រាត្រីទទួលអំណរឆ្នាំថ្មី-និទាឃរដូវអឹកតីឆ្នាំ ២០២៥

សមមិត្ត ឡេវ៉ាំងហាំង ប្រធានគណៈកម្មាធិការប្រជាជនខេត្ត ប្រសិទ្ធពរបុណ្យចូលឆ្នាំថ្មី-និទាឃរដូវអឹកតីឆ្នាំ ២០២៥។ រូបថត៖ បាធី

 កាលពីរាត្រីថ្ងៃទី ២៨ ខែមករា (ត្រូវនឹងថ្ងៃ ១៥ រោច ខែបុស្ស បុណ្យតេតអឹកតី) ស្ថិតនៅនឹងមជ្ឈមណ្ឌលសន្និបាតខេត្ត គណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិ វៀតណាមខេត្តត្រាវិញចាត់តាំងពិធីទទួលអំណរចូលឆ្នាំថ្មី-និទាឃរដូវអឹក​តីឆ្នាំ ២០២៥។

បណ្តាតំណាងចូលរួមពិធីទទួលអំណរចូលឆ្នាំថ្មី-និទាឃរដូវអឹក​តីឆ្នាំ ២០២៥។
ស្ថិតនៅក្នុងវិធីទទួលឆ្នាំថ្មី បណ្តាតំណាង និងប្រជាជនយ៉ាងកុះករបានរីករាយទស្សនាកម្មវិធីសិល្បៈជាមួយនឹងបធានបទ “ត្រាវិញភ្លឺស្វាងនឹងបណ្តានិទាឃរដូវ”។

របាំជូនពរ។​​  រូបថត៖ បាធី
ជាពិសេសក្នុងកម្មវិធីនេះ ប្រធានគណៈកម្មាធិការប្រជាជនខេត្ត ឡេវ៉ាំងហាំង បានអានលិខិតជូនពរឆ្នាំថ្មីរបស់គណៈកម្មាធិការបក្សខេត្ត ក្រុមប្រឹក្សាប្រជា​​ជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមខេត្តត្រាវិញ។ 

ទម្រង់ប្រទីបជ្វាលាព្រះវិហារ។ រូបថត៖ រតនា

ប្រទីបជ្វាលាតាមកំណាត់ផ្លូវង្វៀងថាយហុក។ រូបថត៖ រតនា
ទទួលអំណរនិទាឃរដូវ អឹកតីឆ្នាំ ២០២៥ ជាមួយនឹងក្តីជំនឿថ្មី ថាមពលថ្មី ប្រធានគណៈកម្មាធិការប្រជាជនខេត្តអំពាវនាវទូទាំងប្រជាជន ទូទាំងកងទ័ពខេត្តយើង បណ្តាអ្នកមានស្រុកកំណើតត្រាវិញដែលកំពុងរស់នៅធ្វើការ និងរៀនសូត្រក្រៅខេត្ត និងក្រៅប្រទេស បន្តអនុវត្តតាមគោលលំនាំ  "សាមគ្គី ក្រឹត្យវិន័យ សកម្មភាព ច្នៃប្រតិដ្ឋ ទម្លុះទម្លាយ អភិវឌ្ឍ” រួមកម្លាំងកាយកម្លាំងចិត្តឆ្លងកាត់ការទុក្ខលំបាកសាកល្បងបញ្ចេញកម្លាំងខិតខំប្រឡងប្រ ណាំងពលកម្ម ផលិត ធ្វើអាជីវកម្ម រួមគ្នាអនុវត្តសេចក្តីបំណងប្រាថ្នា ដើម្បីលើស្ទួយខេត្តត្រាវិញអភិវឌ្ឍន៍យ៉ាងឆាប់រហ័ស និងចីរភាពរួមជា មួយនឹងទូ ទាំង ប្រទេសឈានចូលយុគសម័យថ្មី "យុគសម័យក្រោកឡើងរបស់ប្រជាជាតិ"។

ជ្វាលាផ្លែឈើទាលចម្រុះ។ រូបថត៖​ រតនា
ប្រធានគណៈកម្មាធិការប្រជាជនខេត្ត ឡេវ៉ាំងហាំង ជូនពរដល់ជនរួមជាតិទាំងមូល និងសមមិត្ត ជួបប្រទះនូវសិរីសួស្តី វិបុលសុខសុខភាពមាំមួន ជោគជ័យប្រសើរ និងសុភមង្គល។

បាញ់កាំជ្រួចទទួលអំណរឆ្នាំថ្មី។ រូបថត៖ បាធី
រាត្រីទទួលអំណរចូលឆ្នាំថ្មី បានបញ្ចប់ដោយការបាញ់កាំជ្រួចសិល្បៈអូសអន្លាយរយៈពេល ១៥ នាទី ដើម្បីបង្ហាញភាពរំភើបរីករាយ និងសុភមង្គលរបស់តំណាង និងមហាជនយ៉ាងច្រើនកុះករដែលបានចូលរួមក្នុងពិធីនេះ៕       ប្រែសម្រួល៖ សុខា

អង្គាសិលរីកក្នុងនិទាឃរដូវ។ រូបថត៖ រតនា