុក។ ការដាក់ឱ្យដំណើរការបណ្តាលូដើមប្រភពបានអនុវត្តឯកភាពក្នុងទូទាំងប្រព័ន្ធ, ទន្ទឹមនឹងនោះបង្កើនការងារត្រួតពិនិត្យដើម្បីបង្ការហេតុការណ៍នៅតាមបណ្តាសំណង់, បំផុតគឺសំណង់ធារាសាស្រ្តដើមប្រភពចុះខ្សោយ,​បណ្តាលូទ្រនាស់ទឹក ទំនប់ទឹកមានបាតុភាពត្រូវរយះ ហៀរទឹកដើម្បីជម្នះឱ្យបានទាន់ពេល។

លូបង្ខាំងទឹកស្រុកទីវកឹង៕ រូបថត៖ ថាញ់ក្វាង

      ចំពោះលូបង្ខាំងទឹកកញ្ចោងនឹងដាក់ឱ្យដំណើរការតាមវិធានការបង្ខាំងទឹកប្រៃ បង្ខាំងទឹកជំនោរ ទទួលយកទឹកសាបឱ្យទូទាំងតំបន់គម្រោងការរបស់ស្រុកទីវកឹង និងបណ្តាស្រុកជិតៗនោះ។ ក្នុងករណីមិនទាន់មានទឹកជំនោរ និងមិនទាន់កើតមានកម្រិតទឹកប្រៃនោះ នឹងដាក់ឱ្យដំណើរការលូតាមតម្រូវការជាក់ស្តែង គឺទទួលយកទឹកសម្រាប់ការផលិត បម្រើដល់ចរាចរណ៍ផ្លូវទឹក និងកែប្រែបរិស្ថានទឹក។ ពេលទឹកជំនោរប្រព្រឹត្តឡើងជាមួយកម្រិតពី២ម៉ែត្រឡើងទៅនោះ នឹងដាក់ឱ្យដំណើរការតាមរូបភាពឱ្យទឹកចូលពី២-៣ផ្លូវ និងឱ្យទឹកចេញពី៤-៦ផ្លូវ។ ចំពោះលូត្រែម និងបណ្តាលូដើមប្រភពដទៃទៀតនឹងអនុវត្តវិធានការតែមួយជួរមិនយកទឹកចូល មានត្រឹមតែបើកចម្ហបង្ហូតទឹកចេញ(ចូល០, ចេញ១)។ ការងារដាក់ឱ្យដំណើរការបណ្តាលូដើមប្រភពអនុវត្តតាមគ្រោងពេលវេលាចាប់ពីថ្ងៃ ១៥ កើតដល់២រោចខែចន្ទគតិ និងចាប់ពីថ្ងៃទី៣០ដល់ថ្ងៃទី៤ខែសូរិយាគតិរៀងរាល់ខែ។

       រួមជាមួយវិធានការដាក់ឱ្យដំណើរការសហគ្រាសវារីកសិកម្មស្រុកទីវកឹងក៏នឹងបង្កើនធនធានមនុស្ស មធ្យោបាយប្រចាំការ ២៤/២៤ ម៉ោងនៅតាមបណ្តាលូដើមប្រភពដើម្បីធានាល្អការងារធ្វើដំណើរការ ពិនិត្យកម្រិតប្រៃ បង្គោលទឹក ក្តាប់រក្សាតួលេខ, បិទប្រកាសផែនការធ្វើដំណើរការ, ពេលវេលាធ្វើដំណើរការ,​ តួលេខពិនិត្យកម្រិតប្រៃ និងបង្គោលទឹកនៅអាគារគ្រប់គ្រងលូ។ ទន្ទឹមនឹងនោះ បញ្ជូនកម្មាភិបាលជំនាញពិនិត្យជាញឹកញាប់ស្ថានភាពផលិតក្នុងតំបន់ និងសំណូមពរវិធានការវិនិច្ឆ័យបណ្តាកន្លែងលូទ្រនាស់ទឹក ទំនប់ទឹកមានបាតុភាពត្រូវរយះ ហៀរទឹកពេលទឹកជំនោរឡើងខ្ពស់។

        ទោះជាដូច្នោះក៏ដោយ ដើម្បីកាត់បន្ថយដល់កម្រិតទាបបំផុតការខូចខាតអាស្រ័យទឹកជំនោរ ជ្រាបជាតិប្រៃបង្កឡើង ឥទ្ធិពលដល់ការផលិត ចិញ្ចឹមជលផល អាយុជីវិត និងទ្រព្យសម្បត្តិរបស់ប្រជាជន សហគ្រាសវារីកសិកម្មស្រុកទីវកឹងស្នើដល់បណ្តាឃុំ ទីប្រជុំជន និងប្រជាជនមូលដ្ឋានជូនដំណឹងឱ្យបានទាន់ពេលអំពីហេតុការណ៍ឬក៏បណ្តាព័ត៌មានដែលជាប់ទាក់ទងដល់ការងារដំណើរការជួសជុល ថែទាំនៅតាមបណ្តាសំណង់ធារាសាស្រ្តដើម្បីផ្នែកជំនាញម្ចាស់ការទប់ទល់ឱ្យបានទាន់ពេលពេលមានសភាពការណ៍កើតឡើង៕  

                         ថាញ់ក្វាង-សម្បត្តិ