កសាងតំបន់វត្ថុធាតុដើមដូងសារីរាង្គសម្រេចសម្បទាជាតិ

មន្ទីរកសិកម្មនិងអភិវឌ្ឍជនបទខេត្តត្រាវិញទើបមានសេចក្តីសម្រេចចិត្តផ្តល់សច្ចាប័នលទ្ធផលធ្វើនីយុត្តិការវិនិយោគប្រឹក្សាអនុវត្តទម្រង់ផលិតដូងសារីរាង្គតាមសកម្បទាអាមេរិក និងអ៊ឹរុប(NOP-USDA និង​ EU)។

ទម្រង់ផលិតដូងសារីរាង្គបានអនុវត្តនៅក្រុមហ៊ុនចំកាតកសិកម្មរុក្ខាប្រមាញ់បរិស្ថានសាយហ្គង(Safeco)សង្កាត់បិញអាង ខណ្ឌលេខ ២ ទីក្រុងហូជីមិញ។

ទម្រង់បានអនុវត្តលើផ្ទៃដីដាំដូងសរុបរួមជាង ៣០០ ហិកតា នៅបណ្តាឃុំតឹងហុង ង៉ាយហុង និងតឹបង៉ាយរបស់ស្រុកទីវកឹង អាស្រ័យដោយគម្រោងការអភិវឌ្ឍអាជីវកម្មតូច និងល្មមខេត្តត្រាវិញ(SME ត្រាវិញ)ឧបត្ថម្ភថវិកា ៣០០ លានដុង ។ យោងតាមនោះ មានគ្រួសារប្រជាជន ជាង ៣០០ គ្រួចូលរួមទម្រង់ដាំដូងសារីរាង្គហើយបានក្រុមហ៊ុនចំកាតកសិកម្មរុក្ខាប្រមាញ់បរិស្ថានសាយហ្គងឧបត្ថម្ភបច្ចេកទេកដាំដូងសារីរាង្គ របៀបថែទាំ របៀបប្រើប្រាស់ជីត្រូវតាមសម្បទាអាមេរិក និងអ៊ឹរុបសម្រាប់អ្នកចំការក្នុងរយះពេល ៤ ខែ។ តំបន់វត្ថុធាតុដើមដូងសារីរាង្គនេះបានក្រុមហ៊ុនចំកាតត្រាប៉ាកម៉ៅច្រកចេញ។ លោកស្រីង្វៀងង៉ុកហាយ នាយិការងមន្ទីរកសិកម្ម និងអភិវឌ្ឍជនបទខេត្តត្រាវិញបានឲ្យដឹងថា៖ការផលិតសារីរាង្គគឺជាទិន្នាការសំខាន់សម្រាប់លើកកម្ពស់តម្លៃផលិតផល ពង្រីកទីផ្សារ ជួយឲ្យប្រជាកសិករមានប្រភពចំណូលលំនឹង។ ទន្ទឹមនឹងនោះ ការពារឲ្យគ្រួសារកសិករ ២០២ គ្រួនៅឃុំតឹងហ្វា ស្រុកទីវកឹងកសាងសម្រេចតំបន់វត្ថុធាតុដើមដូងសារីរាង្គសម្រេចសម្បទាអ៊ឹរុប និងអាមេរិក ជាមួយនឹងផ្ទៃដី ២២០ ហិកតា។ ក្រុមហ៊ុនចំកាតកែច្នៃដូង ទ្វីបអាស៊ីម៉ៅច្រកចេញទូទាំងតំបន់វត្ថុធាតុដើមនេះ។ ឆ្នាំ ២០១៨ ក្រុមហ៊ុនចំកាតនីហរណបែនទ្រែ (Batrimex)ក៏បានកសាងតំបន់វត្ថុធាតុដើមដូងសារីរាង្គសម្រេចសម្បទាអន្តរជាតិ ៣ ទ្វីប គឺ អ៊ឹរុប អាមេរិក និង ជប៉ុន លើផ្ទៃដី ៣២៧ ហិកតា របស់គ្រួសារកសិករ ៣៤៨ គ្រួនៅឃុំដាយភឿក ស្រុកកាងឡុង។ បណ្តាផ្ទៃដីដាំដូងសារីរាង្គក្នុងខេត្តតែងបានអាជីវកម្មម៉ៅទិញផលិតផលជាមួយនឹងតម្លៃខ្ពស់ជាងតម្លៃលើទីផ្សារពី ១០-១៥%។ អ្នកចំការថាច់យឿង នៅឃុំតឹងហុង ស្រុកទីវកឹងជាអ្នកជំនាញខាងដាំដូងជាង ៣០ ឆ្នាំមកហើយបានចែករំឡែកថា៖ នៅចុងឆ្នាំ ២០១៧ គ្រួសារបងបានផ្នែកកសិកម្មចលនាឲ្យបង្វែរផ្ទៃដីមកដាំដូងសារីរាង្គបាន ១,៦ ហិកតា។ ទម្រង់នេះមានលទ្ធផលខ្ពស់បង្គួរបើប្រៀបធៀបជាមួយនឹងរបៀបផលិតប្រពៃណីពីមុននេះ។ ចូលរួមទម្រង់នេះ កសិករគម្បីត្រូវអនុវត្តតាមរបៀបផលិត ការប្រើប្រាស់ជីសារីរាង្គ អតិសុខុមប្រាណ ឬជីលាមកសត្វជំនួសឲ្យជីថ្នាំគីមីសាស្ត្រ។ ថ្វីត្បិតគ្មានការជះឥទ្វិពលរហ័សដូចជាជីគីមីសាស្ត្រ​ ប៉ុន្តែពេលយូរអង្វែងបណ្តាប្រភេទជីនេះជួយឲ្យដីរក្សាបានកម្រិតដីរសោះ និងកម្រិតដីសើម។ ប្រការនេះសម្របជាមួយនឹងស្ថានភាពអាកាសធាតុប្រែប្រួល និងការរាំងស្ងួតមានកើតឡើងនារដូវប្រាំងនៅខេត្តត្រាវិញជានិច្ចកាល។ គិតតាំងពីពេលដែលបានអនុវត្តតាមរបៀបនេះ ចំការដូងរបស់លោកបងយឿងបានពង្រីកល្អ ផ្លែច្រើន និងស្មើ សន្លឹកខៀវស្រស មិនសូវមានសត្វដង្កូវ ទិន្នផលកើនជាងពីមុន ២០%។ ទន្ទឹមជាមួយនឹងប្រសិទ្ធភាពសេដ្ឋកិច្ចនោះ ប្រការដែលលោកបងយឿង និងអ្នកចំការដាំដូងសារីរាង្គមូលដ្ឋានបានចាប់អារម្មណ៍នោះគឺទម្រង់បានជួយការពារបរិស្ថាន​ ការពារសុខភាពផ្ទាល់ខ្លួន គ្រួសារ និងព្រមទាំងអ្នកប្រើប្រាស់។

ខេត្តត្រាវិញមានផ្ទៃដីដាំដូងជាង ២៣.០០០ហិកតា ប្រមូលផ្តុំច្រើនបំផុតនៅតាមបណ្តាស្រុកចូវថាញ់ ទីវកឹង និងកាងឡុង។ អនុវត្តកម្រោងការផ្លាស់ប្តូររចនាសម្ព័ន្ធផ្នែកកសិកម្ម ខេត្តបានដាក់ចេញគោលដៅដល់ឆ្នាំ ២០៣០ គឺក្នុងទូទាំងខេត្តមានផ្ទៃដីដាំដូងសារីរាង្គ ៥.០០០ហិកតា នៅតាមបណ្តាស្រុកកាងឡុង កូវកែ ទីវកឹង ចូវថាញ់ ថ្កូវ និងទីក្រុងត្រាវិញ៕ថាញហ្វា-រតនា