អំណរអនុស្សាវរីយ៍ឆ្នាំទី ៧៤ ទិវាយុទ្ធជនពិការ-យុទ្ធជនពលី (២៧ កក្កដាឆ្នាំ ១៩៤៧-២៧ កក្កដាឆ្នាំ ២០២១)

ថ្នាក់ដឹកនាំខេត្តអញ្ជើញទៅដាក់កម្រងផ្កាអុជធូបរំលឹកវិញ្ញាណក្ខ័ន្ធអ៊ំហូនៅទីសក្ការបូជាឃុំឡុងឌឹក ។ រូបថត៖ បាធី

     ព្រឹកថ្ងៃទី ២៦ កក្កដា គណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តត្រាវិញ បង្កើនក្រុមប្រតិភូអញ្ជើញទៅដាក់កម្រងផ្កាអុជធូបរំលឹកវិញ្ញាណក្ខ័ន្ធអ៊ំហូនៅនឹងទីសក្ការបូជារបស់អ៊ំ និងបណ្តាវីរយុទ្ធជនពលីនៅបូជនីយដ្ឋានរបស់ខេត្តនៅភូមិវិញហោយ ឃុំឡុងឌឹក ទីក្រុងត្រាវិញ នាអនុស្សាវរីយ៍ឆ្នាំទី ៧៤ ទិវាយុទ្ធជនពិការ-យុទ្ធជនពលី (២៧ កក្កដា ឆ្នាំ ១៩៤៧-២៧ កក្កដា ឆ្នាំ ២០២១)។
     ក្រុមប្រតិភូអាស្រ័យដោយសមមិត្ត គឹមង៉ុកថាយ អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្តធ្វើជាប្រធាន រួមជាមួយនឹងបណ្តាសមមិត្ត ឡឹមមិញដាំង អនុលេខាបក្សខេត្ត សមមិត្ត ឡេវុាំងហាំង អនុលេខាបក្សខេត្ត ប្រធានគណៈកម្មាធិការប្រជាជន សមមិត្ត ង្វៀងវុាំងត្រៀក សមាជិកអចិន្ត្រៃយ៍នៃគណៈកម្មាធិការបក្សខេត្ត ប្រធានគណៈកម្មា ធិការរណសិរ្សមាតុភូមិវៀតណាមខេត្តត្រាវិញ និង​បណ្តាសមមិត្តជាសមាជិកអចិន្ត្រៃយ៍នៃគណៈ​កម្មាធិការបក្សខេត្ត សមាជិកគណៈប្រតិបត្តិការបក្សខេត្ត។     ស្ថិតនៅនឹងបណ្តាកន្លែងគោរព ថ្នាក់ដឹក​នាំខេត្តត្រាវិញ បានដាក់កម្រងផ្កាអុជធូបរំលឹក​វិញ្ញាណក្ខ័ន្ធ និងសម្តែងក្តីដឹងគុណដល់លោកប្រធានហូជីមិញ និងបណ្តាវីរយុទ្ធជនពលីដែលបានពលីជីវិតបរិច្ចាគអស់មួយជីវិត ដើម្បីបុព្វហេតុបដិវត្តន៍៕
     * ប្រទានជូនផ្ទះឧបការគុណ ១០ ខ្នង ដល់គ្រួសារស្ថិតក្នុងក្របខ័ណ្ឌគោល​នយោបាយនៅស្រុកចូវថាញ់

កាលពីរសៀលថ្ងៃទី ២៦ កក្កដា ស្ថិតនៅ​នឹងឃុំដាឡុក ស្រុកចូវថាញ់ សមមិត្តឡឹម​មិញដាំង អនុលេខាបក្សខេត្តបានប្រគល់ជូន​ទឹកប្រាក់ ០៥​​ពាន់លានដុងសម្រាប់កសាង​ផ្ទះឧបការគុណ ១០០ ខ្នង (ក្នុងមួយខ្នងៗមាន តម្លៃ ៥០ លានដុង) ជូនដល់គ្រួសារស្ថិតក្នុងក្របខ័ណ្ឌគោលនយោបាយនៅស្រុកចូវថាញ់។

