កសិករស្រុកចូវថាញ់មមាញឹកនឹងការចុះពូជស្រូវ រដូវដើមឆ្នាំ ២០២១

កសិករថាច់ស្រង់(ខាងឆ្វេង)បម្រុងពូជស្រូវចុះពូជតាមកាលបរិច្ឆេទរដូវស្រូវដើមឆ្នាំ ២០២១។

         ភូមិភូខាញ់ ភូមិខាញ់ឡុក និងភូមិចុង-ង ឃុំសុងឡុក បានការិយាល័យកសិកម្ម​និង អភិវឌ្ឍន៍ជនបទស្រុក ចង្អុលការចុះពូជលើក ទី ១ លើផ្ទៃដីជិត ៧៣០ ហិកតា។ លោកយ៉េបភឿង អនុប្រធានគណៈកម្មាធិការប្រជាជនឃុំសុងឡុកឲ្យដឹងថា៖ បន្ទាប់ពីប្រមូលផលស្រូវរដូវសម្រកឆ្នាំ ២០២០-២០២១ រួច ការិយាល័យកសិកម្មនិង អភិវឌ្ឍន៍ជនបទស្រុកបានប្រកាសកាលបរិច្ឆេទចុះពូជស្រូវរដូវដើមឆ្នាំ ២០២១ សម្រាប់ឃុំ។ ជាពិសេសចង្អុលការឲ្យ ០៣ ភូមិក្នុងឃុំចុះពូជលើកទី ១ ។ តាមរយៈ នោះ គណៈកម្មាធិការប្រជាជនឃុំបានប្រកាសដំណឹងនេះជូនដល់ប្រជាកសិករជាបន្ទាន់។ មូលហេតុដែលស្រុកជ្រើសរើស ០៣ ភូមិ របស់ឃុំសុងឡុកចុះពូជលើកទី ១ អាស្រ័យភូមិទាំង ០៣ នេះមានប្រភពទឹកពីធារាសាស្រ្តវាលស្រែភ្ជាប់នឹងភូមិសាស្រ្តស្រុកកាងឡុងសម្រាប់ស្រោចស្រព។ ផ្តើមពីសក្តានុភាពនោះ ការិយាល័យកសិកម្មនិងអភិវឌ្ឍន៍ជនបទស្រុក បានបែងកាលបរិច្ឆេទចុះពូជឲ្យភូមិទាំង ០៣ នេះមុនគេបង្អស់ បើប្រៀបនឹងបណ្តាមូលដ្ឋានដទៃក្នុងស្រុក។ រីឯភូមិដទៃទៀតក្នុងឃុំ ការិយាល័យចង្អុលការឲ្យចុះពូជសម្រេចក្នុងលើកទី ២។ រដូវស្រូវដើមឆ្នាំ ឆ្នាំនេះនៅលើភូមិសាស្រ្តឃុំបន្តការប្រើពូជស្រូវគុណភាពខ្ពស់ដូចជា៖ OM៥៤៥១, OM ១៨, OM ៤៩០០។

           ម៉ីចាញ់ជាឃុំមួយក្នុងចំណោមឃុំ​ដែលបានកំណត់ឲ្យចុះពូជលើកទី ២ លើផ្ទៃដីជាង ១.៨៩០ ហិកតា។ ពេលទទួលបានដំណឹងភ្លាម មាមីងកសិករក្នុងឃុំ ភ្ជួររាស់និងសម្អាតដីស្រែជាបន្ទាន់ដើម្បីចុះពូជតាមកាលបរិច្ឆេទរបស់ផ្នែកមានសមត្ថកិច្ចប្រកាសព្រមាន។ កសិករថាច់សង្ហារ នៅភូមិព្រែកបណ្តោយ ឃុំម៉ីចាញ់ បានឲ្យដឹងថា៖ ដើម្បីធានាផលិតស្រូវរដូវដើមឆ្នាំ ២០២១ សម្រេចជោគជ័យ មុនពេលចុះពូជ ខ្ញុំតែងធ្វើតាមការប្រកាសព្រមានរបស់ផ្នែកកសិកម្ម៖ ភ្ជួរហាលអាចម៍ដី តិចបំផុត ០២ សប្តាហ៍ មុននឹងចុះពូជដើម្បីធ្វើឲ្យដីផុស កាត់បន្ថយជាតិបង្រៃ ជាតិពុលសរីរាង្គនិងបង្ការជំងឺជាច្រើនប្រភេទ។ ទន្ទឹមនឹងនោះ ខ្ញុំតែងអនុវត្តតាមកាលបរិច្ឆេទចុះពូជជានិច្ច។ ជាមួយនឹងផ្ទៃដី ១,៥ ហិកតារបស់គ្រួសារ ខ្ញុំបែងចុះពូជ ៣ លើក ក្នុងរយៈកាល ១០ ថ្ងៃ (ចាប់ពីថ្ងៃទី ០១ ដល់ថ្ងៃទី ១២ ឧសភា ២០២១)។ ផលិតស្រូវជារៀងរាល់ឆ្នាំ ខ្ញុំតែងអនុវត្តតាមកាលបរិច្ឆេទចុះពូជ និងអនុវត្តតាមទម្រង់ “ ត្រូវម៉្យាង បន្ថយ ០៥ យ៉ាង “ ។

