ទម្រង់ដាំឫស្សីយកទំពាំងរបស់គ្រួសារលោកមាគីមជុង

លោកមាជុងបានឲ្យដឹងថា​ ដំបូងគាត់ដាំពិសោធនកម្មតែ ១០ គុម្ព ក្រោយពេលដាំបានជិតមួយឆ្នាំទំពាំងដុះកាន់តែច្រើន ហើយកាត់លក់ឲ្យឈ្មួញនៅរដូវភ្លៀង តម្លៃទំពាំថោក ក្នុងមួយគីឡូក្រាមបានតែពី ១០.០០០ ដល់ ១៤.០០០ ដុង នៅរដូវប្រាំងតម្លៃទំពាំងកើនខ្ពស់ដល់ទៅ ៧០.០០០ ដុង​ ក្នុងមួយគីឡូក្រាម។ ក្រោយមកឃើញថាទម្រង់នេះមិនត្រឹមតែនាំមកតម្លៃសេដ្ឋកិច្ចខ្ពស់ ហើយនៅទាំងមានច្រកចេញលំនឹង តម្លៃខ្ពស់ ចាប់តាំងពីពេលនោះ លោកមាជុងក៏បង្វែរផ្ទៃដីកសិកម្ម ៣.០០០ ម៉ែត្រក្រឡា ដែលផលិតស្រូវផ្តល់ទិន្នផលទាបមកដាំឫស្សីយកទំពាំងនិងបណ្តុះឫស្សីយកពូជឧបត្ថម្ភដល់សមាជិកក្រុមសហការនៅក្នុងភូមិចូលរួមផលិត គិតជាមធ្យមក្នុងមួយគ្រួសារដាំពី ២.០០០ ដល់ ៣.០០០ ម៉ែត្រក្រឡា។

ក្រៅអំពីផ្ទៃដីខាងលើ បច្ចុប្បន្ន កំពុងប្រមូលផលមធ្យមក្នុងមួយថ្ងៃ ២០ គីឡូក្រាម ហើយលក់ជាមួយតម្លៃ ១០.០០០ ដុងក្នុងមួយគីឡូក្រាម ចំណេញជាង ១០០.០០០ ដុងក្នុងមួយថ្ងៃ លោកមារនៅទាំងដាំបន្ថែមចំនួន ៥០ គុម្ពទៀត ដើម្បីផ្លាស់ប្តូរបណ្តាគុម្ពឫស្សីដែលចាស់ផ្តល់ទិន្នផលទាប ដើម្បីបង្កើនប្រ ភពចំណូលជាប្រចាំ។ ដាំឫស្សីយកទំពាំងត្រូវឧស្សាហ៍ថែទាំនៅរដូវក្តៅ ស្រោចទឹកជាប្រចាំ ដើម្បីរក្សាឫស្សីឲ្យដុះទំពាំងបានលំនឹង នៅរដូវភ្លៀងកាត់រំលស់មែកឲ្យស្រឡះរួចព្រាចជីជាប្រចាំ ដើម្បីទំពាំងដុះមានគ្រប់គុណភាពល្អ។ បើប្រៀបជាមួយបណ្តាបន្លែបង្ការគ្រប់ប្រភេទ ដាំឫស្សីយកទំពាំងចំណាយពេលថែទាំតិច សមស្របជាមួយអ្នកដែលមានវ័យចាស់​ជាពិសេសចំណាយទុនតិច។

