កសិករឃុំង៉ូវឡាកជំរុញមាំចលនាផលិត-ធ្វើអាជីវកម្មពូកែ

ក្នុងរយៈពេល ៦ ខែដើមឆ្នាំ ២០២១ សមាគមបង្កើតថ្មីក្រុមអាជីព​ខ្នាតគំរូបាន ០២ ក្រុម ដោយមានសមាជិក ២៨ នាក់ចូលរួម ពង្រឹង រៀបចំសមាជិក ២៩០ នាក់ចូលរួម ១០ ក្រុមសមាគម។ បង្កើនចំនួនគិតមកទល់ពេលនេះ ទូទាំងឃុំមានក្រុមអាជីព ៨៩ ក្រុម​ ដោយមានសមាជិក ១.៥៥១ នាក់។ ពង្រីកថ្មីក្រុមសហការចិញ្ចឹម​គោមេ ០១ ក្រុម ដោយមានសមាជិក ១៣​ នាក់។ បន្តពង្រឹង និងលើកកម្ពស់គុណ ភាពធ្វើសកម្មភាពក្រុមសហការ ១៧ ក្រុម ដោយមានសមាជិក ២៩៣ នាក់ បង្កើនចំនួនគិតមកទល់ពេលនេះមានក្រុមសហការអាស្រ័យសមាគមគ្រប់គ្រង ១៨ ក្រុម ដោយមានសមាជិក ៣០៦ នាក់។ មានសហករណ៍ ០៤ កន្លែង មានសមាជិកជាសមាជិកសមាគម ១៧៩ នាក់ចូលរួម មានសាខាសមាគមអាជីព ០១ កន្លែង មានសមាជិក ៤៣ នាក់។  កសាងទម្រង់ចិញ្ចឹមអន្ទង់ដោយមិនប្រើល្បាប់បាន ០១ ទម្រង់ ដោយមានគ្រួសារ ០២ គ្រួចិញ្ចឹម ដោយចំនួនកូនពូជ ២.២០០ ក្បាល។

ទម្រង់ចិញ្ចឹមគោមេមានប្រសិទ្ធភាពរបស់សមាគមកសិករឃុំងូវឡាក។

ទោះបីត្រូវរងជះឥទ្ធិពលដោយអាសន្នរោគកូវីដ‑១៩ ក៏ដោយ ប៉ុន្តែគណៈអចិន្ត្រៃយ៍សមាគមកសិករឃុំនិងបណ្តាសាខាស​មាគមបំផុសចលនាអនុវត្តសម្រេច និងសម្រេចលើសពីកម្រិតផែនការដូចជា៖ កម្រិតផែនការផ្សព្វផ្សាយ ចលនាកសិករផលិត-ធ្វើអាជីវកម្មពូកែ កសាងក្រុមសមាគមអាជីពខ្នាតគំរូ ជ្រោមជ្រែងសម្រេចជោគជ័យការបោះឆ្នោតតំណាងរដ្ឋសភា និងតំណាងក្រុម​​ប្រឹក្សាប្រជាជនគ្រប់លំដាប់ថ្នាក់អាណត្តិកាល ២០២១‑២០២៦ សហការជាមួយបណ្តាផ្នែកជំនាញពង្រីកការចិញ្ចឹមជលផល។ល ។

