ឃុំង៉ាយស្វៀងមានគ្រួសារប្រជាជនជាច្រើនបាន ចាកផុតភាពក្រីក្រស្ថិរភាព

ភូមិពាមបួន ជាភូមិមួយក្នុងបណ្ដាភូមិផ្សព្វផ្សាយចលនាគ្រួសារប្រជាជន​បានទទួលផល ប្រើ​ប្រាស់ប្រភពទុនមានប្រសិទ្ធភាពញ៉ាំងឱ្យជីវភាពរបស់ជនរួមជាតិខ្មែរ​នៅទីនោះមិនបពា្ឈប់ បានកែលម្អដែរ។ តួយ៉ាងដូចជាគ្រួសារបងស្រី ថាច់ធីសុមាលី ថាច់ធីភឿង នៅភូមិពាមបួន កាលពីមុនជាគ្រួសារលំបាក ប៉ុន្តែពេលបានមូលដ្ឋានឧបត្ថម្ភពីកម្មវិធី គម្រោងការឧបត្ថម្ភការផលិត ពហុសណ្ឋាន មធ្យោបាយចិញ្ចឹមជីវិតនិងគម្រោងការពង្រីកទូលាយទម្រង់បន្ថយភាពក្រីក្រ គ្រួសារបងៗមានលក្ខណៈដើម្បីពង្រីកទម្រង់ចិញ្ចឹមគោមេសម្រេចប្រសិទ្ធភាព។ ក្នុងមួយឆ្នាំ គ្រួសារទាំងនោះទទួលបានប្រាក់ចំណូលរាប់សិបលានដុង។

លោកថាច់បាក ប្រធានគណៈកម្មការប្រជាជនភូមិពាមបួន បានឱ្យដឹងថា៖ ភូមិពាមបួន មានគ្រួសារប្រជាជន ២៥៦ គ្រួ ជាមួយនឹងចំនួនមនុស្សរាយ ១.១៧២ នាក់ ក្នុងនោះមានគ្រួសារជនរួមជាតិខ្មែរ ២០៥ គ្រួ ស្មើអត្រាប្រមាណ ៨០%។ បច្ចុប្បន្ន ភូមិនៅមានគ្រួសារក្រីក្រ ១៨ គ្រួ គ្រួសារជិតក្រជាង ៣០ គ្រួ ក្នុងនោះ មាន ៥ គ្រួស្ថិត​ក្នុងមុខសញ្ញាគាំពារសង្គម។ តាមការគ្រោងទុក ដល់ចុងឆ្នាំ ២០២២ ភូមិនឹងបំបាត់គ្រួសារក្រីក្របន្ថែមពី ៦-៨ គ្រួ។ គ្រួសារក្រីក្រ ជិតក្រជាជនជាតិខ្មែរ តែងបានទទួល ផលពីបណ្ដាកម្មវិធី គម្រោងការ ដោះស្រាយការងារធ្វើ​ បុលទុនពង្រីកការផលិត ចិញ្ចឹមសត្វដោយប្រាក់ការអាទិភាព។ល។ នោះជាកម្លាំងព្រៀប​មួយដើម្បីជួយឱ្យគ្រួសារក្រីក្រ ជិតក្រឈានឡើងក្នុងជីវភាព។ ក្រៅពីបណ្ដាកម្មវិធី  គម្រោងការ ក្នុងឆ្នាំ ២០២១ ភូមិពាមបួននៅទាំងស្នើពិនិត្យគ្រួសារចំនួន ១០ គ្រួបានឧបត្ថម្ភកសាងលំនៅឋានតាមសេចក្ដីសម្រេចចិត្តលេខ ០៤ របស់ក្រុមប្រឹក្សាប្រជាជនខេត្ត។ ក្នុងឆ្នាំ ២០២២ ភូមិបន្តផ្ញើបញ្ជីរាយនាមគ្រួសារដែលមានតម្រូវការជួស​ជុល​លំនៅឋានដើម្បីគ្រួសារ ទាំងនោះបានទទួលផលត្រូវតាមការកំណត់។

លោកថាច់បាក(ឆ្វេង) ផ្ទៀងផ្ទាត់បញ្ជីគ្រួសារក្រីក្រត្រៀមបំបាត់ចាកភាពក្រីក្រនៅចុងឆ្នាំ។

