កសិករសួរវិស្វករឆើ្លយ៖ បចេ្ចកទេសចិញ្ចឹមបង្កងសាវទាវគ្មានដង្កៀប

របៀបជ្រើសនិងព្រលែងពូជ៖ ជ្រើសពូជកូនដែលមានខ្នាតពី ១,២​​ ដល់ ១,៥ សង់ទីម៉ែត្រ មានកម្រិតសើ្មគ្នាជាង ៩០% ។ ក្នុងមួយម៉ែត្រក្រឡាគប្បីចិញ្ចឹមជាមួយកម្រិតពី ០៣-០៥ ក្បាល។ ដាក់បង្កងក្នុងក្លាំ ដោយមានដាក់ទឹកក្នុងស្រះ ហើយពិនិត្យមើលសកម្មភាពរបស់បង្កងពី ០៦ ដល់ ១២​ ម៉ោង។ កំណត់ចំណាំ៖ ចំពោះតំបន់ទឹកប្រៃ ទឹកភ្លាវ គឺវាស់កម្រិតប្រៃ។

កសិករប្រមូលផលបង្កង។ ​​​​​រូបថត៖ រតនា

របៀបឲ្យស៊ីចំណីនិងគ្រប់គ្រងស្រះចិញ្ចឹម៖ ចំណីឧស្សាហកម្ម ដែលមានជាតិដាមពី ៣០ ដល់ ៤០%។

ខែទី ០១​ ឲ្យស៊ីចំណីគ្រាប់ ០៤-០៥% នៃទម្ងន់បង្កង។ ក្នុងមួយថ្ងៃឲ្យស៊ី ០២ លើក ពេលព្រឹកពីម៉ោង ០៥-០៦ (ឲ្យស៊ី ៤០%)។ ពេលរសៀលពីម៉ោង ១៧-១៩ (ឲ្យស៊ី ៥០%)។

ពីខែទី ០២ ឡើងទៅ ក្រៅពីចំណីឧស្សាហកម្ម អាចបន្ថែមចំណីដែលច្នៃដោយខ្លួនឯង ដូចជា៖ ខ្យង ត្រីងាប់ ដំឡូងមី។ល។ ជាមួយអត្រាចំណីឧស្សាហកម្ម ៥០% ចំណីច្នៃ ៥០%។ គប្បីបន្ថែម Vitamin C និង Premix ដើម្បីបងើ្កនថាមពលបង្កង។ ផ្លាស់ប្តូរទឹកក្នុងស្រះឲ្យបានញឹកញាប់ដើម្បីបង្កងឆាប់ធំ។

ប្តូរស្រះចិញ្ចឹម៖ ក្រោយពេលចិញ្ចឹមបាន ០៣ ខែ ត្រូវប្តូរបង្កងមកស្រះថ្មី។ ជ្រើសរើសបែងប្រភេទបង្កងដើម្បីកាច់ដង្កៀបនិងរំលែកចេញឲ្យទូលាយ ។

*កំណត់ចំណាំ៖ កាច់ដង្កៀបបង្កងនៅត្រង់គន្លាក់ឬបង្កលក្ខណៈឲ្យបង្កងកាច់ដង្កៀបដោយខ្លួនឯង ដើម្បីកាត់បន្ថយកុំឲ្យបង្កងមានរបួស  គឺកាន់ដង្កៀបឲ្យជាប់ទាំងសងខាងដើម្បី​បង្កងផ្ទាត់ចេញដោយខ្លួនឯង។ ក្រោយពេលចិញ្ចឹមបន្ថែមបានពី ០៣-០៤ ខែ ដង្កៀបបង្កងទាំងពីរ នឹងដុះឡើងវិញ។ ការបែងប្រភេទនិងកាច់ដង្កៀបបង្កងត្រូវបង់កម្លាំង និងពេលវេលាច្រើន ប៉ុន្តែអាចនាំមកលទ្ធផលខ្ពស់ជាង ព្រោះប្រិតសំចៃបានចំណី និងបង្កើនបានតម្លៃផលិតផលរបស់បង្កង (បង្កងល្អដោយសារគ្មានដង្កៀប)។

ប្រមូលផល៖ ពេលបង្កងល្មមប្រមូលផល (ពី 10-20​ ក្បាលមានទម្ងន់មួយគីឡូក្រាម) គប្បីយោងទៅតាមតម្លៃទីផ្សារហើយកំណត់ពេលប្រមូលផលយ៉ាងណាឲ្យទទួលបានកម្រៃខ្ពស់បំផុត៕ ​                                                                      

ប្រែសម្រួលៈ ថាច់ហៀង