អនុរដ្ឋមន្ត្រីក្រសួងសុខាភិបាល ដូស្វឹងត្វៀង៖ គប្បីត្រូវវាយតម្លៃកម្រិតគ្រោះថ្នាក់ ដើម្បីដាក់ចេញវិធីសាស្ត្រសមស្រប

   ទទួលបដិសណ្ឋារកិច្ច និងធ្វើការជាមួយនឹង ក្រុមប្រតិភូការងារមានសមមិត្ត ឡេវុាំងហាំង អនុលេខាបក្សខេត្ត ប្រធានគណៈកម្មាធិការ​ប្រជាជនខេត្ត ប្រធានគណៈចង្អុលការបង្ការទប់ស្កាត់អាសន្នរោគជំងឺកូវីដ-១៩ ខេត្តត្រាវិញ និងបណ្តាសមាជិកគណៈចង្អុលការខេត្ត។
     របាយការណ៍ជូនក្រុមប្រតិភូការងាររបស់ក្រសួងសុខាភិបាល គណៈចង្អុលការបង្ការទប់ ស្កាត់អាសន្នរោគជំងឺកូវីដ-១៩ ខេត្តត្រាវិញ បានឱ្យដឹងថា៖ ចាប់ពីថ្ងៃទី ២៧ មេសា រហូតដល់ថ្ងៃទី ០៣ សីហា នៅលើភូមិសាស្ត្រខេត្ត កត់ត្រាបាន ៤២៨ ករណីវិជ្ជមានជាមួយនឹងវីរុស SARS-CoV-២ និងមានមនុស្សស្លាប់ ០៤ ករណី។ អំពីការងារព្យាបាលខេត្ត បានបង្កើតបន្ថែមមន្ទីរពេទ្យបណ្តោះអាសន្ន ០២ កន្លែងទៀត ជាមួយនឹងទំហំ ២០០ គ្រែ អនុវត្ត សម្រាំងសម្រិតប្រមូល និងព្យាបាលអ្នកជំងឺ កូវីដ-១៩។ គិតមកដល់សព្វថ្ងៃនេះ ចំនួនអ្នកជំងឺដែលបានព្យាបាលជាសះស្បើយនៅនឹងបណ្តាមន្ទីរពេទ្យបណ្តោះអាសន្នលើភូមិសាស្ត្រខេត្តសរុបរួមគឺ ៤១ នាក់។
     អនុរដ្ឋមន្ត្រីក្រសួងសុខាភិបាល ដូស្វឹងត្វៀង សំណូមពរមូលដ្ឋាន គប្បីត្រូវចាត់កម្លាំង ដើម្បីសហការជាមួយនឹងក្រុមពួក ០៣ យ៉ាងដូចជា៖ ក្រុមឧបត្ថម្ភការងារបង្ការទប់ស្កាត់ជំងឺនៅ នឹងសហគមន៍ និងអាជីវកម្ម ក្រុមព្យាបាល-ធ្វើតេស្ត និងក្រុមភ័ស្តុភា-បច្ចេកវិទ្យាព័ត៌មាន និងឃោសនាការបង្ការរោគជំងឺ។ គប្បីយកចិត្តទុកដាក់ដល់រវាងក្រុមការងារ និងមូលដ្ឋាន ត្រូវមានការឯកភាពក្នុងរបបធ្វើរបាយការណ៍ ទន្ទឹមនឹងនោះ ពេលដែលក្រុមការងារនេះចុះ មកធ្វើការ បណ្តាមន្ទីរ គណៈ ផ្នែក និងមូលដ្ឋានគប្បីរៀបចំកាលបរិច្ឆេទធ្វើការ និងត្រូវមានថ្នាក់ដឹកនាំអង្គភាពចូលរួមដើម្បីទុកឱ្យការងារបង្ការរោគជំងឺសម្រេចលទ្ធផលខ្ពស់បំផុត ។