នឹកឃើញបណ្តាឆ្នាំទើបដាំទំពាំងដំបូង លោកមាជុងសំណេះសំណាលថា៖ សេដ្ឋកិច្ចគ្រួសារពឹងទៅលើរបរផលិតកសិកម្មគឺដីស្រែដែលឪពុកម្តាយចែកឲ្យកាលប្តីប្រពន្ធទើបតែចេញនៅដោយឡែកបានដីជាង ១ ហិកតា អាស្រ័យមានការឧស្សាហ៍ព្យាយាមរកស៊ី ប៉ុន្តែជីវភាពមិនបានធូរធាសោះឡើយ។ ប៉ុន្តែដល់បណ្តាឆ្នាំក្រោយមក ដោយឃើញរបរផលិតស្រូវមិនអាចធូរធាបាន ហេតុនោះទើបលោកមាបង្វែរផ្ទៃដីកសិកម្ម ២.០០០ ម៉ែត្រក្រឡា​មកដាំដំណាំ មានបន្លែគ្រប់ប្រភេទ មានប្រាក់ចំណូលខ្ពស់ ជាងការផលិតស្រូវពី ០៣​ ដល់ ០៥ ដង តាំងពីពេលនោះ លោកមាក៏បានពង្រីកផ្ទៃដីចម្ការឡើង ០,៥ ហិកតា ដាំបង្វិលជុំជាច្រើនរដូវ ក្នុងមួយឆ្នាំមានប្រាក់ចំណូលជាង ១០០ លានដុងក្នុងមួយឆ្នាំ។ គិតតាំងពីប្រភពចំណូលនេះ លោកមាជុងទិញបានដីបន្ថែមសម្រាប់ផលិត  បច្ចុប្បន្នគ្រួសារលោកមាមានដីជាង ០២ ហិកតាសម្រាប់ផលិត។ ជាមួយតួនាទីជាប្រធានក្រុមសហការដាំដំណាំរបស់ភូមិ លោកមាតែងចែករំលែកបច្ចេកទេសរួម ក៏ដូចជាឫស្សីពូជ ជួយឲ្យមាមីងកសិករជាច្រើនពង្រីកការផលិត ឈានឡើងធ្វើមាន។ ក្រៅពីនោះ លោកមានៅទាំងចងសម្ព័ន្ធក្នុងការប្រមូលទិញបណ្តាប្រភេទបន្លែរបស់សមាជិកនិងប្រជាជននៅក្នុងភូមិឆ្លើយតបតម្រូវការទីផ្សារដើមទងនៅក្នុងនិងក្រៅខេត្ត។ បច្ចុប្បន្នច្រកចេញកសិផលមិនបានលំនឹង អាស្រ័យការទទួលយកមុខទំនិញពីក្រៅខេត្តជួបការលំបាកព្រោះជំងឺកូវីដ-១៩ នៅប្រែប្រួលស្មុគ្រស្មាញ និងគម្លាតសង្គម ប៉ុន្តែគ្រួសារលោកមានៅតែរក្សាប្រមូលទិញទំនិញកសិផលរបស់បងប្អូន សមាជិកក្នុងក្រុមផ្តល់ឲ្យទីផ្សារដើមទងនៅខេត្តត្រាវិញ និងទីផ្សារសង្កាត់លេខ ១។ ក្រៅពីចំនួនផ្តល់ឲ្យទីផ្សារដើមទងនោះ មុខទំនិញមួយចំនួនទៀតលក់រាយនៅទីផ្សារ ថ្ងៃណាដែលលក់មិនអស់លោកមាឧបត្ថម្ភដល់បណ្តាតំបន់ចត្តាឡីស័ក។

ចំពោះលោកមាគីមជុង សង្ឃឹមថាពេលខាងមុខនេះ បណ្តាផ្នែកនិងមូលដ្ឋានយកចិត្តទុកដាក់បង្កលក្ខណៈឲ្យក្រុមសហការបានបុលទុនអាទិភាព ដើម្បីវិនិយោគទិញមធ្យោបាយសម្រាប់ដឹកនាំមុខទំនិញកសិផលរបស់ក្រុមនិងប្រជាជននៅលើភូមិសាស្រ្តផ្គត់ផ្គង់ទីផ្សារដើមទងនៅក្នុងនិងក្រៅខេត្ត។ ព្រោះ បច្ចុប្បន្ននេះ ភាគច្រើនការដឹកនាំមុខទំនិញ កសិផលរបស់ក្រុមដោយម៉ូតូ ហេតុនោះប្រាក់ ចំណាយខ្ពស់ ក្នុងពេលនោះសមត្ថភាពផ្គត់ផ្គង់បន្លែរបស់ក្រុមសហការនិងកសិករនៅលើភូមិសាស្រ្តបានតែ ០១ លើកក្នុងមួយថ្ងៃ៕

ប្រែសម្រួល៖ ថាច់ហៀង