ស្រុកថ្កូវ៖ បេក្ខសមណសិស្ស-សិស្សថ្នាក់ពុទ្ធិកមធ្យមសិក្សាបឋមភូមិឆ្នាំទី ២ និងទី ៣ ប្រឡងជាប់ ១០០%

​​​​​​​​​​​​​​​​​                               រាត្រីប្រកាសលទ្ធផលបញ្ចប់ថ្នាក់ពុទ្ធិកមធ្យមសិក្សាបឋមភូមិឆ្នាំសិក្សា ២០២០-២០២១។

     កាលពីរាត្រីនៃថ្ងៃទី ០៣ មករា នៅវត្តពោ ធិព្រឹក្សគិរីវង្ស (ស្វាយសៀមចាស់) ឃុំង៉ាយស្វៀង ចាត់តាំងពិធីប្រកាសលទ្ធផលសម័យប្រឡងបញ្ចប់ថ្នាក់ពុទ្ធិកមធ្យមសិក្សាបឋមភូមិ ឆ្នាំទី ២ និងទី ៣ ទូទាំងស្រុកថ្កូវ ឆ្នាំសិក្សា ២០២០-២០២១។
     ចូលរួមសម័យប្រឡងនៅមណ្ឌលវត្តពោធិព្រឹក្សគិរីវង្ស (ស្វាយសៀមចាស់) មានបេក្ខ សមណសិស្ស-សិស្សចំនួន ៣១២ អង្គនិងរូប។ ក្នុងនោះ មានបេក្ខសមណសិស្ស-សិស្ស ១៥២ អង្គនិងរូបមកពី ១៣ វត្តចុះឈ្មោះប្រឡងថ្នាក់ពុទ្ធិកមធ្យមសិក្សាបឋមភូមិឆ្នាំទី ២ ជាមួយ ១៣ វិញ្ញាសា៖ ធម្មវិភាគ អង់គ្លេស សរសេរ តាមអាន សាសនាគឺអ្វី ប្រែធម្មបទ ភាសាខ្មែរ ព្រះវិន័យ តែងសេចក្ដី ព្រះគាថា គណិតវិទ្យា វេយ្យាករណ៍ខ្មែរ វេយ្យាករណ៍បាលីនិងអនុពុទ្ធប្រវត្តិ។ បេក្ខសមណៈសិស្ស-សិស្ស ១៦០ អង្គនិងរូបមកពី ១២ វត្តចុះឈ្មោះប្រឡង ថ្នាក់ពុទ្ធិកមធ្យមសិក្សាបឋមភូមិឆ្នាំទី ៣ ជាមួយ ១៣ វិញ្ញាសា៖ ភាសាខ្មែរប្រែធម្មបទ ប្រស្នាពុទ្ធសាសនា សរសេរតាមអាន ព្រះវិន័យ គណិតវិទ្យា ព្រះគាថា តែងសេចក្ដី អង់គ្លេស វេយ្យាករណ៍បាលី ព្រះអភិធម្ម ពុទ្ធានុពុទ្ធប្បវត្តិនិងវេយ្យាករណ៍ខ្មែរ។

                                                  ពិធីប្រគេនរង្វាន់ដល់បេក្ខសមណសិស្សទទួលបានលទ្ធផលខ្ពស់។
     លទ្ធផល បេក្ខសមណសិស្ស-សិស្សទាំង ០២ ថ្នាក់ប្រឡងជាប់ ១០០%។ ចំពោះថ្នាក់ពុទ្ធិកមធ្យមសិក្សាបឋមភូមិឆ្នាំទី ២ បេក្ខ សមណៈត្រឹងភីណា គង់នៅវត្តព្រែកជ្រៅខេត្ត បាកលីវ សិក្សាវត្តពោធិព្រឹក្សថ្កូវជាប់លេខ ១ ដោយទទួលបានពិន្ទុរួម ១២១,៧៥ ពិន្ទុ។ ថ្នាក់​ពុទ្ធិកមធ្យមសិក្សាបឋមភូមិឆ្នាំទី ៣ បេក្ខសមណៈ គឹមថាញ់ហ៊ុង គង់នៅវត្តស្លែងមានជ័យ (ស្លែង ចាស់) ឃុំភឿកហុឹង សិក្សាវត្តកេតុសំរោងទង កល្បព្រឹក្ស (កោះស្លា)  ឃុំថាញ់សើុងជាប់លេខ ១ ដោយទទួលបានពិន្ទុរួម ១១៥,៧៥ ពិន្ទុ៕
         ដំណឹង-រូបថត៖ ថាច់ហ្វាង