តម្រូវការបុលទុនក្នុងការផលិតកសិកម្មថយចុះច្រើន

កត់សម្គាល់ពីស្ថានភាពរំសាយបណ្តាប្រភពទុនរបស់បណ្តាអង្គការឥណទានលើភូមិសាស្រ្តស្រុកកូវង៉ាង នេះជាមូលដ្ឋានដែលមានកម្លាំងព្រៀបអំពីការចិញ្ចឹមជលផល។ ជារៀងរាល់ឆ្នាំ ត្រូវការទុនផ្គត់ផ្គង់ក្នុងវិស័យនេះច្រើនបង្គួរ។ ទោះជាដូច្នោះក៏ដោយ ចាប់ពីខែមិថុនា ឆ្នាំ ២០២១ មកទល់ពេលនេះ បណ្តាគ្រួសារចិញ្ចឹមជលផលនៅស្រុកកូវ​ង៉ាងមិនទាន់ហ៊ានបើកទូលាយ និងវិនិយោគឱ្យការចិញ្ចឹមថ្មី អាស្រ័យដោយតម្លៃមុខទំនិញ​ជល​​ផលដូចជាបង្គាទឹក​​​ប្រៃ និងបង្កង​​ជើងសថយចុះខ្លាំង ប្រាក់ចំណាយវិនិយោគសម្រាប់​ការចិញ្ចឹមជលផលកើនខ្ពស់ ហានិភ័យខ្ពស់។

ប្រជាកសិករស្រុកចូវថាញ់ប្រមូលផលត្រីផ្ទក់។  រូបថត៖  រតនា

ប្តូរយោបល់ជាមួយយើងខ្ញុំ លោកហ្វិញឌឹកងៀ នាយកធនាគារកសិកម្មនិង​អភិវឌ្ឍន៍ជនបទស្រុកកូវង៉ាងបានឱ្យដឹងថា៖ ទោះបីអនុវត្តគម្លាតសង្គម ប៉ុន្តែខាងធនាគារស្រុក​នៅតែរក្សា និងធានាផ្គត់ផ្គង់ ១០០% បណ្តាសេវាកម្មរំសាយបណ្តាប្រភពទុនបុលសម្រាប់អតិថិជន។ ថ្វីត្បិតតែដូចច្នោះ ចាប់ពីខែមិថុនា ឆ្នាំ ២០២១ មកទល់ពេលនេះ ចំនួនអតិថិជនបុលថ្មី ឬក៏វិនិយោគឡើងវិញមានការថយចុះខ្លាំង។ បណ្តាគ្រួសារចិញ្ចឹមជលផលភាគ​ច្រើន “ត្រូវគាំង”  បណ្តាគ្រួសារបានត្រឹមតែចិញ្ចឹមដោយបង្អែបង្អង់​ មិនផ្តុំវិនិយោគខ្លាំងដូច​កាលពីមុនទៀត។ ទោះបីឥណទានមានការបង្កើន ប៉ុន្តែមិនច្រើនប្រៀបជាមួយរយៈពេលតែមួយ​នៃឆ្នាំ ២០២០។ បច្ចុប្បន្ន សរុបប្រភពទុនសំណល់បំណុលឱ្យបុលប្រមាណ​ ១.២០០ ពាន់លានដុង (ផែនការ ១.៩០០ ពាន់លានដុង)។ចំពោះវិស័យ បុលវិនិយោគទិញស្រូវបច្ចុប្បន្ននេះ នៅស្រុកកូវង៉ាងមិនទាន់មានអាជីវកម្មអនុវត្តបុលទុន។

