ទម្រង់បង្វែរដីផលិតស្រូវមិនសូវមានផលមកដាំដំណាំ

         លោកថាច់ហាញ់ហឿង លេខាសាខាបក្សនិងជាប្រធានគណៈកម្មការប្រជាជនភូមិក្រកណ្តាលឃុំអាក្វាងហ៊ឺវបានឲ្យដឹងថា៖ ភូមិក្រកណ្ដាល មានគ្រួសារប្រជាជន ១.២៣០ គ្រួ ក្នុងនោះជនជាតិខ្មែរស្រូបយកអត្រា ៩៨% ។ ភូមិមានផ្ទៃដីកសិកម្ម ១៤០ ហិកតា មាមីងនៅទីនេះភាគច្រើនប្រកបរបរផលិតកសិកម្មនិងចិញ្ចឹមសត្វ។

     បច្ចុប្បន្ននេះ ទូទាំងភូមិ មាមីងកសិករបង្វែរផ្ទៃដីផលិតស្រូវមិនសូវមានផលមកដាំដំណាំបានជិត ១០ ហិកតា សម្រេចបានលទ្ធផលសេដ្ឋកិច្ចខ្ពស់។

កសិករថាច់ហាញ់កំពុងថែទាំឪឡឹក។

     កសិករថាច់ហាញ់ នៅភូមិក្រកណ្ដាល ឃុំអាក្វាងហ៊ឺវបានបង្វែរសម្រេចជោគជ័យលើផ្ទៃដីផលិតស្រូវមិនសូវមានផលរបស់គ្រួសារឲ្យដឹងថា៖ គ្រួសារខ្ញុំមានផ្ទៃដីកសិកម្ម ២,៥ ហិកតាធ្លាប់បានផលិតស្រូវទៀងទាត់ក្នុងមួយឆ្នាំ ០២ រដូវ។ អាស្រ័យដោយមិនសូវមានផល កាលពីដំបូងខ្ញុំមិនទាន់ហ៊ានបង្វែរមកដាំដំណាំដោយសារតម្លៃនិងប្រភពផ្គត់ផ្គង់នាំចេញទីផ្សារមិនលំនឹង។ អាស្រ័យបានរដ្ឋអំណាចមូលដ្ឋានផ្សព្វផ្សាយ ចលនាមាមីងកសិករឲ្យបង្វែរពីការផលិតស្រូវមកដាំដំណាំ ទន្ទឹមនឹងនោះនៅទាំងឧទ្ទេសនាមឈ្មួញមួយចំនួននៅក្នុងខេត្តមកទស្សនាទម្រង់និងបានប្រមូលទិញផលិតផលហេតុដូច្នោះប្រជាជនក៏ស្ងប់ចិត្តអំពីប្រភពផ្គត់ផ្គង់នាំចេញទីផ្សារ។ បច្ចុប្បន្ននេះ ខ្ញុំបានសម្រេចចិត្តបង្វែរដីផលិតស្រូវមិនសូវមានផលជាង ០,៨ ហិកតាមកដាំឪឡឹក ឆ្លៀតដាំដំណាំបង្វិលជុំក្នុងមួយឆ្នាំ ០៣ រដូវ (ក្នុងនោះ ឪឡឹក ០២ រដូវ ល្ពៅ ០១ រដូវ)។

     ជាក់ស្ដែងដូចជា ឆ្នាំមុនផ្ទៃដីជាង ០,៧ ហិកតាបើសិនផលិតស្រូវគឺទិន្នផលសម្រេចបានក្នុងមួយកុងតែពី ៤០០-៥០០ គីឡូក្រាម គ្រប់ដើមទុនប៉ុណ្ណោះ។ អាស្រ័យហេតុនោះ​ខ្ញុំបានបង្វែរមកដាំឪឡឹ គិតជាមធ្យមក្នុងមួយកុងអាចផ្ដល់ផល ១,៥ តោន ក្រោយពេលគិតប្រាក់ចំណាយរួច គ្រួសារខ្ញុំនៅចំណេញជាង ៥០ លានដុង។ បច្ចុប្បន្ននេះ ខ្ញុំបានសម្រេចចិត្តបើកទូលាយផ្ទៃដីផលិតស្រូវបន្ថែម ០,១ ហិកតាទៀត ប្រសិនបើប្រៀបនឹងការផលិតស្រូវ ដាំឪឡឹកចំណេញខ្ពស់ជាងច្រើនដង។

     កសិករគឹមមុនី​ នៅភូមិក្រកណ្ដាលក៏ជាគ្រួសារមួយបានបង្វែរផ្ទៃដីផលិតស្រូវមកដាំដំណាំសម្រេចបានជោគជ័យដែរ។ គ្រួសារគាត់បានធូរធារដោយសារទម្រង់បង្វែរដីផលិតស្រូវមិនសូវមានផលមកដាំដំណាំ អាស្រ័យដោយដីផ្នោរខ្ពស់មិនអាចរក្សាទឹកបានប្រសិនបើផលិតស្រូវតទៅមុខទៀតកាន់តែខាតដើមទុន ហេតុដូច្នោះ គាត់បានសម្រេចចិត្តបង្វែរមកដាំល្ពៅ ០,៦ ហិកតា ទិន្នផលសម្រេចមធ្យមក្នុងមួយកុងបាន ០២ តោន លក់ចំណេញបានពី ៤ - ៥ លានដុង ។ ផ្ដើមពីទម្រង់ដាំល្ពៅនេះនាំមកប្រភពចំណូលខ្ពស់ដល់គ្រួសារគាត់ទិញគោមេបន្ថែមបាន ០៤ ក្បាលទៀតដើម្បីលំនឹងជីវភាព៕

អត្ថបទ-រូបថត៖លឺវវ៉ូ