អនុវត្តចលនាកសិករផលិត-ធ្វើអាជីវកម្មពូកែ  ឆ្លងតាមរយៈការផ្សព្វផ្សាយ មានគ្រួសារចុះឈ្មោះ ១.៦៩០ គ្រួ សម្រេចអត្រា ៦០% ប្រៀបជាមួយគ្រួសារបានផ្សព្វផ្សាយ សម្រេច ១០០% នៃផែនការ ក្នុងនោះថ្នាក់មជ្ឈិមមាន ០៣ គ្រួសារ ថ្នាក់ខេត្ត ៣១ គ្រួសារ ថ្នាក់ស្រុក ១១៩ គ្រួសារ និងថ្នាក់ឃុំ ១.៥៣៨ គ្រួសារ។ គ្រួសារសមាជិកសមាគមកសិករផលិត-ធ្វើអាជីវកម្មកសិផលអាហារ ចុះឈ្មោះធ្វើលិខិតសន្យាធានាសុវត្ថិភាពអនាម័យអាហារបាន​ចំនួន ១.៣០០ គ្រួ។ ឆ្លងតាមរយៈការផ្សព្វផ្សាយអនុវត្ត សមាគមបានចង្អុលការឲ្យកសាងផែនការចុះឈ្មោះអនុវត្តទម្រង់សេដ្ឋកិច្ចចង្អុលការ ០១ កន្លែង ភ្ជាប់ជាមួយទម្រង់ប៉ិនប្រសប់ការងារប្រជាចលនា និងកសាងសាខា ក្រុមសមាគមរឹងមាំសម្រេច ១០០% នៃផែនការ។

លោកឡេថាញ់ផុង ប្រធានសមាគមកសិករឃុំង៉ូវឡាកបានឱ្យដឹងថា៖ ឆ្លងតាមរយៈការអនុវត្តន៍បណ្តាទម្រង់ សមាគមធ្វើសេនាធិការស្នើឲ្យថ្នាក់លើទទួលស្គាល់ ស្ងើចសរសើរគំរូកសិករផលិត-ធ្វើអាជីវកម្មពូកែដំណាក់កាល ២០១៧‑២០២០ ចំនួន ១៨ នាក់។ ឆ្នាំ ២០២១ ស្នើឱ្យស្ងើចសរសើរសមាជិកកសិករផលិត​-ធ្វើអាជីវកម្មពូកែថ្នាក់មជ្ឈិម ០២​ នាក់។ តួយ៉ាងដូចជាកសិករ​ ថាច់ឃ្លាំង(ភូមិខ្នាចទទឹង)ជាកសិករផលិតពូកែថ្នាក់ខេត្តដំណាក់កាល ២០១៧‑២០២០ ជាមួយទម្រង់ចិញ្ចឹមសត្វ គួបផ្សំនិងការដាំដំណាំ សេវាកម្មកសិកម្មទទួលបានប្រាក់​ចំណូលជាង ១,១ ពាន់លានដុង ក្រោយពេលទូទាត់ការចំណាយជាង ២៦៦​ លានដុង គ្រួសារនៅចំណេញជាង ៨៦០ លានដុង ទទួលរ៉ាប់រងគ្រួសារលំបាកចំនួន ១០ គ្រួឈានឡើងធូរធា។ ឬក៏កសិករ ថាច់ហើប (ភូមិជ្រៃតាសូរត្បូង) ជាមួយទម្រង់ចិញ្ចឹមជលផល ទទួលបានប្រាក់ចំណូល ៧៥០ លានដុង ក្រោយពេលទូទាត់ការចំណាយប្រមាណ ១១២​ លានដុង គ្រួសារនៅចំណេញជាង ៦៣០ លានដុង។

អនុវត្តសេចក្តីសម្រេចចិត្តលេខ ០៥‑NQ/HNDTW ស្តីពីបង្កើនការងារពង្រីក គ្រប់គ្រង និងលើកកម្ពស់គុណភាពសមាជិកសមាគមកសិករវៀតណាម ចាប់តាំងពីដើមឆ្នាំ ២០២១ មកទល់ពេលនេះ សមាគមកសិករឃុំង៉ូវឡាកពង្រីកសមាជិកបាន ៨០ នាក់។ បង្កើនចំនួនគិតមកទល់ពេលនេះឡើងបាន ១.៨៨២ នាក់ ក្នុងនោះមានសមាជិកជាជនជាតិខ្មែរជាង ៧០%៕          

អត្ថបទ‑រូបថត៖ សម្បត្តិ