តាមប្រភពដំណឹងពីធនាគាររដ្ឋវៀតណាមសាខាខេត្តត្រាវិញ ចាប់ពីដើមឆ្នាំមកទល់ថ្ងៃទី ២១ ខែសីហា  សំណល់បំណុលឱ្យបុលរបស់បណ្តាអង្គការឥណទានលើភូមិសាស្រ្តខេត្តសម្រេច​ ៣០.៧៨៣ ពាន់លានដុង ក្នុងនោះសំណល់បំណុលឱ្យបុលបម្រើការផលិត ធ្វើអាជីវកម្មសម្រេច ២៤.៩៧៤ ពាន់លានដុង ស្រូបយកអត្រា ៩១,១៣% នៃសំណល់បំណុល។ បច្ចុប្បន្ន សំណល់បំណុលថយចុះអាស្រ័យឥទ្ធិពលនៃស្ថានភាពរួម ត្រូវអនុវត្តគម្លាតសង្គម អតិថិជនមួយចំនួនមិនទាន់មានតម្រូវការបុលទុនឡើងវិញដើម្បីបម្រើឱ្យសកម្មភាពផលិត ធ្វើអាជីវកម្ម។ រួមជាមួយនោះ បណ្តាធនាគារពាណិជ្ជកម្មបានបន្ថយប្រាក់ការព្រមៗគ្នាឱ្យ​បុលបណ្តាខ្ទង់សំណល់បំណុលដែលមាននាពេលបច្ចុប្បន្នជាមួយកម្រិតថយទូលំទូលាយពី ០,៥‑១,៥% ប្រៀបជាមួយប្រាក់ការដែលកំពុងអនុវត្ត រយៈពេលអនុវត្តចាប់ពីថ្ងៃទី ១៥ ខែកក្កដា ឆ្នាំ ២០២១ ដល់ចុងឆ្នាំ ២០២១។ ឆ្លងតាមរយៈនោះ បណ្តាធនាគារពាណិជ្ជកម្ម​បានផ្សព្វផ្សាយបន្ថយប្រាក់ការសម្រាប់ខ្ទង់បុលដែលមាននាពេលបច្ចុប្បន្នឱ្យអតិថិជន ៧៣.៥៨០ នាក់ ជាមួយសំណល់បំណុលប្រមាណ ១៣.៦៧៦ ពាន់លានដុង។ ចំពោះ​ខ្ទង់ឱ្យបុលថ្មី បណ្តាធនាគារពាណិជ្ជកម្មបានបន្ថយប្រាក់ការបណ្តាខ្ទង់ថ្មីឱ្យអតិថិជន ជាមួយកម្រិតប្រាក់ការឱ្យបុលទូលំទូលាយគឺ ០៦ ‑១០,៥% ក្នុងមួយឆ្នាំ (ថយចុះ ០,៥‑១,៥% ប្រៀបជាមួយរយៈពេលមុននោះ)។

ចំពោះបណ្តាគ្រួសារចិញ្ចឹមជលផលនាពេលបច្ចុប្បន្ន ព្រួយបារម្ភអំពីប្រភព​ទុនបុលដើម្បីវិនិយោគឡើងវិញ ពេលដែលស្ថានភាពផលិត និងការលក់កសិផល​កំពុងជួបការលំបាក តម្លៃលក់ត្រឹមតែស្មើជាមួយតម្លៃផលិត។ ឆ្លងតាមរយៈការប្តូរយោបល់​ជាមួយយើងខ្ញុំ កសិករត្រឹងតឹងតាយ នៅភូមិដាយថូង(បេ) ឃុំហ្វាមិញ​ ស្រុកចូវថាញ់ចែករំ​លែក៖ គ្រួសារមានស្រះចិញ្ចឹមបង្កងជើងសតាមរូបភាពប្រពលវប្បកម្ម​កម្រិតខ្ពស់​ប្រមាណ ០,៣ ហិកតា។ កន្លងហើយ បុលទុនពីធនាគារកសិកម្មនិងអភិវឌ្ឍន៍ជនបទ​ស្រុកចូវថាញ់  ក្រោយពេលសងប្រាក់ទុនរួច បច្ចុប្បន្ន  កំពុងបម្រុងស្រះសម្រាប់រដូវចិញ្ចឹម​នៅដើមខែសីហា ឆ្នាំ ២០២១ ប៉ុន្តែស្ថានភាពតម្លៃបង្កងជើងសថយចុះខ្លាំង ហើយច្រក​ចេញពិបាក គ្រួសារបានធ្វើអនាម័យស្រះរួចស្រេច ប៉ុន្តែមិនទាន់ហ៊ានព្រលែងកូនពូជចុះ​ចិញ្ចឹម។  ហេតុនោះទុនបុលថ្មីរបស់ធនាគារ បានគ្រួសារផ្អាកមកវិញ រួចរង់ចាំពេលណាទី​ផ្សារលក់បង្កងបានលំនឹង​ ងាយស្រួលអំពីច្រកចេញទើបបុលមកវិញ តាមការគ្រោងទុក តម្រូវការទុនបុលប្រមាណ ១៥០ លានដុង។

