កសិករសួរវិស្វករឆើ្លយ

កសិករថាច់ថាញ់ នៅភូមិកិញឆាង ឃុំផុងថាញ់ ស្រុកកូវកែសួរ ? គ្រួសារបងចង់ចិញ្ចឹមត្រីអណ្តែងទន់ចម្រុះនឹងត្រីកន្ធរក្នុងស្រែស្រូវ ត្រូវបម្រុងស្រះចិញ្ចឹមដូចម្ដេច ?

ចម្លើយ៖

អ្នកចិញ្ចឹមត្រូវបម្រុងស្រែមុនពេលព្រោះ ធ្វើភ្លឺឲ្យមាំ ជៀសវាងកុំឲ្យទឹកជ្រាបចេញក្រៅនិងយកសំណាញ់ព័ទ្ធជុំវិញស្រែ មានលូបង្ហូតទឹកចេញចូល ចុកបណ្តារន្ធនៅជុំវិញស្រះ កម្ចាត់អស់ត្រីនៅក្នុងស្រះ ជីកប្រឡាយជុំវិញស្រែដោយមានទទឹង ០២ ម៉ែត្រ ជម្រៅ ០១ ម៉ែត្រ (គិតពីមុខស្រែចុះ)។ គប្បីមានស្រះដោយឡែកមួយសម្រាប់ប្រស់ត្រីមុនពេលលែងត្រីមកក្នុងស្រែនិងសម្រាប់ប្រស់ត្រី​ទុក​ក្នុងករណីដែលតម្លៃត្រីចុះថោក។ ក្រោយមកចាប់ផ្តើមព្រោះស្រូវ ថែទាំស្រូវ កាត់បន្ថយការប្រើប្រាស់ថ្នាំកម្ចាត់ដង្កូវ។

ពេលស្រូវព្រោះបាន ០១ ខែពិនិត្យទឹក និងបង្ហូតទឹកចូលស្រែ ។ ប្រស់ត្រីអណ្តែងនិងត្រីកន្ធរចំនួន ០២ ខែ បន្ទាប់មកចាប់ផ្តើមលែងត្រីទៅក្នុងស្រែ ដើម្បីឲ្យស៊ីចំណីធម្មជាតិ។

កម្រិតចិញ្ចឹម៖ ក្នុងមួយម៉ែត្រក្រឡាចិញ្ចឹមត្រីអណ្តែងទន់ ០៧ ក្បាល + ត្រីកន្ធរ ០៣ ក្បាល។ គប្បីចិញ្ចឹមត្រីតាមទម្រង់យថាកម្ម ច្នៃប្រតិដ្ឋ (បន្ថែមចំណី) គួបផ្សំនឹងការឆ្លៀតយកប្រភពចំណីស្រស់ដែលមានស្រាប់នៅមូលដ្ឋាន ដូចជា៖ ខ្យងហោងលឿង។ល។ ដើម្បីកាត់បន្ថយប្រាក់ចំណាយ បង្កើនប្រាក់ចំណូល។

ឬក៏អាចអនុវត្តការចិញ្ចឹមត្រីអណ្តែងទន់ក្នុងស្រែតាមទម្រង់ធម្មជាតិ៖ ត្រីដែលចិញ្ចឹមក្នុងស្រះ និងក្នុងសំណាញ់នៅក្នុងស្រះឬក្នុងស្រះព័ទ្ធជុំវិញស្រែពី ០២-០៣ ខែ (ប្រើប្រាស់ចំណីឧស្សាហកម្ម+ខ្យងហោងលឿង) ក្រោយមកប្តូរឲ្យត្រីឡើងស្រែ ដើម្បីឲ្យត្រីរកស៊ីចំណីដែលមានស្រាប់ក្នុងស្រែ (កាត់បន្ថយបរិមាណចំណីឧស្សាហកម្ម) ឬឲ្យត្រីហែលរាលក្នុងបរិស្ថានធម្មជាតិនឹងជំនួយឲ្យត្រីមានដងខ្លួនមួនមាំ សាច់ហាប់  មានគុណភាពដូចជាត្រីស្រែ។ ទម្រង់ចិញ្ចឹមនេះអាចបន្ថែមចំណីឲ្យត្រីដោយរបៀបលែងត្រីភីឡាព្យាក្នុងស្រែពី ០២-០៣ ខែ មុនពេលប្តូរឲ្យត្រីអណ្តែងទន់ឡើងចិញ្ចឹមក្នុងស្រែ ដើម្បីបង្កប្រភពចំណីដល់ត្រី។

ក្រោយពេលចិញ្ចឹមបាន ០៤ ខែ ត្រីអណ្តែងមួយក្បាលអាចមានទម្ងន់ពី ២០០-២៥០ ក្រាម និងត្រីកន្ធរអាចមានទម្ងន់ ១០០ ក្រាមចាប់ផ្តើមប្រមូលផល៕ 

ប្រែសម្រួល៖ ថាច់ហៀង