សមាគមនិស្សិតសាលាមហាវិទ្យាល័យត្រាវិញ៖ មហាសន្និបាតតំណាងលើកទី ៧ អាណត្តិកាល ២០២០-២០២៣

           សប្តាហ៍កន្លងហើយ សមាគមនិស្សិតវៀតណាមសាលាមហាវិទ្យាល័យត្រាវិញ​ចាត់តាំងមហាសន្និបាតតំណាងលើកទី ៧ អាណត្តិកាល ២០២០‑២០២៣ ។ អញ្ជើញចូល​រួមមានលោកង្វៀងញ៉ឹកឡិញ សមាជិកគណៈប្រតិបត្តិការ អនុប្រធានគណៈយុវជនសាលានៃសម្ព័ន្ធយុវជនមជ្ឈិម សមាជិកគណៈលេខាមជ្ឈិមសមាគមនិស្សិត​វៀតណាម ប្រធានមជ្ឈមណ្ឌលឧបត្ថម្ភ និងអភិវឌ្ឍន៍និស្សិតវៀតណាម តំណាងថ្នាក់ដឹកនាំ​សមាគមនិស្សិតបណ្តាសាលាឧត្តមសិក្សា មហាវិទ្យាល័យក្នុងនិងក្រៅខេត្ត តំណាង​បណ្តាមន្ទីរស្ថាប័នខេត្ត ស្រុក គណៈចាងហ្វាងសាលានិងសមាជិកសមាគមនិស្សិត ១៥០ នាក់ តំណាងឲ្យសមាជិកសមាគមនិស្សិតសាលាមហាវិទ្យាល័យត្រាវិញជាង ១០.០០០ នាក់។ មហាសន្និបាតបានពិគ្រោះឯកភាពបោះឆ្នោតជ្រើសតាំងសមាជិក ២៣ នាក់ចូលគណៈប្រតិបត្តិការនីតិកាលថ្មី លោកង្វៀងវ៉ាំងថើជាប់ឆ្នោតសាឡើងវិញជាប្រធានសមាគមនិស្សិតសាលាមហាវិទ្យាល័យត្រាវិញនីតិកាលទី ០៧ អាណត្តិកាល ២០២០‑២០២៣។

ចេញបង្ហាញមុខគណៈប្រតិបត្តិការថ្មី។ រូបថត៖ ហុងញុង

            ជាមួយនឹងគោលលំនាំ “និស្សិតសាលាមហាវិទ្យាល័យត្រាវិញរវៀសរវៃ‑ច្នៃប្រតិដ្ឋ‑សមាហរណកម្ម‑អភិវឌ្ឍន៍និងស្និទ្ធស្នាល “អាណត្តិកាល ២០២០‑២០២៣ សមាគមនិស្សិតសាលាមហាវិទ្យាល័យត្រាវិញបានផ្តុំកម្លាំងអនុវត្តបណ្តាកម្រិតផែនការជាច្រើនដូចជា៖ កម្មាភិបាល សមាជិកសមាគមសាលា ១០០% បានរៀនសូត្របណ្តាសេចក្តី​សម្រេចចិត្តរបស់បក្ស សេចក្តីសម្រេចចិត្តរបស់សម័្ពន្ធយុវជន​ និងសមាគម។ មាននិស្សិត​តិចបំផុត ០២ នាក់ សម្រេចកិត្តិនាម “ និស្សិតល្អ ០៥ យ៉ាង “ ថ្នាក់មជ្ឈិម  និស្សិត ០៤ នាក់សម្រេចកិត្តិនាម   “ និស្សិតល្អ ០៥ យ៉ាង “ ថ្នាក់ខេត្ត  និស្សិត ៤០០ នាក់សម្រេចកិត្តិនាម   “និស្សិតល្អ ០៥ យ៉ាង “ ថ្នាក់សាលា និស្សិតតិចបំផុត ០២ នាក់សម្រេចកិត្តិនាម “ផ្កាយខែកញ្ញា“ ។ ពង្រីកសមាជិកថ្មី ២.០០០ នាក់​ មាននិស្សិតតិច​បំផុត ១០ នាក់ស្រាវជ្រាវបធានបទវិទ្យាសាស្រ្តគ្រប់លំដាប់ថ្នាក់។ ខិតខំចលនាបណ្តាប្រភពកម្លាំងចូលរួមជាទឹកប្រាក់  ១០០ លានដុងដើម្បីជូនអាហារូបករណ៍ ស្ងើចសរសើរដល់​និស្សិត ។ និស្សិត ១០០% ចូលរួមកសាងនិងរក្សាបរិស្ថានស្រស់‑ជ្រះ‑ស្អាត។ ផ្សព្វផ្សាយចលនានិស្សិត ១០០% សកម្មចូលរួមជ្រោមជ្រែងចលនា “ និស្សិតសាលាមហា​វិទ្យាល័យត្រាវិញមិនប្រើប្រាស់ថង់នីឡុង “ និង “ និស្សិតមិនជក់បារី “ ​។

            ក្នុងឱកាសនេះដែរ មជ្ឈិមសមាគមនិស្សិតវៀតណាម គណៈចាងហ្វាងសាលានិងសមាគមនិស្សិតសាលាមហាវិទ្យាល័យត្រាវិញជូនប័ណ្ណសរសើរ លិខិតសរសើរដល់បណ្តាបុគ្គលដែលមានស្នាដៃឆ្នើមក្នុងការងារសមាគមនិងចលនានិស្សិតដំណាក់កាល ២០១៨‑២០២០៕

ហុងញុង‑សុជា