សមមិត្ត ឡឹម​មិញដាំង ប្រគល់ជូន​ទឹកប្រាក់កសាង​ផ្ទះឧបការគុណដល់គ្រួសារគោលនយោបាយ ។ រូបថត៖ ផាងត្វឹង
     ថ្លែងយោបល់ក្នុងពិធីប្រគល់ជូនផ្ទះ សមមិត្ត ឡឹមមិញដាំងបានឱ្យដឹងថា៖ ដើម្បីអនុវត្តល្អកម្មវិធីគោលដៅជាតិកសាងជនបទថ្មី ពិសេស គឺការឧបត្ថម្ភឱ្យស្រុកចូវថាញ់ សម្រេចបានលក្ខឋានកសាងជនបទថ្មីនៅចុងឆ្នាំ ២០២១ នេះ។ ជាមួយនឹងប្រភពថវិកាតបស្នងសងគុណ និងចលនាបណ្តាអង្គការចាត់តាំង បុគ្គល សប្បុរសធម៌ គណៈអចិន្ត្រៃយ៍នៃគណៈកម្មាធិការបក្ស ខេត្តឧបត្ថម្ភ ០៥ ពាន់លានដុងសម្រាប់កសាងផ្ទះឧបការគុណ ១០០ ខ្នង ជូនដល់គ្រួសារស្ថិតក្នុងក្របខ័ណ្ឌគោលនយោបាយនៅលើភូមិសាស្ត្រស្រុកចូវថាញ់។ ក្រោយពិធីនេះ ថ្នាក់ដឹកនាំមូលដ្ឋាន បណ្តាអង្គការនយោបាយ -សង្គម គប្បីចាត់តាំងប្រគល់ជូនទឹកប្រាក់នេះ ដល់បណ្តាគ្រួសារគោលនយោបាយដែលបានឧបត្ថម្ភកសាងផ្ទះឧបការគុណឆាប់បានសម្រេច ដើម្បីបណ្តាគ្រួសារឆ្លងកាតការទុក្ខលំបាកឈានឡើងក្នុងជីវភាព។ នាអនុស្សាវរីយ៍ឆ្នាំទី ៧៤ ទិវាយុទ្ធជនពិការ-យុទ្ធជនពលី តំណាង ឱ្យគណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តត្រាវិញសូមប្រសិទ្ធពរដល់បណ្តាគ្រួសារគោលនយោ បាយនៅលើភូមិសាស្ត្រស្រុកចូវថាញ់​ ប្រកប​ដោយ សុខភាពបរិបូរណ៍ សុភមង្គល រួមកម្លាំង ទៅក្នុងការកសាងមាតុភូមិពីមួយថ្ងៃទៅមួយថ្ងៃកាន់តែសម្បូរណ៍ប្រពៃ៕
     *ជាមួយនឹងគុណធម៌ “ផឹកទឹកនឹងប្រភព ហូបផ្លែនឹងដល់អ្នកដាំ” នាអនុស្សាវរីយ៍ឆ្នាំទី ៧៤ ទិវាយុទ្ធជនពិការ-យុទ្ធជនពលី។

ថ្នាក់ដឹកនាំខេត្ត ស្រុកសួរសុខទុក្ខគ្រួសារគោលនយោបាយ ។ រូបថត៖ ថាញ់ក្វាង

​​     កាលពីថ្ងៃទី ២៤ កក្កដា សមមិត្តយឿងធីង៉ុកធើ សមាជិកាអចិន្ត្រៃយ៍នៃគណៈកម្មាធិការបក្សខេត្ត ប្រធានក្រុមប្រឹក្សាប្រជាជន សមមិត្ត ង្វៀងវុាំងភឿង សមាជិកគណៈប្រតិបត្តិការបក្សខេត្ត លេខាបក្សស្រុកទីវកឹង សមមិត្ត ស៊ើងសាផល អនុប្រធាន​ គណៈកម្មាធិការប្រជាជនស្រុកទីវកឹង បានអញ្ជើញទៅសួរសុខទុក្ខ និងជូនអំណោយដល់មុខសញ្ញាស្ថិតក្នុងក្របខ័ណ្ឌគោលនយោបាយឆ្នើមចំនួន ៩២ គ្រួសាររបស់ ១១/១១ ឃុំ ទីប្រជុំជន ក្នុងស្រុក ទីវកឹង។ ក្នុងមុខសញ្ញា និងគ្រួសារគោលនយោបាយបានទទួលអំណោយមួយចំណែកគិតជាតម្លៃពី ៥០០.០០០-១.០០០.០០០ ដុង។ ស្ថិនៅបណ្តាកន្លែងអញ្ជើញទៅដល់តំណាងថ្នាក់ដឹកនាំខេត្ត ស្រុកបានសួរសុខទុក្ខ អំពីសុខភាព ជីវភាព ស្មារតី សម្ភារដល់មុខសញ្ញា ទន្ទឹមនឹងនោះមានក្តីសង្ឃឹមថាគ្រួសារ​ គប្បីបន្តរក្សា និងពង្រីកប្រវេណីបដិវត្តន៍របស់ខ្លួន និងគ្រួសារមាតុភូមិ ជានិច្ចកាលក្រើនរំលឹកអប់រំដាស់តឿន ជម្រុញទឹកចិត្តកូនចៅចេញកម្លាំងរៀនសូត្រ ពលកម្ម និងសកម្មចូល​រួមបណ្តាចលនាបដិវត្តន៍នៅមូលដ្ឋាន៕