         ប្រើប្រាស់ពូជស្រូវដែលបានទទួលស្គាល់ គឺជាកត្តាសំខាន់មួយដែលផ្នែកកសិកម្ម​ស្រុកបានប្រកាសព្រមានរួចបានមាមីងកសិករស្រុកចូវថាញ់យកចិត្តទុកដាក់អនុវត្តតាមបានល្អ។ កសិករថាច់ស្រង់ នៅភូមិសំរោងធំ (ចុងក្រោម)  ឃុំម៉ីចាញ់ ចែករំលែកថា៖ ពូជស្រូវគឺជាកត្តាសំខាន់មួយក្នុងចំណោមកត្តាសំខាន់។ ម្ល៉ោះហើយ ខ្ញុំតែងជ្រើសពូជស្រូវដែលបានទទួលស្គាល់តាមការណែនាំរបស់ផ្នែកជំនាញ។ ពីព្រោះ ពូជស្រូវដែលបានទទួលស្គាល់ជាពូជអាចធានាគុណភាព ពេលចុះពូជរួចដើមស្រូវលូតលាស់ល្អ  បង្ការដង្កូវក្រាបំផ្លិចបំផ្លាញ និងជៀសវាងជិតដល់ពេលប្រមូលផលស្រូវត្រូវរលំ។ រដូវនេះខ្ញុំប្រើពូជ OM ១៨ ដែលបានទទួលស្គាល់។ នេះជាប្រភេទពូជស្រូវរយៈកាលខ្លី ដំណាក់កាលពីចុះពូជដល់ប្រមូលផលពី ៩០-៩៥ ថ្ងៃ ធន់បាននឹងជាតិប្រៃ រាំងស្ងួត និងដង្កូវក្រាបានល្អ។

         ដើម្បីធានារដូវស្រូវដើមឆ្នាំ ២០២១ សម្រេចទិន្នផលនិងគុណភាពខ្ពស់ លោកង្វៀងម៉ាញ់ថៃ ប្រធានដំណាក់ដាំដុះនិងការពាររុក្ខជាតិស្រុកចូវថាញ់មានប្រសាសន៍ថា៖ ទន្ទឹមនឹងការអនុវត្តន៍ល្អតាមកាលបរិច្ឆេទ ប្រើប្រាស់ពូជស្រូវដែលបានទទួលស្គាល់ មាមីងត្រូវអនុវត្តតាមរបៀបធ្វើវប្បកម្ម ជឿនលឿន “បន្ថយ ០៣ យ៉ាង‑បង្កើន ០៣ យ៉ាង “ “ត្រូវម៉្យាង‑បន្ថយ ០៥ យ៉ាង “ អនុវត្តបណ្តាវិធានការព្រោះជាជួរ  ព្រោះរង្វើលចំនួនពូជស្រូវមិនលើសពី ១២០ គីឡូក្រាមក្នុងមួយហិកតា។ អំពីការបង្ការ ជម្នះដង្កូវក្រា និងជំងឺជាច្រើនប្រភេទ កសិករគប្បីយកចិត្តទុកដាក់ចំពោះប្រភេទជំងឺអាចបំផ្លាញស្រូវដូចជា៖ ជំងឺរលួយស្លឹក ស្អុយកកួរស្រូវ។ល។ ជាពិសេសត្រូវចុះទៅមើល ថែស្រូវជារឿយៗប្រសិនបើឃើញសត្វល្អិតបំផ្លាញ យើងមានវិធីសាស្រ្តការពារជាបន្ទាន់មិនទុកឲ្យហិនហោចស្រូវដែលកំពុងលូតលាស់។

         តាមការិយាល័យកសិកម្មនិងអភិវឌ្ឍន៍ជនបទស្រុកចូវថាញ់ រដូវសម្រកឆ្នាំ ២០២០-២០២១ ស្រុកចូវថាញ់ផលិតស្រូវបានជាង ១១.០៨៦ ហិកតា ទិន្នផលផ្ដល់មធ្យម ៧,៣ តោនក្នុងមួយហិកតា (ស្រូវទទឹក) លក់ជាមួយតម្លៃពី ៦.៩០០-៧.៣០០ ដុងក្នុងមួយគីឡូក្រាម ទូទាត់ខ្ទង់ចំណាយរួច កសិករនៅចំណេញពី ២៥-៣០ លានដុងក្នុងមួយហិកតា។ ដោយបានការយកចិត្តទុកដាក់ពីសំណាក់របស់ផ្នែកសិកម្ម រួមជាមួយស្មារតីម្ចាស់ការអនុវត្តល្អតាមកាលបរិច្ឆេទ វិធីសាស្រ្តផលិតស្រូវរបស់កសិករ សង្ឃឹមថាស្រូវរដូវដើមឆ្នាំ ២០២១ នេះ កសិករស្រុកចូវថាញ់នឹងទទួលបានជោគជ័យជាបន្ត៕        

អត្ថបទ‑រូបថត៖ សុជា