ឃុំលៀងហ្វា(អា) ទទួលអំណរបុណ្យសែនដូនតាក្នុងរដូវអាសន្នរោគកូវីដ-១៩

ឆ្នាំនេះគ្រួសារលោកមាថាច់វិញ នៅភូមិដាយទែនចាត់តាំងបុណ្យសែនដូនតា ប៉ុន្តែប្លែកជាងឆ្នាំមុនព្រោះមិនអញ្ជើញភ្ញៀវចូលរួម ដោយអាស្រ័យកូនៗរបស់គាត់ទៅធ្វើការឆ្ងាយគ្មានឱកាសបានមកជួបជុំគ្រួសារ។ លោកមាថាច់វិញបានឱ្យដឹងថា៖ ជារៀងរាល់ឆ្នាំមុន ឱ្យតែដល់ឱកាសបុណ្យសែនដូនតាជាពេលបញ្ចប់រដូវផលិតស្រូវមួយរដូវ រួមជាមួយការជួបជុំគ្រួសារ ម៉្លោះហើយក៏អញ្ជើញមាមីងភូមិផងរបងជាមួយចូលរួមសប្បាយ អំណរបុណ្យសែនដូនតាផង អំណរបានផលស្រូវផង។ ឆ្នាំនេះ កូនៗទៅរកស៊ីនៅទីឆ្ងាយគ្មានឱកាសវិលមកកាន់គ្រួសារដោយអាស្រ័យរងឥទ្ធិពល អាសន្នរោគកូវីដ-១៩ ម៉្លោះហើយមិនចាត់តាំងដូចសព្វឆ្នាំមុន គ្រាន់តែធ្វើឱ្យបានគ្រប់គ្រាន់តាមពិធីទំនៀមទម្លាប់របស់ជនរួមជាតិខ្មែរដូច ជា៖ នៅថ្ងៃ១៤រោចរៀបស្ពកបាយសែនព្រេនចាស់ទុំដែលលាចាកលោកនេះទៅ។ ថ្ងៃ១៥រោច យកចង្ហាន់ទៅប្រគេនព្រះសង្ឃចាត់ជាការឆ្លងបុណ្យសែនដូនតា។

              លោកមាថាច់វិញសំណេះសំណាលថា៖ ធាតុពិតឆ្នាំនេះគួរចាត់តាំងឱ្យសប្បាយដូចសព្វឆ្នាំមុន​ ព្រោះផ្ទៃដីផលិតស្រូវរបស់គ្រួសារជិត០២ហិកតាប្រមូលផលសម្រេចបានគិតជាមធ្យម៦,២ តោនក្នុងមួយហិកតា លក់បានតម្លៃ៦.២០០ដុងក្នុមួយគីឡូក្រាម គិតទៅរដូវនេះចំណេញបង្គួរ។

    ចំណុចខុសប្លែក នៅរដូវបុណ្យសែនដូនតាឆ្នាំនេះ បានស្តែងឱ្យឃើញនៅត្រង់ការកំសាន្តសប្បាយចាត់តាំងសិល្បៈក្នុងបណ្តាថ្ងៃជិតដល់បុណ្យសែនដូនតា(ហៅថាថ្ងៃកាន់បិណ្ឌ)។ មីងគឹមធីតៀង នៅភូមិសម្តេចបានឱ្យដឹងថា៖ ជារៀងរាល់ឆ្នាំបើសិនលោកមាធ្វើដំណើរ មកកាន់ភូមិនេះក្នុងបណ្តាថ្ងៃកាន់បិណ្ឌ ក្រោយពេលព្រះសង្ឃទទួលភត្តរួចនៅតាមលំនៅ ឋានរបស់ពុទ្ធបរិស័ទ ឮ ចម្រៀង  តន្រ្តីសប្បាយក្នុងថ្ងៃបុណ្យលាន់រំពងពីផ្ទះមួយទៅផ្ទះមួយ។ ប៉ុន្តែឆ្នាំនេះ រូបភាពនោះបានថយចុះយ៉ាងច្រើន គ្រួសារនីមួយៗតែងចាត់តាំងដោយស្មារតីប្រិតសំចៃ ទន្ទឹមនឹងនោះស្តែងច្បាស់ការគាំទ្រដល់ការបង្ការ ទប់ស្កាត់ អាសន្នរោគកូវីដ-១៩មិន គប្បីធ្វេសប្រហែស។

