កសិករសួរវិស្វករឆើ្លយ៖បច្ចេកទេសចិញ្ចឹមត្រីខ្ជឹងទំនិញ

ចិញ្ចឹមក្នុងស្រះធ្វើដោយស៊ីម៉ង់ដ៍៖ អាងចិញ្ចឹមមានសណ្ឋានបួនជ្រុងទ្រវែងឬបួនជ្រុងស្មើ។ បាតស្រះត្រូវបង្ហាប់ឲ្យហាប់ កុំឲ្យទឹកជ្រាបចេញ។

អាងទី ១៖ សម្រាប់ចិញ្ចឹមត្រីខ្ជឹងពូជរក្សាកម្រិតទឹកក្នុងអាងពី ១,២-១,៥ ម៉ែត្រ។

អាងទី ២៖ សម្រាប់ចិញ្ចឹមត្រីខ្ជឹងផលិតផលរក្សាកម្រិតទឹកក្នុងអាងពី ១,២-១,៥ ម៉ែត្រ។

បើធ្វើអាងថ្មីត្រូវលាងជម្រះជាមួយសាច់ជូរ រួចចាក់ទឹកចូលក្នុងអាងឲ្យលិចត្រាំពី ០៥-០៧ ថ្ងៃ រួចបង្ហូតទឹកចេញ​ហើយដុសលាងជម្រះអាងឲ្យជ្រះ។ ចំពោះអាងចាស់ យកជាតិ chorine ពី ៥០-១០០ ក្រាមលាយជាមួយទឹករួចជះជុំវិញអាងហើយរក្សាទុកពី ០៥-១០ ថ្ងៃ ទើប លាងជម្រះអាង។ មុនពេលព្រលែងពូជចុះស្រះចិញ្ចឹម ០១ សប្តាហ៍ ប្រើថ្នាំពណ៌ស្វាយក្នុងមួយម៉ែត្រក្រឡា ០២ ក្រាម ជះឲ្យស្មើនៅជុំវិញអាង លាងឲ្យជ្រះរួចបង្ហូតទឹកចូលដើម្បីចិញ្ចឹម។

របៀបជ្រើសពូជនិងកម្រិតចិញ្ចឹម៖ ជ្រើសទិញពូជនៅកន្លែងភ្ញាស់ពូជ។ កម្រិតចិញ្ចឹមក្នុងមួយម៉ែត្រក្រឡាពី ០៤-១០ ក្បាល។

ចំណីនិងរបៀបថែទាំ៖ ចំណីឧស្សាហកម្មសម្រាប់ត្រីខ្ជឹងត្រូវមានអត្រាម្សៅត្រីពី ៧០-៧៥% ជាតិម្សៅពី ២៥-៣០% និងជាតិ Vitamin។

របៀបដាក់ចំណីឲ្យត្រីស៊ី៖ អត្រាចំណីប្រៀបជាមួយទម្ងន់ត្រីខ្ជឹងនៅដំណាក់កាលត្រីពូជដូចខាងក្រោម៖ ទម្ងន់ត្រីពី ១៦-៤០ ក្រាម ចំណីស្មើពី ០៣-០៤%។ ទម្ងន់ត្រីពី ៤០-១០០ ក្រាម ចំណីស្មើពី ២,៨-៣%។ ទម្ងន់ត្រីពី ១៥០-២០០ ក្រាម ចំណីត្រូវស្មើពី ០២-២,៥%។ ឲ្យត្រីស៊ី ០២ ដងក្នុងមួយថ្ងៃ។ ល្អបំផុតឲ្យត្រីស៊ីពីម៉ោង ០៨-០៩ ព្រឹកនិងពីម៉ោង ០៤-០៥ រសៀល។

ពិនិត្យបរិមាណចំណីជាញឹកញាប់រួចសម្រួលបរិមាណចំណីឲ្យសមស្រប ជៀសវាងកុំឲ្យខ្វះចំណី។ ក្នុងមួយខែគប្បីស្មានមើលចំណីម្តង ជម្លៀសត្រីធំនិងត្រីតូចចេញចិញ្ចឹមដោយឡែកពី​គ្នា ដើម្បីឲ្យត្រីមានកម្រិតស្មើគ្នានិងធំរហ័ស។

ប្រមូលផល៖ ពេលចិញ្ចឹមបានមួយឆ្នាំ ត្រីមួយក្បាលមានទម្ងន់ពី ០១-១,៥ គីឡូក្រាមចាប់ផ្តើមប្រមូលផល៕                                            

ទម្រង់ចិញ្ចឹមជលផល។ រូបថត៖ រតនា-ប្រែសម្រួល៖ ថាច់ហៀង