លិខិតប្រសិទ្ធពរ របស់ប្រធានគណៈកម្មាធិការប្រជាជនខេត្តផ្ញើជូនដល់បណ្តាក្មួយៗ យុវវ័យ កុមារា កុមារីនាឱកាសបុណ្យត្រុងធូឆ្នាំ ២០២០

បណ្តាក្មួយៗយុវវ័យ កុមារា កុមារីជាទីស្រឡាញ់ និង​ រាប់អានជាទីបំផុត!
នាុំឱកាសបុណ្យត្រុងធូឆ្នាំ ២០២០ លោកពូសូមផ្ញើជូនដល់ក្មួយៗ យុវវ័យ កុមារា កុមារីក្នុងខេត្តទាំងមូលនូវបិយវាចាសួរសុខទុក្ខជាមួយនឹងមនោសញ្ចេតនាជាទីស្រឡាញ់បំផុត។
ក្នុងឆ្នាំសិក្សាកន្លងហើយ ថ្វីត្បិតស្ថានភាពមហាអាសន្នរោគកូវីដ -១៩ មានកើតឡើងបណ្តាលឲ្យជះឥទ្ធិពលមួយចំណុចដល់បណ្តា សកម្មភាព​សិក្សារៀនសូត្រពិតមែន ប៉ុន្តែបណ្តាក្មួយៗបានខិតខំ  បញ្ចេញកម្លាំង ដើម្បីសម្រេចបានស្នាដៃល្អក្នុងការសិក្សារៀនសូត្រ និងលត់ដំអត្តចរិត ឈ្លាសវៃ សង្វាតរៀនសូត្រ មានច្បាប់ទម្លាប់ ចេះគូរសមឧបការគុណចំពោះជីដូន ជីតា ឪពុក ម្តាយ គោរពលោក គ្រូ អ្នកគ្រូ បណ្តាក្មួយៗសមជាកូនឈ្លាសវៃ សិស្សពូកែ ក្មួយឈ្លាស វៃរបស់អ៊ំហូ។ លោកពូសូមវាយតម្លៃខ្ពស់ និងស្ងើចសរសើរចំពោះបណ្តាស្នាដៃដែលក្មួយៗសម្រេចបាន។
លោកពូសង្ឃឹមថាបណ្តាក្មួយៗគប្បីបន្តការខិតខំប្រឡងប្រណាំង ជម្នះរាល់ការលំបាក លត់ដំ បំពាក់បំប៉នតាមពាក្យទូន្មាន ០៥ ប្រការ របស់អ៊ំហូប្រៀនប្រដៅយុវវ័យ កុមារា កុមារី ធ្វើតាមគំរូមនុស្សល្អ ការងារល្អ ចូលរួមការពារបរិស្ថាន រក្សាអនាម័យសាលារៀន បន្ទប់ រៀន ស្អាតស្អំ បង្កើនការលត់ដំកីឡាហាត់ប្រាណ អនាម័យខ្លួនប្រាណ រក្សាសុខភាពឲ្យខ្លួន ពិសេសគឺ អនុវត្តម៉ឹងម៉ាត់បណ្តាវិធានការបង្ការទប់ ស្កាត់អាសន្នរោគជំងឺកូវីដ-១៩ តាមការណែនាំរបស់ផ្នែកសុខា ភិបាល របស់សាលារៀន របស់លោកគ្រូអ្នកគ្រូ សាមគ្គី ជួយឧបត្ថម្ភ ដល់មិត្តរួមថ្នាក់ ពិសេសគឺបណ្តាមិត្តដែលមានស្ដានភាពលំបាក រួម គ្នារៀនសូត្របានពូកែពិតប្រាកដ លត់ដំល្អ ដើម្បីអនាគតក្លាយជា ពលរដ្ឋមានប្រយោជន៍ឲ្យសង្គម ធ្វើឲ្យសប្បាយចិត្តឪពុកម្តាយ លោក គ្រូ អ្នកគ្រូ រួមចំណែកកសាងមាតុភូមិត្រាវិញពីមួយថ្ងៃទៅមួយថ្ងៃ កាន់តែសម្បូណ៍ រុងរឿង។
លោកពូសូមប្រសិទ្ធពរបណ្តាក្មួយៗយុវវ័យ កុមារា​ កុមារី ក្នុងខេត្តទាំងមូលទទួលអំណរបុណ្យត្រុងធូឆ្នាំ ២០២០ ប្រកបដោយភាព សប្បាយរីករាយ សុខដុម សុវត្ថិភាព មានប្រយោជន៍ និងរៀន សូត្របានល្អពិតប្រាកដ សម្រេចបានស្នាដៃក្នុងឆ្នាំសិក្សាថ្មីច្រើនជាង ទៀត៕
        សូមជូនពរដោយសេចក្តីស្រឡាញ់រាប់អានដ៏​ស្និទ្ធស្នាល
ដុងវុាំងឡឹម ប្រធានគណៈកម្មាធិការប្រជាជនខេត្តត្រាវិញ