     អំពីការងារបង្ការរោគជំងឺក្នុងពេលខាងមុខនេះ អនុរដ្ឋមន្ត្រីក្រសួងសុខាភិបាល ដូស្វឹងត្វៀងសំណូមពរខេត្តត្រាវិញគប្បីយកចិត្តទុក ដាក់ដល់ការវាយតម្លៃកម្រិតគ្រោះថ្នាក់នៅនឹង បណ្តាមូលដ្ឋាន ដើម្បីផ្តើមពីនោះអាចនឹងដាក់ចេញវិធីសាស្ត្រសមស្រប ជាក់ស្តែងក្នុងការ អនុវត្តន៍គម្លាតសង្គម និងផ្សព្វផ្សាយផែនការ​ធ្វើតេស្ត។ល។ គណៈចង្អុលការបង្ការទប់ស្កាត់អាសន្នរោគជំងឺកូវីដ-១៩ គ្រប់ថ្នាក់នៅលើភូមិសាស្ត្រខេត្តត្រាវិញ ត្រូវយោងលើបណ្តា ឯកសារណែនាំរបស់ក្រសួងសុខាភិបាល ក្នុងនោះ យកចិត្កទុកដាក់ដល់ការវាយតម្លៃគ្រោះ ថ្នាក់រោគជំងឺនៅថ្នាក់ឃុំ ស្រុក (កម្រិតធម្មតា គ្រោះថ្នាក់ និងគ្រោះថ្នាក់ខ្ពស់) ផ្តើមពីនោះ ដាក់ចេញវិធីសាស្ត្រសមស្រប។ល។ ការងារធ្វើតេស្តត្រូវមានផែនការលម្អិតជាក់ស្តែង និងបណ្តាមូលដ្ឋានសុខាភិបាលត្រូវធានាលទ្ធភាពធ្វើតេស្ត។
     ចំណុចផ្សេងទៀតគឺមូលដ្ឋាន គប្បីត្រូវកសាងនាដកថាសម្រាប់ពេលមានករណីជំងឺកើនខ្ពស់ ធានាមិនទុកឱ្យកងជួរសុខាភិបាល ត្រូវជ្រាបជំងឺឆ្វេងគ្នា។ ចំពោះបណ្តាតំបន់បង្ខាំងខ្ទប់ បណ្តាមូលដ្ឋានគប្បីរវាសរវៃជាងទៀត ជំហានដំបូងធ្វើបង្ខាំងខ្ទប់ទូលាយ ប៉ុន្តែក្រោយពីនោះ ត្រួតពិនិត្យវាយតម្លៃអាសន្នរោគ យកគំរូតេស្តបង្រួញតូចវិញបណ្តាលឱ្យជះឥទ្ធិពល រួម។ ពិសេសគឺ គប្បីយកចិត្តទុកដាក់ដល់ស្ថានភាពបង្ខាំងខ្ទប់ខាងក្រៅជិតដិត ប៉ុន្តែខាងក្នុងបែជាប្រហែសធ្វេសងាយ នឹងជំងឺរាលដាលខ្វែងគ្នានៅក្នុងបណ្តាតំបន់បង្ខាំងខ្ទប់។
     ចំពោះបណ្តាសមាជិកក្រុមការងាររបស់ក្រសួងសុខាភិបាល អនុរដ្ឋមន្ត្រីដូស្វឹងត្វៀងចង្អុលការ ពេលដែលចាប់ផ្តើមការងារឧបត្ថម្ភ គប្បីមានការសិក្សាស្រាវជ្រាវនូវបណ្តាករណីជាក់ស្តែងឱ្យបានទាន់ពេល ដើម្បីទុកឱ្យការងារបង្ការរោគជំងឺសម្រេចលទ្ធផលខ្ពស់បំផុត។ គប្បីស្វែងរកនូវបណ្តាវិធីសាស្ត្រក្នុងកិច្ចការជំនាញ ពិសេសគឺចំពោះក្រុមព្យាបាលជំងឺកូវីដ- ១៩ សហការជាមួយនឹងការពិនិត្យឡើងវិញ និងសម្រាំងសម្រិតមុខសញ្ញាត្រូវជ្រាបមេរោគ៕         ប្រែសម្រួល៖   រតនា