កសិករសួរវិស្វករឆើ្លយ

             ជំងឺរាគ៖ អាស្រ័យមេរោគមួយចំនួនបង្កឡើង និងជ្រាបរាលដាលនៅក្រៅដោះឬក្នុងទឹកដោះ។ អាស្រ័យទ្រុងចិញ្ចឹមចង្អៀតនិងខ្វះអនាម័យ ចិញ្ចឹមក្នុងបរិស្ថានក្តៅឬត្រជាក់ពេក។ ប្រើប្រាស់អាហារខ្វះគុណភាព ផ្លាស់ប្តូរកម្រិតចំណីឬប្រភេទចំណីដោយចៃដន្យ ខ្វះជាតិទឹកដោះ។

              រោគសញ្ញា៖ លាមកផ្លាស់ប្តូរពីរាវទៅពពុះ ខៀវ លឿង ស្អុយ សត្វពពែងីងើ ខ្វះទឹក បបូរមាត់ស្ងួត រកដោះមេមិនឃើញ ឡើងឈរមិនបាន ត្រចៀកច្រមុះត្រជាក់ ភែ្នកសើ្ល ខ្លួនត្រជាក់ ចោលចំណី ញ័រពោះវៀន ។

                បង្ការជំងឺ៖ អនាម័យទ្រុងក្រោលឲ្យបានល្អ ផឹកទឹកដោះឲ្យបានគ្រប់គ្រាន់ អាចនិងជម្នះបានជំងឺឲ្យពពែផឹកឬចាក់ថ្នាំតាមសរសៃឬពោះដោយថ្នាំ៖ Glucose ៥០% ថ្នាំរម្ងាប់រោគ។ តាមតម្រូវការនៃមូលហេតុជំងឺឬចាក់ថ្នាំបង្ខាំងជំងឺដូចជា៖ D.O.C,Enro-Colistin និងផ្សំជាមួយ Vitamin បង្កើនជាតិធន់នឹងជំងឺដល់ពពែ។

ទម្រង់ចិញ្ចឹមពពែ។

            ជំងឺអុតក្តាមៈ អាស្រ័យវីរូតបង្កឡើង ជ្រាបចូលតាមផ្លូវរំលាយអាហារឬស្នាមជំងឺនៅលើស្បែក ពិសេសគឺស្បែក ដោះ។ កម្រិតក្តៅពី ៤០ ដល់ ៤២% អូសអន្លាយពី ០២ ដល់ ០៣ ថៃ្ង ក្រោយពី ០២ ឬ ០៣ ថ្ងៃពងទឹកចាប់ផ្តើមកើតនៅជុំវិញមាត់ ជើងឬស្បែក។ បើពពែកូនឈឺជំងឺអុតក្តាមងាប់ដោយចៃដន្យ ពពែមេព្យាបាលបាន តែច្រើនខូចកូន។ ចាក់វ៉ាក់ស៊ីនបង្ការជំងឺអុតក្តាម បង្កើនថាមពលឲ្យពពែអំពីចំណី។ ទ្រុងក្រោលត្រូវអនាម័យជាប្រចាំពី ០២ ដល់ ០៣ លើកក្នុងមួយខែ។ ប្រើប្រាស់ថ្នាំ Vimekon លាងជម្រះមុខរបួសដែលរលួយជារៀងរាល់ថ្ងៃដោយថ្នាំ Penicillne 4.000.000 ជាមួយបរិមាណ ០១ បំពង់សម្រាប់ប្រើពី ៥០០​ដល់​ ១.០០០ គីឡូក្រាម។ Ampicillne ០១ ក្រាម ចំនួន ០១ បំពង់ ប្រើ ១០០​ គីឡូក្រាមទម្ងន់ Penstrep 01 mI មីលីក្នុង ២០ គីឡូក្រាមទម្ងន់។

             ជំងឺហើមពោះ៖ អាស្រ័យខ្វះចំណីរលួយ ចំណីខ្វះជាតិដាម ដើមពោត ស្មៅខ្ចី។ សញ្ញាសម្គាល់គឺ ហើមពោះ ពិសេសគឺហើមនៅខាងឆេ្វង​។ រយៈពេលចុងក្រោយពពែហៀរទឹកមាត់ ភ្នែកស្លើ និងដើរវិលជុំ ហើមភ្នែក បបូមាត់ផ្លាស់ពីក្រហមមកជ្រីក ឃើញអាការខ្វះអូស៊ី​និងជិតងាប់។

              បង្ការជំងឺ៖ បង្ការជាបន្ទាន់ដើម្បីកុំឲ្យហើមពោះ យកមើមខ្ទឹមចាស់ពី ០១ ដល់ ០២ មើមច្របាច់លាយជាមួយស្រាពី ៥០ ដល់ ១០០ មីលីលីត្រឬទឹកខ្មេះឲ្យពពែផឹករួចយកដៃច្របាច់ធ្ងន់ៗនៅសងខាងពោះ។

              កើតព្រូន៖ អាស្រ័យព្រូនកើតក្នុងពោះវៀនប្រមាត់ ថ្លើមរបស់ក្របី គោ ពពែ ចៀមនិងនៅលើមនុស្ស។ បាតុភូតនេះ អូសអន្លាយមួយរយៈហើយងាប់។

               បង្ការជំងឺ៖ មិនត្រូវលែងពពែនៅកន្លែងត្រជាក់ពេកជាប្រចាំ ក្នុង ០៦ ខែជម្រះព្រូនម្តងដល់ហ្វូងពពែ ។​ ប្រើប្រាស់ថ្នាំ Albendazole, Dertyl B (តាមការណែនាំ) ។ ក្រោយពេល រម្ងាប់រោគរួចបាន​ ០៣ ថ្ងៃ ប្រមូលលាមកយកទៅដុតចោល ៕

ប្រែសម្រួលៈ ថាច់ហៀង