កសិករសួរវិស្វករឆើ្លយ

   កសិករថាច់ថាញ់​ នៅភូមិសមលើង ស្រុកកូវកែ សួរ៖ ក្នុងដំណាក់កាលលូតលាស់ របស់ដើមទៀប ដង្កូវច្រើនចោះផ្លែ និង​ដើម ធ្វើឲ្យជះឥទ្ធិពលដល់ទិន្នផលនិងគុណភាពផ្លែ សូមឲ្យដឹងអំពីរបៀបដាំនិង បង្ការកម្ចាត់ជំងឺលើដើមទៀប។

   ចម្លើយ៖ ដើមទៀបសមស្របជាមួយនឹងតំបន់ដីខុសគ្នា ដូចជា៖ ដីក្រួស ដីឥដ្ឋ។ល។ ចំពោះដីផ្នោរ  ឬដីចម្ការនៅបណ្តាមូលដ្ឋានក្នុងខេត្តកំពុងបានជំរុញទឹកចិត្តឲ្យបង្វែរមកដាំឈើហូបផ្លែមួយចំនួន ក្នុងនោះមានដើមទៀបជាដើម។

   បម្រុងដីដាំនិងរដូវកាលដាំ៖ ដើមទៀបយើងអាចដាំបានខួបប្រាំងវស្សា ប៉ុន្តែដាំនៅរដូវភ្លៀងនិងសំចៃបានពេលវេលាស្រោច​ទឹក។​ បច្ចុប្បន្នមានពូជទៀបស្រុក ដូចជា៖ ទៀបសម្បកខៀវ ទៀបស្រកា​នាគ ទៀបពណ៌ស្វាយ ទៀបថៃ។ល។ ប៉ុន្តែច្រើនបំផុតគឺទៀបស្រុក ទៀបសម្បកខៀវ  ទៀបស្រកានាគ ផ្តល់ទិន្នផលខ្ពស់ មានរសជាតិផ្អែម។​ ទៀបស្រុកតែងបានបង្កាត់ពូជ។

   បម្រុងរណ្តៅនីមួយៗ​មានទំហំពី ៥០ x ៥០ សង់ទីម៉ែត្រ ចម្ងាយពីដើមមួយទៅដើមមួយ ០៣ ម៉ែត្រ ចម្ងាយពីជួរមួយទៅជួរមួយ ០៤ ម៉ែត្រ។ រណ្តៅនីមួយៗដាក់ជីក្រោលពី ១០-១៥ គីឡូក្រាម+ ជីឡឹង០,៥ គីឡូក្រាម +ជីកាលី ០,២ គីឡូក្រាម។ មុនពេលដាំត្រូវលុបដីជុំវិញគល់ដើម្បីជៀសវាងកុំឲ្យដក់ទឹកស្អុយឫស ។

ទម្រង់ដាំដើមទៀប។ រូបថត៖ រតនា

   ថែទាំ៖ ទៀបស្រុកធន់ទ្រាំនឹងការរាំងស្ងួតបានល្អ  តែទ្រាំមិនបានជាមួយនឹងការលិចទឹក​ ដំណាក់កាលទើបដាំគប្បីរក្សាសំណើមគឺស្រោចទឹក ០១ លើកក្នុងមួយថ្ងៃ ពេលឃើញដើមរឹង និងចេញត្រួយគប្បីស្រោចទឹកពី ០១-០២ លើកក្នុងមួយសប្តាហ៍។

   ពេលដាំបាន ០៣​ ឆ្នាំ ត្រូវរោយជីដែលមានជាតិដាមនិងឡឹងច្រើនដើម្បីទៀបលូ​តលាស់និងចេញឫសល្អ។​ ពីមួយដល់ពីរខែរោយជីមួយលើក ពី ០,៣ - ០,៤ គីឡូក្រាមក្នុងមួយដើម (ជី NPK ២.២.១)។

   ក្នុងដំណាក់កាលប្រមូលផលផ្លែ ក្នុងមួយឆ្នាំរោយជីពី ០២-០៣ លើក ដាក់ជីសរីរាង្គ បង្កើនអត្រាជីកាលី ដើម្បីបង្កើនគុណភាពផ្លែ។ ជីសរីរាង្គ (ជីក្រោល)៖ ពី ១៥-២០ គីឡូក្រាម​ក្នុងមួយដើម (ក្នុងមួយឆ្នាំដាក់ម្ដង៕

ប្រែសម្រួល៖ ថាច់ហៀង