លោកថាច់បាក ឱ្យដឹងបន្ថែម៖ ក្នុងការផ្សព្វផ្សាយកសាងជនបទថ្មី ភូមិកៀរគរបានកម្លាំងប្រជាជនចូលរួមអនុវត្តកិច្ចការសំខាន់ៗជាច្រើន ក្នុងនោះមានការរួមចំណែកកសាងដងផ្លូវអំពូលភ្លើងអុជបំភ្លឺពេលរាត្រី ដោយមានប្រវែងជាង ២ គីឡូម៉ែត្រ សរុបថវិកាជាង ៥០ លានដុងរួមចំណែកកាត់បន្ថយគ្រោះអបាយមុខ​សង្គមលើភូមិសាស្រ្ត។

លោកង្វៀងវ៉ាំងតឹម អនុប្រធានគណៈកម្មាធិការប្រជាជនឃុំង៉ាយស្វៀងបានឱ្យដឹងថា៖ គិតដោយឡែកតែគម្រោងការឧបត្ថម្ភការផលិតពហុសណ្ឋាន មធ្យោបាយចិញ្ចឹមជីវិតលើភូមិសាស្រ្តឃុំ មានគ្រួសារស្ថិតក្នុងមុខសញ្ញាក្រីក្រ ជិតក្រ ចំនួន​ ៣០ គ្រួ នៅតាមបណ្ដាភូមិបានទទួលផល៖ ជ្រៃធំ (គ្រួសារក្រីក្រ ៧ គ្រួ ជិតក្រ ៤ គ្រួ និងទើបចាកផុតក្រ ១ គ្រួ) ភូមិពាមបួន(គ្រួសារជិតក្រ ៣ គ្រួ ទើបចាកផុតក្រ ៣ គ្រួ)​ ភូមិកូវហាញ់ (គ្រួសារជិតក្រ ៤ គ្រួ ទើបចាកផុតក្រីក្រ ២ គ្រួ) ភូមិយ៉ុងតា្រញ់(គ្រួសារជិតក្រ ២ គ្រួ ទើបចាកផុតក្រីក្រ ៤ គ្រួ) សរុបថវិកាអនុវត្តជាង ៩៣០ លានដុង។ ក្នុងនោះថវិកាពីគម្រោងការជាង ៣៨០ លានដុង ថវិកាគ្រួសារទទួលផលបដិភាគជិត ៥៥០ លានដុង។ ប្រភពទុនឧបត្ថម្ភ បានបណ្ដាគ្រួសារទទួលផលប្រើប្រាស់សម្រាប់ការចិញ្ចឹមគោមេ គ្រួសារនីមួយៗបានឧបត្ថម្ភ ពីដំបូង (ឆ្នាំ ២០១៩) គឺគោមេ ១ ក្បាល មកទល់ពេលនេះបង្កើតកូនបន្ថែមគិតជាមធ្យមប្រមាណ ២ ក្បាល បានក្លាយជាកម្លាំងជំរុញពង្រីកសេដ្ឋកិច្ចរបស់គ្រួសារក្រីក្រ ជិតក្រ។

ក្រៅពីការឧបត្ថម្ភពង្រីកការផលិត ចិញ្ចឹមសត្វ ឃុំង៉ាយស្វៀងនៅទាំងបានគណៈកម្មាធិការប្រជាជនស្រុកផ្ដល់សច្ចាប័ន រំសាយប្រាក់ទុនឧបត្ថម្ភដីសាងសង់លំនៅឋានដល់ ៤៦ គ្រួ សរុបផ្ទៃដី ១៦.២៤៥ ម៉ែត្រក្រឡា ជាមួយថវិកា អនុវត្ត ១,៤ ពាន់លានដុង ក្នុងនោះថវិកាមជ្ឈិមឧបត្ថម្ភជាង ១,៣ ពាន់លានដុង ថវិកាមូលដ្ឋានបដិភាគ ១៣៨ លានដុង បានបំបែកបន្ទាត់ដី រួចផ្ដល់ជូនគ្រួសារទទួលផលសម្រេច ១០០%។ ឧបត្ថម្ភដោះស្រាយការងារធ្វើជូនគ្រួសារ ៦៧ គ្រួ ជាមួយទឹកប្រាក់ចំនួន ៥៣៦ លានដុង សម្រេច ១០០%។ ដោះស្រាយឱ្យគ្រួសារបុលទុនលោះដីបញ្ចាំតាមសេចក្ដីសម្រេចចិត្តលេខ ២៩ ឃុំដោះស្រាយឱ្យ ១៤ គ្រួសារបានបុលទុនពីធនាគារគោលនយោ​បាយសង្គមចំនួន ៣៩០ លានដុង ដោយមានផ្ទៃបានលោះចំនួន ៣៤.០០០ ម៉ែត្រក្រឡា៕            ​​

អត្ថបទ‑រូបថត៖ ថាច់សម្បត្តិ