បានដឹងថា ក្នុងការឧបត្ថម្ភប្រភពទុនបុលផលិតនាពេលបច្ចុប្បន្ន ធនាគារកសិកម្ម‑អភិវឌ្ឍន៍ជនបទជាកន្លែងមួយក្នុងចំណោមកន្លែងដែលមានចំនួនអតិថិជនចូលរួមបុលទុនស្រូបយកអត្រាខ្ពស់បំផុតប្រៀបជាមួយបណ្តាអង្គការឥណទានដទៃៗលើភូមិ​សាស្រ្តខេត្ត។ ក្នុងវិស័យផលិតកសិកម្ម ធនាគារកសិកម្ម‑អភិវឌ្ឍន៍ជនបទបានចេញផ្សាយយន្តការគោលនយោបាយសំខាន់ៗជាច្រើនទាក់ទងដល់ការដោះស្រាយបញ្ហាលំបាកជូនអតិថិជនត្រូវឥទ្ធិពលអាស្រ័យអាសន្នរោគកូវីដ‑១៩ តាមសារណែនាំលេខ ០៣/២០២១/TT-NHNN កែប្រែ បំពេញបន្ថែម សារណែនាំលេខ ០១/២០២០/ TT-NHNN របស់ធនាគាររដ្ឋវៀតណាមកំណត់អំពីរចនាបទឡើងវិញពេល​វេលាសងបំណុល លើកលែង បន្ថយប្រាក់ការកម្រៃ រក្សាដដែលក្រុមបំណុលដើម្បីឧបត្ថម្ភអតិថិជនរងឥទ្ធិពលដោយអាសន្នរោគកូវីដ‑១៩។

តាមប្រសាសន៍របស់លោកង្វៀងវ៉ាំងហឿង នាយករងទទួលបន្ទុកធនាគារកសិកម្ម‑​អភិវឌ្ឍន៍ជនបទសាខាខេត្តត្រាវិញ៖ គិតមកទល់ពេលនេះ ចំពោះធនាគារបានផ្សព្វផ្សាយវិនិ​យោគទឹកប្រាក់ជាង ៩.៣០០ ពាន់លានដុង (ក្នុងនោះ មានប្រាក់ទុន ១.៩៩៥ ពាន់​លានដុងបម្រើតម្រូវការចិញ្ចឹមជលផលរបស់បណ្តាគ្រួសារផលិត)។  ក្នុងវិស័យវិនិយោគ​ដោយឡែកសម្រាប់បណ្តាគ្រួសារចិញ្ចឹមបង្កងឧស្សាហកម្មប្រពលវប្បកម្មកម្រិតខ្ពស់ បច្ចុប្បន្ន មានអតិថិជន ៤៨២​ នាក់ ជាមួយសំណល់បំណុលឱ្យបុលជាង ៥៦០ ពាន់លាន​ដុង។ បណ្តាគ្រួសារផលិតបានធនាគារអាទិភាពអំពីទុនទូទាត់ហើយ ប្រាក់ការ​ ៤,៨២% ក្នុងមួយឆ្នាំ៕               

ប្រែសម្រួល៖ សម្បត្តិ