            នៅតាមបណ្តាវត្តខ្មែរលើភូមិសាស្រ្តឃុំលឿងហ្វា(អា)ដូចជា៖ វត្តបទុមគង្គា (រួមមិត្ត) វត្តពោធិវង្សារាម(ចុងទ័ព)ក៏មិនសូវមានភាពអធិកអធមដែរ។ ក្នុងបណ្តាថ្ងៃកាន់បិណ្ឌ ពុទ្ធបរិស័ទ ផ្លាស់វេនគ្នាចូលចាត់ចែងចង្ហាន់ប្រគេនព្រះសង្ឃ រួចប្រញាប់ប្រញាល់វិលត្រឡប់ទៅផ្ទះវិញ ជៀសវាងស្ថានភាពផ្តុំគ្នាច្រើន អូសអន្លាយពេលវេលា។ ព្រះតេជគុណថាច់ហ៊ុង ព្រះចៅអធិការវត្តពោធិវង្សារាម(ចុងទ័ព) មានថេរដីកាឱ្យដឹងថា៖ ទោះបីរាល់ការប្រជុំជីវភាបរបស់ពុទ្ធបរិស័ទបានវិលមកភាពប្រក្រតី ប្រជាជនមិនសូវពិភាក្សាគ្នាពីអាសន្នរោគក៏ ដោយ ប៉ុន្តែវត្តនៅតែបំផុសចលនាឱ្យពុទ្ធបរិស័ទអនុវត្តតាមការបំផុសចលនារបស់មូលដ្ឋាន និងការក្រើនព្រមានរបស់ផ្នែកជំនាញ។ ជារៀងរាល់ឆ្នាំ ក្នុងបណ្តាថ្ងៃកាន់បិណ្ឌ ក៏ដូចជាថ្ងៃភ្ជុំបិណ្ឌតែងចាត់តាំងពិធីសិល្បៈ ចាត់តាំងកីឡា។ល។ ដើម្បីទាក់ទាញការចូលរួមសប្បាយរបស់យុវវ័យខ្មែរក្រោយថ្ងៃពលកម្មនឿយហត់។ ឆ្នាំនេះវត្តគ្មានចាត់តាំងទៀត ប៉ុន្តែបណ្តាពិធីប្រពៃណីនៅតែធានា ដើម្បីជៀសវាងការប៉ះពាល់ផ្ទាល់ដោយមនុស្សច្រើនគ្នា ជ្រោមជ្រែងល្អដល់ការងារបង្ការ ទប់ស្កាត់អាសន្នរោគ ទោះបីជាមូលដ្ឋានមិនមែនជាតំបន់មានបាតុភាពខ្ពស់ក៏ដោយ។

            បើទុកជាពិធីបុណ្យសែនដូនតាប្រព្រឹត្តឡើងក្នុងរដូវអាសន្នរោគកូវីដ-១៩ដែលមនុស្សគ្រប់រូបកំពុងប្រុងប្រយ័ត្នបង្ការ ទប់ស្កាត់ជំងឺក៏ដោយ ប៉ុន្តែរដ្ឋអំណាចមូលដ្ឋានក៏ត្រៀមអនុវត្តល្អគោលនយោបាយជនជាតិ គោលនយោបាយសាសនាលើភូមិសាស្រ្តឃុំផងដែរ។ លោកស្រីលីធីមិញហ៊ីវ ប្រធានគណៈកម្មាធិការប្រជាជនឃុំលឿងហ្វា(អា)បានឱ្យដឹង៖ ទោះបីស្ថិតក្នុងស្ថានភាពបែបណាក៏ដោយ ពេលដល់រដូវបុណ្យទានរបស់ជនរួមជាតិខ្មែរ មូលដ្ឋានតែងឆ្លៀតពេលទៅសួរសុខទុក្ខ ជូនអំណោយបណ្តាគ្រួសារគោលនយោបាយ គ្រួសារមានសគុណ ចំពោះបដិវត្តន៍ បណ្តាវត្តពុទ្ធសាសនាគណៈមហានិកាយខ្មែរលើភូមិសាស្រ្ត។ ឱកាសនោះ យើងខ្ញុំពឹងពាក់ដល់ព្រះចៅអធិការ គណៈអារាមាភិបាលវត្តយកចិត្តទុកដាក់ជាងទៀត ការងារផ្សព្វផ្សាយដល់មាមីងពុទ្ធបរិស័ទ អំពីការយល់ដឹង ពីការបង្ការ ទប់ស្កាត់អាសន្នរោគយ៉ាងមានប្រសិទ្ធភាព៕          អត្ថបទ-រូបថត៖ សម្បត្តិ