កាងឡុងកសាងហេដ្ឋារចនាសម្ព័ន្ធតាមលក្ខឋានជនបទថ្មី

      បច្ចុប្បន្ននេះ ក្នុងទូទាំងស្រុកមានប្រឡាយ ៥៤៣ ខ្សែ ប្រព័ន្ធទ្វារទឹកធំៗ ០២ កន្លែងបានកសាងរឹងមាំ មានលូទឹក ៣០៤ កន្លែងធានារាំងស្កាត់ទឹកប្រៃ រក្សាទឹកសាបសម្រាប់បម្រើការផលិត និងជីវភាពរបស់ប្រជាជន។ ឃុំ ១០០% សុទ្ធសឹងមានបណ្ដាញអគ្គិសនីជាតិអន្ទងទៅដល់ អត្រាគ្រួសារប្រើប្រាស់អគ្គិសនីសម្រេច ៩៩,៤៥% សា លារៀនគ្រប់កម្រិត ៨១,៧% មានមូលដ្ឋានសម្ភារ និងឧបករណ៍សម្រេចសម្បទាជាតិ ឃុំទាំង ១៣/ ១៣ មានអាគារវប្បធម៌សម្រេចសម្បទាឃុំចំនួន ១០/១៣ មានរោងផ្សារ កម្រិតលក់រាយមុខទំនិញ និងទទួលបានប្រភពចំណូលពីសេវាកើនមធ្យម ក្នុងមួយឆ្នាំ ២០% ឃុំទាំង ១៣/១៣ សុទ្ធសឹងមានអនុស្ថានីយផ្សាយសំឡេងភូមិ ១០០% មានប្រព័ន្ធឧគ្ឃោសនស័ព្ទចំនួន ១៣៨ ប្រព័ន្ធដោយឧគ្ឃោសនស័ព្ទ ៣០២ គ្រឿង ធានាការងារឃោសនាផ្សព្វផ្សាយពីថ្នាក់ស្រុក ដល់ថ្នាក់ឃុំ ភូមិ។ ក្នុងទូទាំងស្រុកមានផ្ទះ ៣៦.៣៨២ ខ្នង សម្រេចតាមសម្បទាកំណត់របស់ក្រសួងស្ថា​បនា (សម្រេច ៨៤,៣%)។
     បច្ចុប្បន្ននេះ ស្រុកកាងឡុងមានគ្រួសារវប្បធ៌ម-ជនបទថ្មី ២៦.៩៤១ គ្រួ (សម្រេច ៨៣,២%) មាន ១០០/១១១ ភូមិវប្បធម៌ជនបទថ្មី (ស្មើ ៩០%)  ឃុំទាំង ១៣ សម្រេចលក្ខឋានជនបទថ្មី ស្រុក បាននាយករដ្ឋមន្រ្តីនៃរដ្ឋាភិបាលទទួលស្គាល់សម្រេចលក្ខឋានស្រុកជនបទថ្មីនៅឆ្នាំ ២០២០។
      តាមប្រភពដំណឹងពីការិយាល័យគណៈកម្មាធិការរណសិរ្សមាតុភូមិវៀតណាមស្រុកកាងឡុង ក្នុង ០៦ ខែដើម ឆ្នាំ ២០២១ គណៈចលនាមូលនិធិ “ដើម្បីអ្នកក្រីក្រ” ថ្នាក់ស្រុក ថ្នាក់ឃុំ ទីប្រជុំជន លើភូមិសាស្រ្តស្រុកចលនាបានប្រាក់ជាង ១៧១ លានដុង ក្នុងនោះ ថ្នាក់ឃុំ ទីប្រជុំជនចលនាបាន ៧៤ លានដុង។
      រួមជាមួយនោះ ចលនាសប្បុរសជនសាងសង់ផ្ទះមហាសាមគ្គីបាន ២១ ខ្នង ផ្ទះឧបការគុណ បាន ០២ ខ្នង សួរសុខទុក្ខអ្នកជំងឺក្រីក្រ គ្រួសារ រងគ្រោះអគ្គិភ័យ កសាងស្ពានជនបទ ០៨ កន្លែង សរុបថវិកា ១,៦៤០ ពាន់លានដុង។
     គណៈកម្មាធិការរណសិរ្សមាតុភូមិវៀតណាម ស្រុកសហការជាមួយគណៈចលនាមូលនិធិ “សុខុមាលភាពសង្គម” ស្រុកចលនាសប្បុរសជន បណ្ដាអង្គការសាសនា បណ្ដាក្រុមគ្រូពេទ្យ វេជ្ជបណ្ឌិត ក្នុង និងក្រៅស្រុកពិនិត្យ ព្យាបាលជំងឺ រួចជូនថ្នាំ ដោយឥតគិតថ្លៃដល់អ្នកជំងឺជាង ១.៥០០ លើក សហការជាមួយគណៈកម្មាធិការប្រជាជនស្រុក និងការិយាល័យពលកម្ម-យុទ្ធជនពិការ និងសង្គមកិច្ចស្រុកសង្រ្គោះឧបត្ថម្ភ ០២ គ្រួសារត្រូវរង គ្រោះអគ្គិភ័យ សួរសុខទុក្ខអ្នកជំងឺរុាំរ៉ៃមានស្ថាន ភាពលំបាក ចលនាសប្បុរសជនបានទឹកប្រាក់ ២,០៥៩ ពាន់លានដុង ជូនអំណោយ ៧.០១៧ ចំណែកដល់គ្រួសារក្រីក្រ គ្រួសារជិតក្រ គ្រួសារ​គោលនយោបាយមានស្ថានភាពលំបាក អ្នក មានវ័យចាស់អនាថាក្នុងឱកាសបុណ្យតេត៕    ប្រែសម្រួល៖ ថាច់ហ្វាង