រដ្ឋមន្រ្តីក្រសួងអប់រំ និងបណ្តុះបណ្តាលអញ្ជើញមកធ្វើការជាមួយខេត្តត្រាវិញ

                       លោក សាស្រ្តាចារ្យ បណ្ឌិតភុងស្វឹងញ៉ា សមាជិកគណៈប្រតិបត្តិការមជ្ឈិមបក្ស រដ្ឋមន្ត្រីក្រសួងអប់រំ​និងបណ្ដុះ

                បណ្ដាលអញ្ជើញមកសួរសុខទុក្ខនិងប្រគេនអំណោយព្រះឧបជ្ឈាយ៍ថាច់សុខសាន្ត​។ រូបថត៖ ទ្រឿងង្វៀង

     កាលពីថ្ងៃទី ១១ មករា ក្រុមប្រតិភូការងារក្រសួងអប់រំ និងបណ្តុះបណ្តាលនាំមុខលោក សាស្រ្តាចារ្យ បណ្ឌិត ភុងស្វឹងញ៉ា សមាជិកគណៈប្រតិបត្តិការមជ្ឈិមបក្សរដ្ឋមន្ត្រីក្រសួង អប់រំនិងបណ្ដុះបណ្ដាលបានអញ្ជើញមកធ្វើការជាមួយខេត្តត្រាវិញ ស្តីពីបញ្ហាផ្សព្វផ្សាយ អនុវត្តកម្មវិធីអប់រំសកលឆ្នាំ ២០១៨ (កម្មវិធីអប់រំសកលថ្មី)។ ទទួលបដិសណ្ឋារៈនិងធ្វើការជាមួយក្រុមប្រតិភូមានលោកង៉ូជីកឿង លេខាបក្សខេត្ត លោកឡេវុាំងហាំង អនុលេខាបក្ស​ខេត្ត ប្រធានគណៈកម្មាធិការប្រជាជនខេត្ត ថ្នាក់ដឹកនាំបណ្តាមន្ទីរ ផ្នែកខេត្ត។
     ក្នុងពេលធ្វើការ លោកស្រីង្វៀងធីបាច់វុឹង សមាជិកាគណៈប្រតិបត្តិការបក្សខេត្ត នាយិកាមន្ទីរអប់រំនិងបណ្ដុះបណ្តាល បានរបាយការណ៍ជូនគណៈប្រតិភូអំពីកម្មវិធីអប់រំថ្មី៖ ខេត្តបានត្រៀមបម្រុងគ្រប់លក្ខណៈធានាការចាត់តាំងបង្រៀនកម្ម វិធីអប់រំថ្មី។ ឆ្នាំសិក្សា ២០២០​-២០២១ ទូទាំងខេត្តបានបង្រៀននិងរៀនតាម​សៀភៅពុម្ពសម្រាប់ថ្នាក់ទី ១ តាមកម្មវិធីអប់​រំថ្មី មុនពេលបើកបវេសនកាលការជ្រើសរើស​​សៀវភៅពុម្ពថ្នាក់ទី ១ បានអនុវត្តត្រូវតាមការ​កំណត់របស់ក្រសួងអប់រំ និងបណ្តុះបណ្តាល។ បណ្តាសាលាបឋមសិក្សាអនុវត្តត្រូវតាមការកំណត់ ក្នុងការជ្រើសរើសសៀវភៅពុម្ពសម្រាប់​​ថ្នាក់ទី ១។
     បច្ចុប្បន្នខេត្តត្រាវិញបានត្រៀមបម្រុង​បណ្តាលក្ខណៈធានាការចាត់តាំងបង្រៀនថ្នាក់​ទី ២ ឆ្នាំសិក្សា ២០២០-២០២១។ តាមការគ្រោងទុករបស់មន្ទីរអប់រំនិងបណ្ដុះបណ្តាលទូទាំងខេត្ត មានសាលារៀន ១៦៣ កន្លែង ដោយមាន ៦៩៨ ថ្នាក់។ បណ្តអង្គភាពសុទ្ធសឹងមានផែនការជ្រើសរើសគ្រូបង្រៀនមានកម្រិតវិជ្ជាសម្រេចតាមសម្បទា ដើម្បីចូលរួមហ្វឹកហាត់បំពាក់បំប៉ន់កម្មវិធីអប់រំថ្មី សិស្ស ១០០% បានចាត់តាំងបង្រៀននិងរៀនជាង ៣០ ម៉ោង ក្នុងមួយសប្តាហ៍។
