អនុប្រធានរដ្ឋ វ៉ធីអាញ់ស្វឹង បន្តកម្មវិធីអញ្ជើញទៅសួរ សុខទុក្ខ និងប្រសិទ្ធពរបុណ្យតេតនៅខេត្តត្រាវិញ

លោកស្រី​ វ៉ធីអាញ់ស្វឹង សួរសុខទុក្ខនិងជូនអំណោយតេតដល់គ្រួសារគោលនយោបាយស្រុកចូវថាញ់ ។ រូបថត៖ បាធី
     បន្តកម្មវិធីសួរសុខទុក្ខ និងប្រសិទ្ធពរបុណ្យតេតនៅខេត្តត្រាវិញ កាលពីថ្ងៃទី ២០ ខែ មករា លោកស្រីវ៉ធីអាញ់ស្វឹង សមាជិកាគណៈប្រតិបត្តិការមជ្ឈិមបក្ស អនុយប្រធានរដ្ឋប្រទេសសាធារណរដ្ឋសង្គមនិយមវៀតណាមបានអញ្ជើញទៅសួរសុខទុក្ខ និងប្រសិទ្ធពរបុណ្យតេតកម្មភិបាល យុទ្ធជនប៉ុស្តិ៍ការពារព្រំដែនម៉ីឡុង ស្រុកកូវង៉ាង គណៈកម្មាធិការបក្ស គណៈកម្មាធិការប្រជាជនស្រុកចូវថាញ់ និងកម្មាភិបាល បុគ្គលិកមន្ទីរពេទ្យបណ្តោះអាសន្នលេខ ១ របស់ខេត្ត។ រួមដំណើរជាមួយនឹងក្រុមប្រតិភូការងារមានសមមិត្តគឹមង៉ុកថាយ អនុលេខាប្រចាំអចិន្ត្រៃយ៍បក្សខេត្ត ប្រធានក្រុមប្រឹក្សា ប្រជាជនខេត្ត សមមិត្តឡេថាញ់បិញ សមាជិក គណៈអចិន្ត្រៃយ៍នៃគណៈកម្មាធិការបក្សខេត្ត អនុប្រធានគណៈកម្មាធិការប្រជាជនខេត្ត។

លោកស្រី​ វ៉ធីអាញ់ស្វឹង សួរសុខទុក្ខនិងជូនអំណោយបុស្តិ៍ការពារព្រំដែនម៉ីឡុង។ រូបថត៖ បាធី
     ស្ថិតនៅស្រុកចូវថាញ់ អនុប្រធានរដ្ឋបានជូនអំណោយដល់គ្រួសារគោលនយោបាយ គ្រួសារក្រីក្រ កុមារក្រីក្រសង្វាតរៀនសូត្រ និងគ្រួសារជួបលំបាកអំពីអាសន្នរោគជំងឺកូវីដ- ១៩ ចំនួន ៣០ គ្រួ។ អនុប្រធានរដ្ឋបានជូនអំណោយបុណ្យតេត ៣៥០ ចំណែក និងផ្ទះឧបការគុណ ១៤ ខ្នងដល់ខេត្តត្រាវិញ និងជូនអំណោយបុណ្យតេត ៣០០ ចំណែកដល់គណៈកម្មាធិការបក្ស គណៈកម្មាធិការប្រជាជនស្រុក ចូវថាញ់សម្រាប់ជូនដល់បណ្តាមុខសញ្ញានៅលើភូមិសាស្ត្រដើម្បីទទួលអំណរនិទាឃរដូវញ៉ឹមយ៉ឹងឆ្នាំ ២០២២។
     ស្ថិតនៅបណ្តាកន្លែងដែលបានអញ្ជើញទៅដល់ អនុប្រធានរដ្ឋ វ៉ធីអាញ់ស្វឹង​ បានកំណត់ត្រា និងវាយតម្លៃខ្ពស់ចំពោះបណ្តាលទ្ធផលដែលបក្ខភាគ កម្មាភិបាល យុទ្ធជន បុគ្គលិកសុខាភិបាលសម្រេចបានក្នុងពេលកន្លង។ អនុប្រធានរដ្ឋសំណូមពរបក្ខភាគ រដ្ឋអំណាច និងកម្មាភិបាល យុទ្ធជន បុគ្គលិកគប្បីបន្តពង្រីក ស្មារតីសាមគ្គី ឆ្លងកាត់រាល់ការទុក្ខលំបាក ពង្រីកនូវបណ្តាលទ្ធផលដែលសម្រេចបាន ដើម្បីកសាងមាតុភូមិត្រាវិញពីមួយថ្ងៃកាន់តែងអភិវឌ្ឍន៍។ ចំពោះកម្មាភិបាល យុទ្ធជន កម្មាភិបាល បុគ្គលិកសុខាភិបាលគប្បីពង្រីកស្មារតីខិតខំមិនអត្តនោម័ត ធ្វេសប្រហែស ក្នុងការ ត្រៀមលក្ខណៈប្រយុទ្ធ បង្ការទប់ស្កាត់អាសន្នរោគ ព្យាបាលជំងឺជូនប្រជាជន។ល។                  ប្រែសម្រួល៖ រតនា