កូវកែលើកកម្ពស់គុណភាពតំបន់ជំនាញឈើហូបផ្លែ

បច្ចុប្បន្ននេះស្រុកកូវកែប្រមូលផ្តុំកម្លាំងអនុវត្តដោយមានប្រសិទ្ធភាពផែនការផ្លាស់ប្តូររចនាសម្ព័ន្ធពូជឈើដាំ កសាងផលិតផលសមស្របជាមួយនឹងភាពមានព្រៀប តម្រូវការរបស់ទីផ្សារ និងសម្របសម្រួលជាមួយនឹងអាកាសធាតុប្រែប្រួលនៅតាមបណ្តាអនុតំបន់។ ក្នុងនោះ ឆ្ពោះដល់ការពង្រីកបណ្តាតំបន់ប្រមូលផ្តុំ ទ្រង់ទ្រាយធំ ទន្ទឹមនឹងនោះចាត់តាំងការផលិតតាមកន្សោមចំពោះបណ្តាផលិតផលមុខព្រួញជាតិ ផលិតផលមុខព្រួញរបស់ស្រុក ដោយភ្ជាប់ជាមួយនឹងទម្រង់ពង្រីកកសិកម្មស្អាត កសិកម្មសរីរាង្គ។

កសិករប្រមូលផលមៀន។

ទន្ទឹមនឹងការអនុវត្តន៍មានប្រសិទ្ធភាព ការរក្សាខ្ជាប់ផ្ទៃដីផលិតស្រូវតែងបានឡើងគ្រោងផែនការដល់ឆ្នាំ ២០២៥ នៅលើភូមិសាស្ត្រស្រុកគឺ ៧.០៣៨ ហិកតាផងដែរ។ ក្នុងនោះមានផ្ទៃដីផលិតស្រូវស្អាតតាមគោលដៅសរីរាង្គ ១០០ ហិកតា ប្រមូលផ្តុំនៅ ០៦ ឃុំទិសខាងកើតនៃផ្លូវជាតិលេខ ៥៤ រួមមាន៖ ឃុំថាញ់ភូ ថុងហ្វា ហ្វាអឹង ចូវដៀង ផុងភូ និងផុងថាញ់។ រីឯផ្ទៃដីផលិតស្រូវមិនសូវបានផលក្រៅពីនោះ ក្នុងពេលខាងមុខនេះ ស្រុកប្រមូលផ្តុំអនុវត្តការផ្លាស់ប្តូររចនាសម្ព័ន្ធពូជឈើដាំ និងធ្វើប្រពលវប្បកម្មពូជឈើដាំនៅលើផ្ទៃដីផលិតស្រូវដើម្បីលើកកម្ពស់លទ្ធផល និងប្រភពចំណូលលើអង្គភាពផ្ទៃដីធ្វើប្រពលវប្បកម្មតែមួយ។​ ក្នុងនោះយកចិត្តទុកដាក់ដល់ការពង្រីកបណ្តាប្រភេទឈើមុខព្រួញដោយភ្ជាប់ជាមួយនឹងការអនុវត្តន៍ផលិតតាមអភិក្រម VietGAP បង្កផលិតផលសុវត្ថិភាព តម្លៃខ្ពស់។ តាមការត្រៀមបម្រុងដល់ឆ្នាំ ២០២៥ ស្រុកនឹងពង្រីកទូលាយ និងរក្សាផ្ទៃដីដាំបណ្តាប្រភេទឈើមុខព្រួញដូចជា៖ក្រូចថ្លុងសម្បកខៀវសម្រេចអភិក្រម VietGAP ជាមួយនឹងផ្ទៃដី ១០០ ហិកតារបស់ ០៤ ឃុំគឺឃុំតាមង៉ាយ និញថើយ ផុងភូ ថាញ់ភូ រក្សាខ្ជាប់ និងពង្រីកផ្ទៃដីដាំដើមសាវម៉ាវ ១០០ ហិកតានៅតំបន់កោះតឹងក្វី ឃុំអាងភូតឹង ស្វាយកាកជូ ៧០០ ហិកតានៅឃុំហ្វាតឹង ក្រូចពោធិ៍សាត់សំបកក្រាស់ ២.០០០ ហិកតានៅបណ្តាឃុំ តាមង៉ាយ អាងភូតឹង ហ្វាតឹង និញថើយ ថុងហ្វា ថញ់ភូ ហ្វាអឹង និងចូវដៀង។  ដាំដើមមៀន ៣០០ ហិកតានៅ ០៧ ឃុំ តាមង៉ាយ ផុងភូ ផុងថាញ់ ហ្វាអឹង ហ្វាតឹង និញថើយ អាងភូតឹង តំបន់ជំនាញខាងដាំដើមចេកចម្រុះក្នុងចម្ការ ចំនួន ៥០០ ហិកតានៅ ០៤ ឃុំ តាមង៉ាយ អាងភូតឹង ហ្វាតឹង និងនិញថើយ។ ដោយឡែកតែផ្ទៃដីដាំដើមដូងនឹងបន្តរក្សា និងពង្រីកលំនឹងផ្ទៃដីដាំដូង ៥.០០០ ហិកតា ក្នុងនោះមានផ្ទៃដី ១០០ ហិកតាបានដាំតាមទិសដៅសរីរាង្គនៅលើផូមិសាស្ត្របណ្តាឃុំ ទីប្រជុំជន។

