ព្រះតេជគុណ ថាច់រឿន បានជ្រើសតាំងជាថ្មីជាប្រធានសមាគមព្រះសង្ឃ សាមគ្គីស្នេហាជាតិស្រុកយ្វៀងហាយអាណត្តិកាល ២០២៣-២០២៨

គណៈប្រតិបត្តិការអាណត្តិកាលថ្មី ចេញបង្ហាញព្រះភក្រ្តមហាសន្និបាត។

និមន្តចូលរួម មានព្រះឧបជ្ឈាយ៍ កិត្តិបណ្ឌិត ថាច់សុខសាន្ត អនុប្រធានក្រុមប្រឹក្សាភិបាល សមាគមពុទ្ធសាសនាវៀតណាម ប្រធានគណៈអភិបាលសមាគមពុទ្ធសាសនាវៀតណាមខេត្តត្រាវិញ ប្រធានសមាគមព្រះសង្ឃសាមគ្គីស្នេហាជាតិខេត្តត្រាវិញ ព្រះឧបជ្ឈាយ៍ ថាច់វ៉ាយ អនុប្រធានអចិន្ត្រៃយ៍សមាគមព្រះសង្ឃសាមគ្គីស្នេហាជាតិខេត្តត្រាវិញ ព្រះឧបជ្ឈាយ៍ គឹម ថន អនុប្រធានសមាគមព្រះសង្ឃសាមគ្គីស្នេហាជាតិខេត្ត ព្រះតេជគុណ សឺនកែន ប្រធានការិយាល័យសមាគមព្រះសង្ឃសាមគ្គីស្នេហា ជាតិខេត្តមួយអន្លើដោយថ្នាក់ដឹកនាំគណៈប្រជាចលនានៃគណៈកម្មាធិការបក្សខេត្ត គណៈកម្មាធិការរណសិរ្សមាតុភូមិវៀតណាមខេត្តគណៈសាសនាខេត្ត គណៈជនជាតិខេត្ត និងថ្នាក់ដឹកនាំគណៈកម្មាធិការបក្ស គណៈកម្មាធិការប្រជាជនស្រុក តំណាងបណ្ដាផ្នែក ការិយាល័យស្រុក។
ថ្លែងយោបល់នាមហាសន្និបាត សមមិត្ត គឹមជីហ្វា  ប្រធានគណៈកម្មាធិការប្រជាជនស្រុកយ្វៀងហាយកត់សម្គាល់ និងគោរពស្ងើចសរ សើរលទ្ធផលដែលសមាគមព្រះសង្ឃសាមគ្គីស្នេហាជាតិស្រុកយ្វៀងហាយ សម្រេចបាន នាពេលកន្លង។ ក្នុងអាណត្តិកាលថ្មី  លោកមានបំណងឲ្យគណៈប្រតិបត្តិការសមាគមស្រុក គប្បីជំរុញមាំការងារផ្សព្វផ្សាយ បំផុសចលនា​ ព្រះសង្ឃ និងជនរួមជាតិខ្មែរអនុត្តល្អជាងទៀត គោលការណ៍របស់បក្ស គោលនយោបាយ ច្បាប់របស់រដ្ឋ សកម្មបំផុសចលនាជនរួមជាតិពុទ្ធបរិស័ទអនុវត្តល្អជាងទៀតកាតព្វកិច្ចពលរដ្ឋ ចូលរួមចលនាពង្រីកសេដ្ឋកិច្ច សង្គមរក្សាលំ​នឹង និងលើកកម្ពស់ បណ្ដាលក្ខឋានឃុំជនបទថ្មី។
ថ្លែងសុន្ទរកថា ចង្អុលការមហាសន្និបាត  ព្រះឧបជ្ឈាយ៍ កិត្តិបណ្ឌិត ថាច់សុខសាន្ត បានស្ងើចសរសើរចំពោះបណ្ដាសមិទ្ធផលដែលសមាគមព្រះសង្ឃសាមគ្គីស្នេហាជាតិស្រុកយ្វៀងហាយសម្រេចបាននាពេលកន្លង។ ព្រះឧបជ្ឈាយ៍ មានថេរដីការសង្កត់ធ្ងន់ថា៖ ក្នុងអាណត្តិកាលថ្មី សមាគមព្រះសង្ឃសាមគ្គីស្នេហាជាតិស្រុកយ្វៀងហាយ ប្រមូលផ្ដុំបានបណ្ដាអង្គជាតំណាងគ្រប់សម្បទា