កសិករសួរវិស្វករឆើ្លយ៖ថែទាំនិងបង្ការជំងឺរលាកបបូរមាត់រង្គោះក្រចក

បច្ចុប្បន្ន អាស្រ័យមិនទាន់មានថ្នាំព្យាបាល ហេតុនោះហើយ គ្រួសារចិញ្ចឹម ពេលឃើញសត្វ​ពានៈកើតជំងឺរលាកបបូរមាត់រង្គោះក្រចក​ ត្រូវបង្កើនការថែទាំនិងថាមពល ដើម្បីរម្ងាប់មេរោគដល់សត្វពាហនៈគឺសំខាន់បំផុត។ ពេលសត្វពាហនៈកើតជំងឺរលាកបបូរមាត់រង្គោះក្រចក និងបង្កជាខ្ទុះទឹក​ ធ្វើឲ្យរលេះរលួយនៅជុំវិញបបូរមាត់ ជើងនិងកន្លែងស្បែកស្តើង។​ ហេតុនោះ ជារៀងរាល់ថ្ងៃលាងជម្រះ រម្ងាប់មេរោគលើស្នាមរបួស ដោយបណ្តាប្រភេទថ្នាំដូចជា៖ Xanh Methylen ០១% ឬថ្នាំក្រហម ០២%។​ ប្រើថ្នាំបង្រ្កាបមេរោគដូចជា៖ Penicilline, Linco myciex, vitaminieC។ល។

ចិញ្ចឹមគោក្នុងក្រោលបានអនាម័យស្អាត។ រូបថត៖ រតនា

បង្ការជំងឺ៖ ចាក់វ៉ាក់សាំងបង្ការជំងឺរលាកបបូរមាត់រង្រ្គោះក្រចក ចាក់សាច់ដុំ ០២ មីលីក្នុងមួយក្បាល។​ ថែទាំចិញ្ចឹមឲ្យបានល្អ ដើម្បីសត្វពាហនៈមានកម្លាំងប្រឆាំងនឹងជំងឺ។ ឧបករណ៍ប្រើប្រាស់ត្រូវសមស្របអនាម័យ។ ក្រោលចិញ្ចឹមសត្វត្រូវបាញ់ថ្នាំរម្ងាប់មេរោគជាប្រចាំក្នុងមួយខែពី​ ០២-០៣ លើកដោយថ្នាំរម្ងាប់មេរោគដូចជា៖ Biodin, Virkon។ល។ គម្លាតសត្វពាហនៈកើតជំងឺចេញដោយឡែក។ មិនគប្បីដឹកជញ្ជូនសត្វពាហនៈដែលមានជំងឺ ចេញពីតំបន់រោគជំងឺ។ សត្វពាហនៈងាប់ដោយសារជំងឺត្រូវវិនិច្ឆ័យតាមការណែនាំរបស់ស្ថាប័ន ពេទ្យសត្វ៕                                                                

ប្រែសម្រួល៖ ថាច់ហៀង