កសិករសួរវិស្វករឆើ្លយ៖ របៀបសម្គាល់ និងបង្ការកម្ចាត់ជំងឺលឿងតឿ​រួញស្លឹកលើស្រូវ

របៀបសម្គាល់៖ ស្រូវកើតជំងឺលឿងតឿ ស្លឹកស្រូវប្រែពីពណ៌ខៀវភ្លើតមកជាពណ៌លឿងភ្លើតរហូតលឿងភ្លើតនិងលឿងទុំ។ ស្នាមលឿងរាលបន្តិចម្តងៗតាំងពីចុងស្លឹកដល់ធាង ស្លឹកបាក់រលំ ជំងឺធ្វើស្រូវរួញចុះហើយត្រួយស្រូវមួយចំនួនក្រញ៉ង់។ ជំងឺលឿងតឿរួញស្លឹក៖ ស្រូវដែលកើតជំងឺនេះនឹងទ្រុឌទាបចុះ ស្លឹកនិងដើមស្រូវមានពណ៌ខៀវជាំ ស្លឹកប្រែពណ៌ ក្រញ៉ង់ បែកគុម្ពច្រើនខុសពីធម្មតា មានខ្លះដុះចេញរួចត្រង់ល្បាច់មិនរួច គ្រាប់ស្គឺ។

វិធានការបង្ការកម្ចាត់៖ អនុវត្តបណ្ដាវិធានការផលិតព្រមៗគ្នាដើម្បីស្រូវពូកែ។ ពិសេសដំណាក់កាលមុន​ពេលស្រូវល្បាច់ ដើម្បីបង្កើនថាមពលធន់នឹងជំងឺដល់ស្រូវ។ ចំពោះបណ្តាស្រែស្រូវដែលមានជំងឺគប្បីពិនិត្យ វាយតម្លៃកម្រិតជ្រាបជំងឺ ដើម្បីមានបណ្តាវិធានការបង្ការកម្ចាត់សមស្រប។

+ចំពោះស្រែស្រូវដែលជ្រាបជំងឺជាមួយអត្រាក្រោម ២០% ត្រូវដកស្រូវដែលកើតជំងឺកប់ចុះក្នុងល្បាប់ មិនត្រូវដាក់ស្រូវនោះលើភ្លឺស្រែដើម្បីជៀសវាងកុំឲ្យឆ្លងរាលដាល។ ប្រសិនបើឃើញមានក្រាក្រហម កម្រិតលើសពី ០៣ ក្បាលក្នុងមួយធាង គឺត្រូវបាញ់ថ្នាំកម្ចាត់ក្រានោះដោយបណ្តាប្រភេទថ្នាំ៖ Penalty40WP, Sectox 10WP, Midan 10WP, Conphai 700WP ។ល។ លាយជាមួយ Bassa 50ec, Jetan 50EC, Superista 25EC។ល។ ឲ្យទាន់ពេលតាមការណែនាំរបស់អ្នកផលិតថ្នាំ។

+ចំពោះស្រែស្រូវដែលកើតជំងឺធ្ងន់ (ជាង ២០%) គឺត្រូវបំផ្លាញចោលជាបន្ទាន់ ដោយរបៀបភ្ជួរលុប ដើម្បីកម្ចាត់ជំងឺ។ មុនពេលភ្ជួរចោលត្រូវបាញ់ថ្នាំកម្ចាត់ក្រាត្នោត ដើម្បីបង្ការកុំឲ្យឆ្លងរាលដាលទៅស្រែដទៃ។ ចំពោះស្រូវធំ អាចបូមទឹកឡើងឲ្យលិចគល់ស្រូវ កាត់បន្ថយកុំឲ្យក្រារីករាលដាលបង្កឡើងជាជំងឺ៕                                           

ប្រែសម្រួល៖ ថាច់ហៀង