ឃុំថាញ់ភូ៖ ប្រសិទ្ធភាពពីទម្រង់ផ្លាស់ប្តូររចនាសម័្ពន្ធផលិត

ក្នុងការផលិតស្រូវរដូវសម្រកឆ្នាំ ២០១៦ -២០១៧ អាស្រ័យជះឥទ្ធិពលពីការជ្រាបជាតិជូរប្រៃ និងរាំងស្ងួត ការផលិតស្រូវរបស់មាមីងកសិករនៅឃុំថាញ់ភូជួបលំបាកច្រើន ប្រសិទ្ធភាពសេដ្ឋកិច្ចនាំមកមិនបានខ្ពស់។ អាស្រ័យជះឥទ្ធិពលរបស់អាកាសធាតុប្រែប្រួល បានជះឥទ្ធិពលដល់ការផលិតកសិកម្មលើភូមិសាស្រ្ត(ផលិតស្រូវ) កសិករឃុំថាញ់ភូបានប្រថុយផ្លាស់ប្តូររចនាសម័្ពន្ធផលិតសន្សឹមៗលើបណ្តាផ្ទៃដីផលិតស្រូវមកដាំក្រូចពោធិ៍សាត់។

កសិករង្វៀងវ៉ាំងខាញ់ នៅភូមិទី ៣ ឃុំថាញ់ភូបានឲ្យដឹង៖ បច្ចុប្បន្ននេះ លក្ខណៈផលិតរបស់មូលដ្ឋានងាយស្រួលបង្គួរក្នុងការផ្លាស់ប្តូររចនាសម័្ពន្ធផលិត ព្រោះប្រព័ន្ធធារាសាស្រ្តវាលស្រែបានកសាងសម្រេចជាសារវន្ត។ គ្រួសារបានបង្វែរដីផលិតស្រូវ ០,៣ ហិកតាមកដាំក្រូចពោធិ៍សាត់សំបកក្រាស់ អាស្រ័យក្រូចពោធិ៍សាត់សំបកក្រាស់ត្រូវការទឹកតិចជាងស្រូវ ហេតុនោះហើយដល់ពេលរាំងស្ងួត ចំនួនទឹកស្រោចស្រពឲ្យដើមក្រូចអាចប្រើប្រាស់ទឹកក្នុងបណ្តាអណ្តូងតូច និងអណ្តូងស្នប់បាន។ ទន្ទឹមនឹងនោះ តម្លៃក្រូចពោធិ៍សាត់សំបកក្រាស់តែងលំនឹង គិតតាំងពីចុងឆ្នាំ ២០២០ មកទល់ពេលនេះក្នុងមួយគីឡូក្រាមតម្លៃពី ១៤.០០០ -១៦.០០០ ដុង ក្រោយពេលទូទាត់ខ្ទង់ចំណាយ អ្នកដាំនៅចំណេញ ១០.០០០ ដុង (ទូទាត់ខ្ទង់ចំណាយវិនិយោគ ០២ ឆ្នាំដំបូង រយៈពេលទាញយកផលប្រមាណ ០៤-០៥ ឆ្នាំ) ក្នុងមួយហិកតាទិន្នផលផ្ដល់ពី ៨០-៩០ លានដុងក្នុងមួយឆ្នាំ។

កសិករផ្លាស់ប្តូរដីផលិតស្រូវមកដាំដំណាំ។

សំណេះសំណាលជាមួយយើងខ្ញុំ លោក ង៉ូវ៉ាំងស៊ើង ប្រធានគណៈកម្មាធិការប្រជាជនឃុំថាញ់ភូបានឲ្យដឹង៖ គិតតាំងពីឆ្នាំ ២០១៦-២០១៧ ផ្ទៃដីផលិតស្រូវទូទាំងឃុំប្រមាណ ៨៥០ ហិកតា។ ថ្វីត្បិតដូច្នោះ អាស្រ័យផលិតស្រូវមិនសូវមានផលអាកាសធាតុតែងប្រែប្រួល ដើមរដូវស្រូវតែងត្រូវរាំងស្ងួត ជ្រាបជាតិជូរប្រៃ ផ្តើមពីនោះ មាមីងកសិករបានបង្វែរមកដាំក្រូចពោធិ៍សាត់សំបកក្រាស់លើដីផលិតស្រូវវិញ។ ផ្ដើមពីប្រសិទ្ធភាពនៃបណ្តាទម្រង់ផ្លាស់ប្តូរនោះ សន្សឹមៗបានពង្រីកទូលាយដល់មាមីងលើភូមិសាស្រ្តឃុំថាញ់ភូ។ បច្ចុប្បន្ននេះទូទាំងឃុំមានផ្ទៃដីចម្ការឈើហូបផ្លែជាង ១.១០០ ហិកតា (ដីដាំក្រូចពោធិ៍សាត់សំបកក្រាស់ប្រមាណ ៨៥០ ហិកតា) និងបង្វែរផ្ទៃដីផលិតស្រូវមកដាំក្រូចពោធិ៍សាត់បាន ៨០០/៨៥០ ហិកតា បច្ចុប្បន្ននេះទូទាំងឃុំនៅមានដីផលិតស្រូវប្រមាណ ៥០ ហិកតា។ ទន្ទឹមនឹងនោះ ដាំដំណាំក្នុងចម្ការក្រូចថ្មីជារៀងរាល់ឆ្នាំបានជិត ៦០០ ហិកតា រួមចំណែកជួយឲ្យមាមីងកសិករបង្កើនតម្លៃសេដ្ឋកិច្ចក្នុងការផលិត។

