អចិន្រ្តៃយ៍នៃគណៈកម្មាធិការបក្សខេត្តអញ្ជើញទៅសួរសុខទុក្ខនិងជូន អំណោយដល់គ្រួសារគោលនយោបាយនៅស្រុកថ្កូវ និងស្រុកកាងឡុង

សមមិត្ត គឹមង៉ុកថាយ សួរសុខទុក្ខ ជូនអំណោយគ្រួសារលោកយាយកាវធីកុក។ រូបថត៖ ហុងញុង

សមមិត្តគឹមង៉ុកថាយបានអញ្ជើញទៅសួរសុខទុក្ខគ្រួសារលោកហ្វិញវុាំងចៀន (យុទ្ធជនពិការប្រភេទ ១/៤) នៅភូមិផ្នោរសង្កែ ឃុំដាយអាង អ្នកស្រីកាវធីកុក (យុទ្ធជនពិការប្រភេទ ១/៤) លោកហ្វិញវុាំងតាវ (យុទ្ធជនពិការប្រ ភេទ ៤/៤) នៅអនុសង្កាត់ លេ ខ ១ ទីប្រជុំជនថ្កូវ លោកឡេទ្រុងថាញ់ (ជនរងគ្រោះជាតិពុលឌីអូស៊ីន) នៅភូមិថ្កូវ (បេ) លោកង្វៀងថាញ់ដាំង (ជនរងគ្រោះជាតិពុលឌីអូស៊ីន) នៅភូមិថាញ់ស្វៀង ឃុំគីមស៊ើង។
នៅបណ្ដាកន្លែងដែលបានអញ្ជើញទៅដល់ សមមិត្តអនុលេខាអចិន្រ្តៃយ៍បក្សខេត្តគឹមង៉ុកថាយ បានធ្វើការសួរសុខទុក្ខយ៉ាងស្និទ្ធស្នាល ដល់សុខភាព ស្ថានភាពផលិត សេដ្ឋកិច្ចគ្រួសារ និងជំរុញទឹកចិត្តដល់គ្រួសារទាំងនោះឲ្យរក្សាខ្ជាប់និងពង្រីកប្រវេណីបដិវត្តន៍។ សមមិត្តបានសម្ដែងនូវការគោរពនិងដឹងគុណយ៉ាងជ្រាលជ្រៅចំពោះបណ្ដាគ្រួសារគោលនយោបាយ និងប្រសិទ្ធពរដល់គ្រួសារទាំងនោះប្រកបដោយ សុខភាពមាំមួន រស់នៅរីករាយធ្វើជាគំរូសម្រាប់ កូនចៅយកតម្រាប់តាម។
បណ្ដាគ្រួសារគោលនយោបាយបានសម្ដែងនូវភាពសោមនស្សរីករាយចំពោះការយកចិត្តទុកដាក់របស់គណៈកម្មាធិការបក្ស រដ្ឋអំណាចគ្រប់លំដាប់ថ្នាក់ចំពោះអ្នកមានសគុណ។ សន្យា ខិតខំធ្វើជាគំរូ សកម្មចូលរួមបណ្ដាចលនានៅមូលដ្ឋាន អប់រំកូន ចៅឲ្យគោរពគោលការណ៍  គោលមាគ៌ា គោលនយោបាយ ក្រឹត្យច្បាប់ របស់បក្ស រដ្ឋ គិតគូពង្រីកសេដ្ឋកិច្ចគ្រួសារ រួមចំណែកជាមួយរដ្ឋអំណាចមូលដ្ឋាន កសាង ភូមិស្រុក កាន់តែមានអារ្យធម៌ សម្បូររុងរឿង៕

សមមិត្ត ឡឹមមិញដាំង សួរសុខទុក្ខ ជូនអំណោយម្ដាយយឿងធីក្វាង។ រូបថត៖ គីមឡង

*នៅថ្ងៃដដែលនោះដែរ សមមិត្តឡឹមមិញដាំង អនុលេខាបក្សខេត្ត រួមជាមួយថ្នាក់ដឹកនាំការិយាល័យនៃគណៈកម្មាធិការបក្សខេត្ត ថ្នាក់ដឹកនាំគណៈកម្មាធិការបក្សស្រុកកាងឡុង គណៈកម្មាធិការបក្ស គណៈកម្មាធិការប្រជាជន អង្គការចាត់តាំងមហាជនឃុំអាងត្រឿង តឹងបិញអញ្ជើញទៅសួរសុខទុក្ខនិងជូនអំណោយ ដល់អ្នកម្ដាយវៀតណាមវីរភាពនៅឃុំអាងត្រឿង និងឃុំតឹងបិញ ស្រុកកាងឡុង។
ក្រុមប្រតិភូបានអញ្ជើញទៅសួរសុខទុក្ខ និងជូនអំណោយដល់អ្នកម្ដាយវៀតណាមវីរភាពហូធីបៃ អាយុ ៩៤ ឆ្នាំ នៅភូមិ ៤ (អា) ឃុំអាងត្រឿង អ្នកម្ដាយវៀតណាមវីរភាពង្វៀងធីស៊ិញ អាយុ ៩៧ ឆ្នាំនិងអ្នកម្ដាយវៀតណាមវីរភាព យឿងធីក្វាង អាយុ ៨៨ ឆ្នាំ នៅភូមិត្រាអូប ឃុំតឹងបិញ។
នៅបណ្ដាកន្លែងដែលអញ្ជើញទៅដល់  សមមិត្តឡឹមមិញដាំង​ បានសួរសុខទុក្ខអំពីសុខភាព ជីវភាពសម្ភារនិងស្មារតីរបស់អ្នកម្ដាយទាំងនោះ ព្រមទាំងអះអាងថាពលីកម្មដ៏ធំធេង របស់បណ្ដាអ្នកម្ដាយ របស់បណ្ដាវីរយុទ្ធជន ពលីជានិច្ចកាលជាគំរូភ្លឺស្វាងសម្រាប់ជំនាន់ក្រោយ។
នាឱកាសអនុស្សាវរីយ៍ឆ្នាំទី ៧៦ ទិវាយុទ្ធជនពលី-ពិការ (២៧/៧/១៩៤៧-២៧/៧/ ២០២៣) សមមិត្តអនុលេខាបក្សខេត្តឡឹមមិញដាំងបាន ជូនអ្នកម្ដាយវៀតណាមវីរភាពម្នាក់ៗអំណោយ មួយចំណែកហើយសង្ឃឹមថា អ្នកម្ដាយទាំងនោះ មានសុខភាពមាំមួនរស់នៅប្រកបដោយភាព រីករាយជាមួយកូនចៅរៀងរហូត៕       ប្រែសម្រួល៖ ថាច់ហ្វាង