គុណសម្បត្តិ សីលធម៌ មានចំ ណេះវិជ្ជា លទ្ធភាពខ្ពស់។ មានអង្គជាច្រើនមាន ចំណេះវិជ្ជាអនុបណ្ឌិត មហាវិទ្យាល័យ។ នេះ ជាការប្រមូលផ្ដុំបញ្ញាគ្រប់គ្រាន់រ៉ាប់រងការងារសមាគម។ បណ្ដាអង្គក្នុងគណៈប្រតិបត្តិការថ្មី គប្បីបង្កើនជាងទៀតការងារផ្សព្វផ្សាយដើម្បីសកម្មភាពរបស់សមាគមសម្រេចបានប្រសិទ្ធភាពខ្ពស់ជាងទៀត ជួយឱ្យព្រះសង្ឃ ជនរួមជាតិពុទ្ធបរិស័ទលើកកម្ពស់ការយល់ដឹង បដិសេធបណ្ដាទ្រឹស្ដីមួលបង្កាច់របស់បណ្ដាអានុ ភាពអមិត្ត បង្កភាពបំបែកបំបាក់សាមគ្គីរវាង បណ្ដាសាសនាបណ្ដាជនជាតិកិញ-ខ្មែរ-ចិន។ ផ្សព្វផ្សាយអនុវត្តល្អបណ្ដាឯកសារបទដ្ឋាន របស់សមាគមប្រតិបត្តិម៉ឺងម៉ាត់ច្បាប់ជំនឿ សាសនា គោលការណ៍ គោលនយោបាយរបស់បក្ស និងរដ្ឋ បង្កើនធ្លុងមហាសាមគ្គីទូទាំងជនជាតិ រក្សាខ្ជាប់ និងពង្រីកអត្តសញ្ញាណវប្បធម៌ជនជាតិ វប្បធម៌សាសនាគណៈមហានិកាយខ្មែរ។
មហាសន្និបាត បានជ្រើសតាំងគណៈប្រតិបត្តិការអាណត្តិកាលថ្មី ២០២៣-២០២៨  រួមមាន ២១ អង្គ។ ជ្រើសតាំងព្រះឧបជ្ឈាយ៍  ព្រះតេជគុណ ០៤ ព្រះអង្គជាគណៈប្រឹក្សា។  គណៈប្រតិបត្តិការថ្មីចាត់តាំងប្រជុំលើកដំបូង ជ្រើសតាំងគណៈអចិន្ត្រៃយ៍រួមមាន ០៩ អង្គ។ ព្រះតេជគុណថាច់រឿនបានជ្រើសតែងតាំង ជាថ្មីជាប្រធានសមាគមព្រះសង្ឃសាមគ្គីស្នេហាជាតិស្រុកយ្វៀងហាយ អាណត្តិកាល ២០២៣ -២០២៨។ មហាសន្និបាតបានអនុម័តឆ្លងសេចក្ដីសម្រេចចិត្ត ៥ យ៉ាង។
នាឱកាសនោះ សមាគមព្រះសង្ឃសាមគ្គីស្នេហាជាតិខេត្តបានប្រគេនបណ្ណសរសើរដល់សមូហភាព ១ កន្លែង និងបុគ្គល ៥ អង្គដែល មានស្នាព្រះហស្ដឆ្នើមក្នុងសកម្មភាពពុទ្ធសា សនាក្នុងអាណត្តិកាលកន្លង។ គណៈកម្មាធិ ការប្រជាជនស្រុកយ្វៀងហាយ ប្រគេនលិខិតសរសើរដល់សមូហភាព ៧ កន្លែង និងបុគ្គល ១០ អង្គ-រូបដែលមានស្នាដៃឆ្នើមក្នុងការងារ សមាគម និងសប្បុរសធម៌សង្គមក្នុងអាណត្តិកាល ២០១៨-២០២៣។ ក៏ក្នុងឱកាសនោះដែរ សមាគមព្រះសង្ឃសាមគ្គីស្នេហាជាតិស្រុក បំផុសចលនាតាមបណ្ដាវត្តបានទោចក្រយានចំនួន ២៣ គ្រឿងក្នុងមួយគ្រឿងៗតម្លៃ ១,៥  លានដុងជូនដល់សិស្សដែលមានស្ថានភាពលំបាកពុះពារការលំបាករៀនសូត្រពូកែ៕    ដំណឹង-រូបថត៖ សម្បត្តិ