     ក្រោយពេលបានស្តាប់ខេត្តរបាយការណ៍រួច បណ្តាសមាជិកក្នុងក្រុមប្រតិភូបានគបវាល់យោបល់។ រដ្ឋមន្ត្រីក្រសួងអប់រំ និងបណ្ដុះបណ្ដាលបានវាយតម្លៃខ្ពស់ការខិតខំ យកចិត្តទុកដាក់របស់ខេត្តត្រាវិញចំពោះបុព្វហេតុអប់រំនិយាយរួម និងក្នុងដំណាក់កាលផ្សព្វផ្សាយកម្មវិធីអប់រំថ្មីនិយាយដោយឡែក។ មកដល់បច្ចុប្បន្ន ការផ្សព្វផ្សាយកម្មវិធីអប់រំថ្មីបានឈានចូលដល់វគ្គសិក្សាទី ២ លោករដ្ឋមន្ត្រីភុងស្វឹងញ៉ា បានស្នើឲ្យខេត្តត្រាវិញចង្អុលការបណ្តាសាលាឲ្យពិនិត្យឡើងវិញ ការផ្សព្វផ្សាយអនុវត្ត វាយតម្លៃចំណុចពូកែនិងចំណុចអន់ខ្សោយរួចដក ពិសោធន៍ដើម្បីផ្សព្វផ្សាយចំពោះថ្នាក់ទី ២ ។
     ដើម្បីរួមដំណើរជាមួយខេត្តត្រាវិញគិតគូរ ដល់បុព្ហេតុអប់រំ រដ្ឋមន្ត្រីក្រសួងអប់រំនិងបណ្ដុះបណ្ដាលបានលើកឡើងនូវបណ្តាចំណុច គប្បីដោះស្រាយគឺ៖ កងជួរគ្រូបង្រៀនមូលដ្ឋានសម្ភារសាលារៀនដើម្បីផ្សព្វផ្សាយកម្មវិធីអប់រំថ្មី។ ខេត្តត្រាវិញគប្បីកសាងគម្រោងការ ២ ដើម្បីពង្រីកកងជួរកម្មាភិបាលគ្រូបង្រៀន និងវិនិយោគកសាងមូលដ្ឋានសម្ភារសាលារៀនសម្រាប់ ដំណាក់កាល ២០២១-២០២៦។ ជាមួយគម្រោងការទាំង ២ នេះ លោករដ្ឋមន្ត្រីស្នើឲ្យខេត្តត្រាវិញ គប្បីមានសេចក្តីសម្រេចចិត្តរបស់គណៈអចិន្ត្រៃយ៍នៃគណៈកម្មាធិការបក្សខេត្តដើម្បីអនុវត្ត។ក្រសួងអប់រំនិងបណ្ដុះបណ្ដាលនឹងរួមដំណើរឧបត្ថម្ភមូលដ្ឋាន ក្នុងដំណាក់កាលកសាងនិងផ្សព្វផ្សាយគម្រោងការទាំង ០២។
     ស្ថិតក្នុងវិធីធ្វើការនេះដែរ រដ្ឋមន្ត្រីក្រសួងអប់រំនិងបណ្ដុះបណ្ដាលបានរួមដំណើរជាមួយ ក្រុមប្រតិភូទៅសួរសុខទុក្ខគ្រូបង្រៀននិងសិស្សសាលាបឋមសិក្សាឡេវុាំងតាម (ទីក្រុង​ត្រាវិញ) សាលាបឋមសិក្សាដាឡុក (អា) ឃុំដាឡុក ស្រុកចូវថាញ់។ នៅទីនេះក្រុមប្រតិភូបានចូលរួមកម្មវិធី “ក្តីប្រាថ្នាសម្រាប់ប្អូន” និង​​ជូនអំណោយជាច្រើនចំណែកដល់​សាលារៀនសមូហភាពគ្រូបង្រៀននិងសិស្សានុ​សិស្ស។ ស្របឱកាសនេះដែរ ក្រុម​ប្រតិភូបានអញ្ជើញទៅសួរសុខទុក្ខព្រះឧបជ្ឈាយ៍ថាច់សុខសាន្ត អនុប្រ ធានក្រុមប្រឹក្សាភិបាលមជ្ឈិមសមាគមពុទ្ធសាសនាវៀតណាម ព្រះចៅអធិការវត្តអង្គរាជបូរី និងជាចាងហ្វាងសាលាមធ្យមសិក្សាបាលី -ខ្មែរខេត្តត្រាវិញ នៅសង្កាត់ទី ៨ ទីក្រុងត្រាវិញ៕        ប្រែសម្រួល៖ សុខា