សមមិត្តវ៉វុាំងថឿងរក្សាតំណែងជាប្រធានរដ្ឋប្រទេសសាធារណរដ្ឋសង្គមនិយមវៀតណាម

បណ្តាសមមិត្តថ្នាក់ដឹកនាំបក្ស រដ្ឋបោះឆ្នោតតែងតាំងតំណែងប្រធានរដ្ឋ។

ស្ថិតក្នុងសម័យប្រជុំរដ្ឋសភាវិសាមញ្ញលើក​ ទី ៤ រដ្ឋសភានីតិកាលទី ១៥ លោក វ៉វុាំងថឿង បានបោះឆ្នោតតែងតាំងធ្វើជាប្រធានរដ្ឋប្រទេស​សាធារណរដ្ឋសង្គមនិយមវៀតណាម អាណត្តិកាល ២០២១-២០២៦។ 
កាលពីថ្ងៃទី ០២ ខែមីនា សម័យប្រជុំវិសាមញ្ញលើកទី ៤ របស់រដ្ឋសភានីតិកាលទី ១៥ បាន បើកសម័យប្រជុំជាមួយនឹងខ្លឹមសារពង្រឹងតំណែងប្រធានរដ្ឋប្រទេសសាធារណរដ្ឋសង្គម និយមវៀតណាម។ គណៈកម្មាធិការអចិន្ត្រៃយ៍ រដ្ឋសភាបានជម្រាបរដ្ឋសភាពិនិត្យបោះឆ្នោតតែងតាំងលោកវ៉វុាំងថឿង សមាជិកការិយាល័យនយោបាយ អចិន្ត្រៃយ៍នៃគណៈលេខាមជ្ឈិមបក្ស តំណាងរដ្ឋសភានីតិកាលទី ១៥ របស់ ក្រុមប្រតិភូតំណាងរដ្ឋសភាទីក្រុងដាណាំង- រក្សាតំណែងជាប្រធានរដ្ឋប្រទេសសាធារណ រដ្ឋសង្គមនិយមវៀតណាម អាណត្តិកាល ២០២១ -២០២៦។  ជាមួយនឹងតំណាងយល់ព្រមចំនួនច្រើន រដ្ឋសភាបានអនុម័តឆ្លងសេចក្តីសម្រេចចិត្តបោះឆ្នោតតែងតាំងលោកវ៉វុាំងថឿងរក្សាតំណែងប្រធានរដ្ឋ អាណត្តិកាល ២០២១-២០២៦។ 
ប្រធានរដ្ឋវ៉វុាំងថឿងធ្វើសច្ចាប្រណិធានក្រោមទង់ជាតិ ចំពោះមុខរដ្ឋសភា និងប្រជាជន ម្ចាស់ឆ្នោតទូទាំងប្រទេសថា៖ ខ្ញុំជាប្រធានរដ្ឋប្រទេសសាធារណរដ្ឋសង្គមនិយមវៀតណាម សូមសច្ចាប្រណិធាន៖ស្មោះត្រង់ដាច់អហំការជាមួយនឹងមាតុភូមិ ជាមួយនឹងប្រជាជន ជាមួយនឹងរដ្ឋធម្មនុញ្ញប្រទេសសាធារណរដ្ឋសង្គមនិយមវៀតណាម ខិតខំបញ្ចេញកម្លាំងអនុវត្តសម្រេចល្អភារកិច្ចដែលបានបក្ស រដ្ឋ និងប្រជាជនប្រគល់ជូន។  
តំណាងឱ្យរដ្ឋសភាប្រទេសសាធារណរដ្ឋ សង្គមនិយមវៀតណាម ប្រធានរដ្ឋសភា វឿងឌិញហ្វេ កំណត់ត្រាពាក្យសច្ចាប្រណិធានរបស់ ប្រធានរដ្ឋវ៉វុាំងថឿង ទន្ទឹមនឹងនោះ ប្រសិទ្ធពរដ៏ល្អប្រសើរបំផុត និងជូនបាច់ផ្កាដល់ប្រធានរដ្ឋវ៉វុាំងថឿង៕