អ្នកចម្ការង្វៀងឡេវិញ នៅភូមិអាងឡុក ឃុំហ្វាតឹងបានឱ្យដឹងថា៖ ចំពោះតំបន់ដីកោះអាងឡុកពីមុននេះភាគច្រើនត្រូវទឹកជោរឡើង និងជន់លិចបានជាជួបលំបាកក្នុងការផលិត។ ចាប់ពីឆ្នាំ ២០១៧ មកដល់ពេលនេះ អាងឡុកបានខេត្ត ស្រុកយកចិត្តទុកដាក់វិនិយោគកសាងបណ្តាភ្លឺទំនប់គួបផ្សំជាមួយនឹងគមនាគមន៍ (ផ្លូវដាន) សន្សឹមៗនឹងបានផ្ជិត។ ឆ្លងតាមនោះ បានរួមចំណែកយ៉ាងធំ និងប្រសិទ្ធភាពក្នុងការរាំងខ្ទប់ទឹកជោរជន់លិច និងជួយឱ្យមាមីងប្រជាកសិករអ្នកចម្ការម្ចាស់ការក្នុងការផលិត។ បច្ចុប្បន្ននេះតំបន់កោះអាងឡុកមានផ្ទៃដីចម្ការ ១០០% (ប្រមាណ ១១០ ហិកតា) កំពុងផ្តល់ផ្លែ ភាគច្រើនគឺបណ្តាប្រភេទឈើមុខព្រួញ ដូចជា មៀន ស្វាយ ខ្នុរ។ល។ ដោយឡែកតែគ្រួសារលោកពូមានផ្ទៃដីជំនាញខាងដាំដើមមៀន ០៣ ហិកតា ក្នុងមួយឆ្នាំផ្តល់បរិមាណផលពី ៥០-៦០ តោនផ្លែ។

តាមប្រសាសន៍របស់លោកស្រី ង៉ូធីហុងងី អាស្រ័យដោយត្រូវជះឥទ្ធិពលរបស់អាកាសធាតុប្រែប្រួលបានជាផ្ទៃដីដាំឈើហូបផ្លែមួយចំនួនស្ថិតនៅក្រៅកំណាត់ភ្លឺទំនប់ (ផ្លូវស្រុកលេខ ៩១៥) ឆ្នេរទន្លេហូវភាគច្រើនត្រូវរងទឹកជន់លិច ជ្រាបជាតិជូរប្រៃ ប្រមូលផ្តុំនៅបណ្តាភូមិសែវកាង ពាមឌិញ រ៉េចរួយ បាបាយ ឃុំនិញថើយជាមួយនឹងផ្ទៃដី ១.៣៦០ ហិកតា តំបន់ភូមិហោយអាង អាងបិញ អាងឡុក ឃុំហ្វាតឹងជាមួយនឹងផ្ទៃដី ៦៨០ ហិកតា។ អនុវត្តវិធីសាស្ត្រទប់ទល់ជាមួយនឹងអាកាសធាតុប្រែប្រួល គណៈកម្មាធិការប្រជាជនខេត្តបានមានគោលការណ៍វិនិយោគកសាងប្រព័ន្ធភ្លឺទំនប់ព័ទ្ធជុំវិញឆ្នេរទន្លេហូវនៅលើភូមិសាស្ត្របណ្តាឃុំនិញថើយ ហ្វាតឹង អាងភូតឹងដោយមានប្រវែង ២១,៨ គីឡូម៉ែត្រ៕           

ប្រែសម្រួល៖ រតនា