ក្នុងការឧបត្ថម្ភមាមីងកសិករអនុវត្តផ្លាស់ប្តូរពីការផលិតស្រូវមកដាំឈើហូបផ្លែដូចជាក្រូចពោធិ៍សាត់សំបកក្រាស់ ក្រូចត្លុង។ល។ គិតមកទល់ពេលនេះ ឃុំថាញ់ភូបានអនុវត្តគោលនយោបាយឧបត្ថម្ភរចនាសម្ព័ន្ធកសិកម្មឡើងវិញតាមសេចក្ដីសម្រេចចិត្តលេខ ១៥/២០១៦ /NQ/HĐND ចុះថ្ងៃទី ០៨ ធ្នូ ឆ្នាំ ២០១៦ របស់ក្រុមប្រឹក្សាប្រជាជនខេត្តបាន ០២ គម្រោងការដាំក្រូចពោធិ៍សាត់សំបកក្រាស់ និងដាំក្រូចត្លុង លើផ្ទៃដី ១៤៥,៨២ ហិកតា (ឆ្នាំ ២០២០) និងសេចក្តីសម្រេចចិត្តលេខ ០៣/២០២១/ NQ/HĐND ចុះថ្ងៃទី ១៩ មីនា ឆ្នាំ ២០២១ របស់ក្រុមប្រឹក្សាប្រជាជនខេត្តស្ដីពីការផ្សព្វផ្សាយសេចក្តីកំណត់គោលនយោបាយឧបត្ថម្ភរចនាសម្ព័ន្ធផ្នែកកសិកម្មខេត្តត្រាវិញឡើងវិញ (ដំណាក់កាល ២០២១-២០២៥) មាន ១៦០ គ្រួសារចុះឈ្មោះ ផ្ទៃដី ៨០ ហិកតា។

កសិករង្វៀងវ៉ាំងហ្វាង ស្នាក់នៅភូមិទី ៤ ឃុំ ថាញ់ភូបានឲ្យដឹង៖ ពីមុនគ្រួសារផលិតតែស្រូវ ជាមួយផ្ទៃដីប្រមាណ ០,៣ ហិកតា។ គិតតាំងពីដើមឆ្នាំ ២០១៧ មកទល់ពេលនេះបានផ្លាស់ប្តូរមកដាំក្រូច ព្រោះស្ថានភាពផលិតស្រូវមិនសូវអំណោយផល អាស្រ័យផ្ទៃដីផលិតជាដីទួល តែងខ្វះទឹកនៅដើមរដូវដើមឆ្នាំ។ ក្រោយពេលបង្វែរមកដាំក្រូចទទួលបានលទ្ធផលខ្ពស់គ្រាន់បើ និងលំនឹងជាងការផលិតស្រូវ។ ប៉ុន្តែចំណាយទុនលើកដំបូងក៏ខ្ពស់បង្គួរ អាស្រ័យហេតុនោះមាមីងកសិករត្រូវការឧបត្ថម្ភវិនិយោគពីប្រភពទុនរបស់រដ្ឋ និងអង្គការចាត់តាំងឥណទាន។

តាមប្រសាសន៍របស់លោកង៉ូវ៉ាំងស៊ើង ដើម្បីលើកកម្ពស់ប្រសិទ្ធភាពផលិតសម្របសម្រួលតាមអាកាសធាតុប្រែប្រួល មូលដ្ឋាននៅទាំងផ្តុំផ្សព្វផ្សាយការវិនិយោគប្រព័ន្ធធារាសាស្រ្តវាលស្រែ និងបានខេត្ត ស្រុកដំណើរការជីកស្តារបណ្តាប្រឡាយ ដូចជាប្រឡាយដូវដឹក និងប្រឡាយង៉ាហូវ។ អំពីយូរអង្វែង ឃុំបានស្នើគណៈកម្មាធិការប្រជាជនស្រុកកសាងដំណាក់ប៉ូមទឹកបើហ្គង កសាងលូទឹកនៅប្រឡាយដូវដឹក និងប្រឡាយង៉ាហូវដើម្បីរក្សាទឹកសាប ទប់ស្កាត់ប្រៃកុំឲ្យជ្រាបចូល។ ច្នៃប្រើប្រាស់បណ្តាអណ្តូង ស្រះក្នុងចម្ការរបស់មាមីងកសិករដើម្បីវិនិយោគទម្រង់ចិញ្ចឹមត្រីប្រា (មាន ០៦ គ្រួសារចិញ្ចឹមនៅភូមិទី ៣ និងភូមិទី ៤) ជាមួយចំនួនត្រីប្រា ២០.០០០ ក្បាល និងត្រីប្រាយ៉ូវ ៣.៥០០ ក្បាល។ ទម្រង់ចិញ្ចឹមបង្កងសាវទាវដោយកម្រាលនីឡុង ផ្ទៃស្រះ ២.៧០០ ម៉ែត្រក្រឡា ជាមួយចំនួនកូនពូជ ៤០.០០០ ក្បាល និងទម្រង់ចិញ្ចឹមអន្ទង់ ជាមួយកូនពូជ ២០.០០០ ក្បាលរបស់មាមីងកសិករ ០៤ គ្រួនៅភូមិទី ៤៕

ប្រែសម្រួល៖ តឹងង៉ុក