ថ្នាក់ដឹកនាំទីផ្សាររួមខេត្តយ្វៀងហាយត្រួតពិនិត្យស្ថានភាពស្រុតបាក់ដីនៅឃុំហ៊ីបថាញ់ និងត្រឿងឡុងហ្វា

កាលពីថ្ងៃទី ១០ មករា ទទួលបានដំណឹងពីប្រជាជន សមមិត្តត្រឹងត្រឿងយ៉ាង ប្រធានគណៈកម្មាធិការប្រជាជនទីផ្សាររួមខេត្តយ្វៀងហាយរួមដំណើរជាមួយសមមិត្តង្វៀងវ៉ាំងឡាញ់ និងសមមិត្តកាវធីហុងហ្គឹម អនុប្រធានគណៈកម្មាធិការប្រជាជនទីផ្សាររួមខេត្តអញ្ជើញទៅត្រួតពិនិត្យស្ថានភាពស្រុតបាក់ដីទំនប់នៅឃុំហ៊ីបថាញ់និងត្រឿងឡុងហ្វា។

ថ្នាក់ដឹកនាំទីផ្សាររួមខេត្តយ្វៀងហាយចុះពិនិត្យសំណង់របាំងហ៊ីបថាញ់។ រូបថត៖ មិញទ្រី

នៅឃុំហ៊ីបថាញ់ កំណាត់ទំនប់ប្រវែង ៦០ ម៉ែត្រត្រូវបាក់យ៉ាងធ្ងន់ធ្ងរ ទឹកសមុទ្រហូរចូលដល់ដីគោកចម្ងាយពីផ្ទះប្រជាជនប្រមាណ ១០០ ម៉ែត្រ។ គណៈកម្មាធិការប្រជាជនឃុំបានកេណ្ឌប្រមូលរថយន្តរួមជាមួយកងកម្លាំងកងទ័ពការពារព្រំដែន និងប្រជាជនក្នុងតំបន់ទប់ដីត្រង់កន្លែងទំនប់បាក់នោះ ដើម្បីជម្នះបណ្ដោះអាសន្នស្ថានភាពស្រុតបាក់ដីទប់ស្កាត់ទឹកជោរឡើង។

ចំណែកនៅភ្លឺសមុទ្រឃុំត្រឿងឡុងហ្វាសមុទ្របានស៊ីជម្រៅចូលមកដីគោកប្រមាណ ៥០ ម៉ែត្រ ភ្លឺសមុទ្ររងឥទ្ធិពលប្រមាណ ១.៨០០ ម៉ែត្រ។ រលកសមុទ្របោកមកលើដីគោកបណ្ដាលឲ្យស្រុតបាក់ដីផលិតកសិកម្ម និងញាំញីគ្រួសារប្រជាជននៅក្នុងតំបន់។ បច្ចុប្បន្ន រដ្ឋអំណាចមូលដ្ឋាន បណ្ដាផ្នែក អង្គការមហាជន និងប្រជាជនបានទប់បណ្ដោះអាសន្នដោយការុងដីខ្សាច់ដើម្បីកាត់បន្ថយស្ថានភាពស្រុតបាក់ដី។ បានដឹងថា បច្ចុប្បន្ននេះ នៅតំបន់ពាមឡាងនឿក ឃុំត្រឿងឡុងហ្វានៅតែមិនទាន់មានទំនប់ការពារសមុទ្រនៅឡើយ។

សមមិត្តត្រឹងត្រឿងយ៉ាង ប្រធានគណៈកម្មាធិការប្រជាជនទីផ្សាររួមខេត្តយ្វៀងហាយបានសំណូមពរឲ្យបណ្ដាមូលដ្ឋានដែលត្រូវរងឥទ្ធិពលគប្បីបង្កើនការផ្សព្វផ្សាយបណ្ដាវិធីសាស្រ្ដសំដៅធានាសុវត្ថិភាពទ្រព្យសម្បត្តិជូនប្រជាជនក្នុងតំបន់ ផ្សព្វផ្សាយបណ្ដារបៀបប្រកាសព្រមាន ធ្វើមូលដ្ឋានីយកម្មតំបន់គ្រោះថ្នាក់ ចាត់ឲ្យកងកម្លាំងឧស្សាហ៍ត្រួតពិនិត្យក្ដាប់ស្ថានភាពប្រែប្រួលនៃការស្រុតបាក់ដីរួចរបាយការណ៍ហានិភ័យទាន់ពេលនិងជំរុញទឹកចិត្តប្រជាជនជម្នះការលំបាក។ ប្រធានគណៈកម្មាធិការប្រជាជនទីផ្សាររួមខេត្តក៏បានចង្អុលការដល់ផ្នែកពាក់ព័ន្ធ គប្បីផ្សព្វផ្សាយជាបន្ទាន់បណ្ដារបៀបជម្នះការស្រុតបាក់ដីសំដៅការពារដីធ្លី ទ្រព្យសម្បត្តិរបស់ប្រជាជន និងបណ្ដា សំណង់ហេដ្ឋារចនាសម្ព័ន្ធសំខាន់ៗ៕

មិញទ្រី-ថាច់ហ្វាង