សមមិត្ត​ ឡេវុាំងហាំង ប្រធានគណៈកម្មាធិការប្រជាជនខេត្តអញ្ជើញទៅធ្វើការ ត្រួតពិនិត្យការបង្ការជំងឺរលាកដុំពកស្បែកលើសត្វគោ ក្របីនៅស្រុកថ្កូវ

សមមិត្តឡេវុាំង​ហាំង ប្រធានគណៈកម្មាធិការប្រជាជនខេត្ត​ ត្រួតពិនិត្យជំងឺរលាកដុំពកស្បែកលើ សត្វគោ ក្របីនៅ ស្រុកថ្កូវ។
     តាមសេចក្តីរបាយការណ៍របស់គណៈចង្អុលការបង្ការ ទ​ប់ស្កាត់រោគជំងឺលើឈើដាំ សត្វចិញ្ចឹម និងជលផលស្រុកថ្កូវបានឱ្យដឹងថា៖ រោគជំងឺរលាកដុំពកស្បែកគោ ក្របី មានកើតឡើងហ្វួងគោចិញ្ចឹមរបស់ ០៩/១៥ ឃុំ ទីប្រជុំជនក្នុងស្រុក ជាមួយនឹងចំនួនគោសរុបរួម ៦៦៥/២.៣៧៥ ក្បាល របស់គ្រួសារចិញ្ចឹម ៣៧៦ គ្រួ។ ក្នុងនោះ ស្រុកថ្កូវកម្ទេចចោលគោ ២៣ ក្បាល ជាមួយនឹងទម្ងន់សរុបរួម ៤.៤៩៨,៥ គីឡូក្រាម។ គិតមកដល់ពេលនេះ កងកម្លាំងមុខជំនាញបានចាត់តាំងចាក់ថ្នាំ បង្ការបាន ៣២.០០០ ម្ជុល ជូនគ្រួសារចិញ្ចឹម ៨.៥២១ គ្រួ សម្រេច ៨៦,៣% នៃចំនួនហ្វួងគោសរុបរួមដែលស្ថិតក្នុងក្របខ័ណ្ឌចាក់ថ្នាំ។ ដោយឡែកឃុំភៀកហ៊ឹងសម្រេចបាន ៨៨% ឃុំហាមយ៉ាងសម្រេចបាន ៦០%។ ទន្ទឹមនឹង នោះចាត់តាំងបាញ់ថ្នាំបន្សាបពុលសម្លាប់រោគ បាន ៧៦.៥០០ ម៉ែត្រាក្រ​ឡា ណែនាំគ្រួសារ ចិញ្ចឹមសត្វបាញ់ថ្នាំសម្លាប់រោគសត្វរុយ មូស អង្គែ  ល្បោម។ល។នៅនឹងតំបន់ចិញ្ចឹមគោដើម្បី សម្លាប់អន្តរកម្មឆ្លងមេរោគ។
     មានយោបល់នៅនឹងឃុំទាំងពីរភឿកហ៊ឹង និងហាមយ៉ាង សមមិត្ត ឡេវុាំងហាំង វាយតម្លខ្ពស់ចំពោះការងារបង្ការកំចាត់រោគជំងឺរលាក​​ដុំពកស្បែកគោ ក្របីរបស់ស្រុកថ្កូវ។ ពិសេស គឺអត្រាចាក់ថ្នាំបង្ការសម្រេចអត្រាខ្ពស់។ ទន្ទឹមនឹងនោះ សមមិត្តប្រធានគណៈកម្មាធិការប្រជាជនខេត្តសំណូមពរបណ្តាមូលដ្ឋាន និងគណៈ ចង្អុលការស្រុកថ្កូវគប្បីយកចិត្តទុកដាក់ដល់ការងារផ្សព្វផ្សាយដើម្បីទុកឱ្យអ្នកចិញ្ចឹមឃើញ បានប្រសិទ្ធភាពរបស់ការងារចាក់ថ្នាំគឺជាវិធាន ការបង្ការជំងឺល្អបំផុត ដើម្បីកាត់បន្ថយអន្តរាយរបស់អ្នកចិញ្ចឹម។ ស្រុកថ្កូវគឺជាស្រុកដែលមានហ្វួងគោចិញ្ចឹមច្រើនបំផុតរបស់ខេត្ត ហេតុនោះហើយ ដើម្បីបង្ការរោគជំងឺឱ្យមានប្រសិទ្ធ ភាពនោះ ស្រុកថ្កូវគប្បីយកចិត្តទុកដាក់ដល់ការពង្រីកតួនាទីរបស់បណ្តាក្រុមកូវីដសហគមន៍ទៅក្នុងការងារលើកកម្ពស់ការងារផ្សព្វផ្សាយ។ ពិសេសគឺជំរុញរហ័សសន្ទុះកំណើន ចាក់ថ្នាំបង្ការឱ្យបានត្រឹមត្រូវតាមកម្មវិធីគោចរ ផែនការរបស់ស្រុកដែលបានដាក់ចេញ ដើម្បី ឆាប់រុញច្រានរោគជំងឺ ធានាការផលិត លំនឹង ជីវភាពរបស់ប្រជាជន៕         ហុងភុក-រតនា