27/10/2020 20:20
អំណរអនុស្សាវរីយ៍ឆ្នាំទី ៩០ ទិវាបង្កើតសមាគមសហព័ន្ធនារីវៀតណាម (ថ្ងៃទី២០ តុលាឆ្នាំ ១៩៣០-ថ្ងៃទី ២០ តុលាឆ្នាំ ២០២០)។ កាលពីរសៀលថ្ងៃទី ១៩ ខែតុលា ស្ថិតនៅសាលប្រជុំរបស់គណៈកម្មាធិការបក្សខេត្តត្រាវិញ សមាគមសហព័ន្ធនារីខេត្តត្រាវិញចាត់តាំងពិធីជួបជុំរំលឹកឡើងវិញប្រវេណីកសាង អភិវឌ្ឍន៍ និងរីកចម្រើនរបស់សមាគមនារីវៀតណាមដោយឆ្លងតាមដំណាក់កាល និងបូកសរុបចលនាប្រឡងប្រណាំងពិសេស «សកម្មភាពជាក់ស្តែងចំនួន ៩០ យ៉ាងដើម្បីភាពសុវត្ថិភាពសម្រាប់នារីនិងកុមារ»។ អញ្ជើញចូលរួមមានអ្នកស្រី យឿងធីង៉ុកធើ សមាជិកាអចិន្ត្រៃយ៍នៃគណៈកម្មាធិការបក្សខេត្ត អនុប្រធានក្រុមប្រឹក្សាប្រជាជនខេត្ត ថ្នាក់ដឹកនាំមន្ទីរ ស្ថាប័នខេត្ត និងកម្មាភិបាល សមាជិកនារីឆ្នើមជាង ២៥០ រូបក្នុងទូទាំងខេត្ត។
ជូនលិខិតស្ងើចសរសើរដល់សមាជិកានារីឆ្នើម។
នៅអង្គសន្និបាត អ្នកស្រីត្រឹងធីប៊ិចភឿង សមាជិកាបក្សខេត្ត ប្រធានសមាគមសហព័ន្ធនារីខេត្តរំលឹកឡើងវិញប្រវេណីឆ្នាំទី ៩០ កសាង អភិវឌ្ឍន៍និងរីកចម្រើនរបស់សមាគមនារីវៀតណាមឆ្លងតាមបណ្តាដំណាក់កាលអភិវឌ្ឍន៍របស់ប្រវិត្តិសាស្រ្ត។ បន្តទទួលបន្តនិងពង្រីកប្រវេណីល្អប្រសើររបស់អង្គការសមាគម និងអនុវត្តម៉ឹងម៉ាត់ផែនការលេខ ៧៤០ របស់មជ្ឈិមសមាគមសហព័ន្ធនារីវៀតណាមពីកិច្ចចលនាប្រឡងប្រណាំង «សកម្មភាពជាក់ស្តែង ៩០ យ៉ាង ដើម្បីភាពសុវត្ថិភាពសម្រាប់នារីនិងកុមារ» ទូទាំងខេត្តមានស្រុក ទីផ្សាររួមខេត្ត ទីក្រុងទាំង ១០០% និងមូលដ្ឋានសមាគមបានដំណើរការបំផុសចលនាព្រមៗគ្នាផ្សព្វផ្សាយដល់កម្មាភិបាល សមាជិកាគ្រប់រូប។ លទ្ធផលសមាគមនារីគ្រប់លំដាប់ថ្នាក់ក្នុងខេត្តបានចុះឈ្មោះអនុវត្តមានជិត ១០.៥០០ សកម្មភាព (ក្នុងនោះមានសកម្មភាពថ្នាក់ខេត្តជិត ១៥០ សកម្មភាព ថ្នាក់ស្រុកជិត ៨១០ និងសកម្មភាពថ្នាក់មូលដ្ឋានជិត ៩.៥៤០)។ បណ្តាសកម្មភាពជាក់ស្តែងដែលបានសមាគមអនុវត្ត ហើយនាំមកប្រសិទ្ធភាពវិជ្ជមាននោះគឺ កសាងខ្សែផ្លូវដាំផ្កា ខ្សែផ្លូវភ្លឺ បៃតង ជ្រះ ស្អាត ជូនផ្ទះមេត្តាធម៌ដល់សមាជិកាជួបការលំបាក «រួមដៃបង្ការទប់ស្កាត់អាសន្នរោគកូវីដ-១៩» ដោយរូបភាពបំផុសចលនាដេររបាំងមុខដោយ ក្រណាត់ ជូនរបាំងមុខដល់បណ្តាមូលដ្ឋានជំនឿសាសនា ទឹករម្ងាប់មេរោគ បរិច្ចាគឈាមស្ម័គ្រចិត្ត។
ចូលរួមជ្រោមជ្រែងលើកប្រឡងប្រណាំងពិសេស «សកម្មភាពជាក់ស្តែង ៩០ យ៉ាងដើម្បីភាពសុវត្ថិភាពសម្រាប់នារីនិងកុមារ» កម្មាភិបាល សមាជិកានារីបានអនុវត្តនូវសកម្មភាពជាក់ស្តែងមួយ ឬច្រើនដោយភ្ជាប់ជាមួយកិច្ចចលនា «លត់ដំគុណធម៌ សីលធម៌នារីជឿទុកចិត្តលើខ្លួនឯង គោរពខ្លួនឯង ស្មោះត្រង់ ឧស្សាហ៍» ជំរុញមាំការរៀនសូត្រ និងធ្វើតាមអ៊ំដូចជាៈ មិនប្រើប្រាស់រាល់សារធាតុហាមឃាត់ក្នុងផលិតកម្ម ចិញ្ចឹមសត្វធាតុ ប្រើប្រាស់ថ្នាំការពាររុក្ខជាតិសុវត្ថិភាព មិនប្រើប្រាស់អាហារកខ្វក់ អនុវត្តការរក្សាអនាម័យបរិស្ថាន បរិច្ចាគដីធ្វើផ្លូវ ចូលរួមកសាងជនបទថ្មី និងអារ្យធម៌ទីក្រុង។
នៅក្នុងឱកាសនេះដែរ សមាគមនារីខេត្តត្រាវិញបានស្ងើចសរសើរជូនលិខិតសរសើរដល់សមូហភាព ១៦ កន្លែង និងបុគ្គល ១៨ រូបដែលមានស្នាដៃឆ្នើមក្នុងការអនុវត្តន៍ចលនាប្រឡងប្រណាំង «សកម្មភាពជាក់ស្តែង ៩០ យ៉ាងដើម្បីភាពសុវត្ថិភាពសម្រាប់នារីនិងកុមារ»៕
ង៉ុកស្វង-រតនា
.gif)
