ពិធីជួបជុំអនុស្សាវរីយ៍ឆ្នាំទី ៧០ ទិវាគ្រូពេទ្យវៀតណាម(២៧ កុម្ភៈ ឆ្នាំ ១៩៥៥-២៧ កុម្ភៈ ឆ្នាំ ២០២៥)

*ថ្នាក់ដឹកនាំខេត្តអញ្ជើញទៅប្រសិទ្ធពរផ្នែកសុខាភិបាល

ថ្នាក់ដឹកនាំខេត្តជូនកិត្តិនាមគ្រូពេទ្យឆ្នើមដល់បណ្តាបុគ្គល។ 

កាលពីថ្ងៃទី ២៥ ខែកុម្ភៈ មន្ទីរសុខាភិបាល ខេត្តត្រាវិញចាត់តាំងពិធីជួបជុំអនុស្សាវរីយ៍ឆ្នាំទី ៧០ ទិវាគ្រូពេទ្យវៀតណាម(២៧ កុម្ភៈ ឆ្នាំ ១៩៥៥-២៧ កុម្ភៈ ឆ្នាំ ២០២៥)។
បណ្តាសមមិត្ត ឡឹមមិញដាំង អនុលេខាគណៈកម្មាធិការបក្សខេត្ត ឡេវុាំងហាំង អនុលេខាគណៈកម្មាធិការបក្សខេត្ត ប្រធានគណៈកម្មាធិការប្រជាជនខេត្ត ង្វៀងក្វិញធៀង សមាជិកគណៈប្រតិបត្តិការបក្សខេត្ត អនុប្រធានគណៈកម្មាធិការប្រជាជនខេត្ត គាងសុខា សមាជិកគណៈប្រតិបត្តិការបក្សខេត្ត អនុប្រធានគណៈឃោសនាអប់រំនៃគណៈកម្មាធិការបក្សខេត្ត តំណាងថ្នាក់ដឹកនាំបណ្តាមន្ទីរ គណៈ ផ្នែកខេត្ត គណៈកម្មាធិការប្រជាជនបណ្តាស្រុក ទីក្រុង  ទីផ្សាររួមខេត្ត បណ្តាមជ្ឈមណ្ឌលសុខាភិបាល បណ្តាមន្ទីរពេទ្យ កងជួរកម្មាភិបាល គ្រូពេទ្យ  វេជ្ជបណ្ឌិតដែលឆ្លងកាត់គ្រប់ជំនាន់បានអញ្ជើញចូលរួម។ 
វេជ្ជបណ្ឌិតឯកទេសទី ២ ង្វៀងហ៊ឺវភឿក នាយករងមន្ទីរសុខាភិបាលអានលិខិតប្រសិទ្ធពរទិវាគ្រូពេទ្យវៀតណាមរបស់ប្រធានគណៈកម្មាធិការប្រជាជនខេត្តផ្ញើជូនកម្មាភិបាល ផ្នែកសុខាភិបាលនាឱកាសឆ្នាំទី ៧០ ទិវាគ្រូពេទ្យវៀតណាម រំលឹកឡើងវិញប្រវេណីត្រចះ ត្រចង់ និងបណ្តាលទ្ធផលលេចធ្លោរបស់ផ្នែក សុខាភិបាលកន្លងហើយ។ ទន្ទឹមនឹងនោះ សម្តែងក្តីដឹងគុណយ៉ាងជ្រាលជ្រៅចំពោះកងជួរគ្រូពេទ្យ  វេជ្ជបណ្ឌិតគ្រប់ជំនាន់មុនដែលបានរួមវិភាគទាន អនុវត្តល្អការងារថែទាំសុខភាពជូនប្រជាជន។ 

​                                                     ថ្នាក់ដឹកនាំខេត្តជូបផ្កាប្រសិទ្ធពរមន្ទីរសុខាភិបាល។
សមមិត្ត ឡេវុាំងហាំង អនុលេខាគណៈកម្មាធិការបក្សខេត្ត ប្រធានគណៈកម្មាធិការប្រជាជនខេត្ត វាយតម្លៃខ្ពស់ និងសម្តែងការដឹងគុណចំពោះការបរិច្ចាគរបស់កងជួរគ្រូពេទ្យ បុគ្គលិកសុខាភិបាល ជានិច្ចកាលជ្រោងខ្ពស់ស្មារតីភារកិច្ច អស់ពីចិត្ត ដើម្បីបុព្វហេតុថែទាំសុខភាពជូនប្រជាជន និងអនុវត្តសម្រេចល្អភារកិច្ចដែលបានប្រគល់ជូន។ ដើម្បីរក្សាខ្ជាប់ និងពង្រីកបណ្តាស្នាដៃដែលសម្រេចបានរបស់ផ្នែក សមមិត្ត ឡេវ៉ាំងហាំង សំណូមពរកង ជួរគ្រូពេទ្យ វេជ្ជបណ្ឌិត បុគ្គលិកផ្នែកសុខាភិបាល គប្បីបន្តរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញភ្ជាប់ជាមួយនឹង ១២ ប្រការ សីលធម៌គ្រូពេទ្យដោយកិច្ចការធ្វើជាក់ស្តែង សមនឹងក្តីជំនឿទុកចិត្តរបស់សង្គមលើកតម្កើង។   ទន្ទឹមនឹងនោះមិនបញ្ឈប់រៀនសូត្រលើកកម្ពស់ លទ្ធភាព តម្រិះវិជ្ជាមុខជំនាញអនុវត្តបណ្តាសមិទ្ធផលវិទ្យាសាស្ត្រ-បច្ចេកវិទ្យាជឿនលឿនទៅក្នុង ការពិនិត្យព្យាបាលជំងឺដើម្បីបុព្វហេតុសុខភាព សហគមន៍។ បង្កើនការគ្រប់គ្រងរដ្ឋលើវិស័យសុខាភិបាល ប្រើប្រាស់មានប្រសិទ្ធភាពសម្ភារ ឧបករណ៍សុខាភិបាល  គួបផ្សំពេទ្យសម័យទំនើប និងពេទ្យបុរាណ ធានាគ្រប់ថ្នាំ លក្ខណៈសម្ភារដើម្បីបម្រើ ការពិនិត្យព្យាបាលជំងឺ។ ជំរុញមាំការកែតម្រង់រដ្ឋបាល ផ្លាស់ប្តូរឌីជីថលក្នុងផ្នែកសុខាភិបាល  ក្នុងការថែទាំព្យាបាលសុខភាពជូនប្រជាជននៅលើភូមិសាស្ត្រខេត្ត រួមចំណែកកសាងមាតុភូមិត្រាវិញ កាន់តែរុងរឿងអភិវឌ្ឍន៍។ល។
នាឱកាសនេះដែរ ផ្នែកសុខាភិបាលត្រាវិញមានបុគ្គល ១០ រូបបានប្រធានរដ្ឋប្រទានជូនកិត្តិនាម គ្រូពេទ្យឆ្នើម ដោយមានស្នាដៃឆ្នើមក្នុងបុព្វហេតុការ ពារថែទាំ និងលើកកម្ពស់សុខភាពជូនប្រជាជន៕     ដំណឹង-រូបថត៖ រតនា