ជនជាតិខ្មែរនៅត្រាវិញអាទិភាពប្រើប្រាស់មុខទំនិញវៀតដំណាក់កាលកូវីដ ១៩

   តាំងពីអាសន្នរោគ កូវីដ‑១៩​ រាលដាលស្មុគស្មាញ អ្នកប្រើប្រាស់​ក្នុងខេត្ត និយាយរួម អ្នកប្រើប្រាស់ជនជាតិខ្មែរនិយាយដោយឡែក ច្រើនទៅទិញដូរនៅប្រព័ន្ធផ្សារ​ទំនើបក្នុងខេត្ត។ នៅផ្សារទំនើប Co.opmart ត្រាវិញ យើង ខ្ញុំមានឱកាសជួបសំណេះ សំណាលជាមួយបងថាច់ធីផល្លា នៅភូមិក្នក ឃុំស៊ុងឡុក ស្រុកចូវថាញ់។ បងផល្លា សំណេះសំណាល៖គ្រួសារខ្ញុំមានប្រភពចំណូលពីការលក់ភេសជ្ជៈនិងលក់មុខទំនិញ​សម្រាប់បងប្អូននារីតាមបណ្តាញ។ កាលមិនទាន់មានអាសន្នរោគការលក់ដូរ​របស់ខ្ញុំក៏មានប្រភពចំណូលជិត ១០ លានដុង ក្នុងមួយខែ។ ប៉ុន្តែចាប់តាំងពីអាសន្ន រោគកូវីដ‑១៩​ រាលដាលស្មុគស្មាញមកខ្ញុំលក់ដូរមិនសូវបានទើបខ្ញុំយល់ខ្លះៗពីការ​លំបាករបស់អាជីវកម្មក្នុងការផលិត ធ្វើអាជីវកម្មក្នុងដំណាក់កាលកូវីដ‑១៩ ។ ម្ល៉ោះហើយ ខ្ញុំតែងទិញមុខទំនិញវៀតណាមជាបន្តទៀត ដើម្បីរួមចំណែកចូលរួមជ្រោមជ្រែងចលនា "ជនជាតិវៀតណាមអាទិភាពប្រើប្រាស់មុខទំនិញ វៀត"និងរួមចំណែកជួយបណ្តាអាជីវកម្មដោះស្រាយការលំបាកមួយចំណែកក្នុងដំណាក់កាលកើតអាសន្នរោគកូវីដ‑១៩។

            តាមរបាយការណ៍របស់ប្រធានគណៈកម្មាធិការរណសិរ្សមានតុភូមិវៀតណាមត្រាវិញ បានឲ្យដឹង៖ តាំងពីដើមឆ្នាំ ២០១៩ ដល់ ០៦ ខែដើមឆ្នាំ​ ២០២០ គណៈកម្មាធិការមាតុភូមិវៀតណាមខេត្តរួមជាមួយបណ្តាផ្នែកមានសមត្ថកិច្ចបានចាត់តាំងផ្សព្វចលនា"ជន ជាតិវៀត ណាមអាទិភាពប្រើប្រាស់មុខទំនិញវៀត" ភ្ជាប់ជាមួយចលនា "ទូទាំងប្រជាជនសាមគ្គីកសាងជនបទថ្មី ទីក្រុងអារ្យធម៌" ចលនាប្រឡងប្រណាំង "សាមគ្គីច្នៃប្រតិដ្ឋ" អាស្រ័យដោយគណៈកម្មធិការ រណសិរ្សមាតុភូមិវៀតណាមបំផុសចលនា បាន ៦.៧៣១ មានសមាជិកបណ្តាសមាគម និងប្រជាជនជាង ៥៣៥.៧០០ លើកនាក់ចូលរួម។​  ផ្តើមពីនោះបានរួមចំណែកជួយឲ្យ ប្រជាជន ក្នុងខេត្តនិយាយរួម ប្រជាជនខ្មែរនិយាយដោយឡែកបង្កើនការយល់ដឹងពី ខ្លឹមសារនៃចលនា"ជនជាតិវៀតណាមអាទិភាពប្រើប្រាស់មុខទំនិញ វៀត"។

            ដើម្បីរួមចំណែកផ្សព្វផ្សាយខ្លឹមសារនៃចលនា"ជនជាតិវៀតណាមអាទិភាពប្រើប្រាស់មុខទំនិញវៀត"ដល់ជនជាតិខ្មែរ ក្នុងថ្ងៃបុណ្យផ្សេងៗ ព្រះចៅធិការ គណៈកម្មការបណ្តា​វត្តខ្មែរក្នុងខេត្តតែងចាត់តាំងផ្សព្វផ្សាយខ្លឹមសារនៃការចលនាជូនដល់ប្រជាពុទ្ធបរិស័ទជារឿយៗ។​ ព្រះឧបជ្ឈាយ៍គីមថន ប្រធានសមាគមព្រះសង្ឃសាមគ្គីស្នេហា ជាតិស្រុក ចូវថាញ់ ព្រះចៅអធិការវត្តចម្បីសោភ័ណ (ត្រោកកើត) មានថេរដីកាឲ្យដឹងថា៖ បណ្តាវត្តខ្មែរនៅលើភូមិសាស្រ្តស្រុកតែងចាត់តាំងផ្សព្វផ្សាយគោលការណ៍ គោលមាគ៌ា គោលនយោបាយច្បាប់របស់បក្សនិងរដ្ឋភ្ជាប់ជាមួយចលនា"ជនជាតិវៀតណាមអាទិភាពប្រើប្រាស់មុខទំនិញវៀត" ដល់ប្រជាពុទ្ធបរិស័ទជារឿយៗ។ ឆ្លងតាមរយៈនោះបានរួម ចំណែកជួយឲ្យមាមីងខ្មែរបង្កើនការយល់ដឹងនិងមានស្មារតីទទួលបន្ទុកក្នុងការប្រើប្រាស់មុខទំនិញវៀតណាម។​ បើតាមអាត្មាសង្កេតឃើញ បច្ចុប្បន្ន ពុទ្ធបរិស័ទខ្មែរតែងអាទិភាព​ប្រើប្រាស់មុខទំនិញវៀតណាម។​ ពីព្រោះមុខទំនិញនេះមានប្រភពច្បាស់លាស់ ធានាគុណភាព តម្លៃក៏សមស្រប ជាពិសេសស្ថានភាពសព្វថ្ងៃនេះយើងត្រូវអាទិភាពប្រើ ប្រាស់​​មុខទំនិញវៀតដើម្បីរួមចំណែកជួយបណ្តាអាជីវកម្មឲ្យឆ្លងផុតពីការលំបាកក្នុង ដំណាក់កាលកូវីដ‑១៩ ៕អត្ថបទ‑រូបថត៖ សុជា