បើកសម័យប្រជុំលើកទី ៩ ក្រុមប្រឹក្សាប្រជាជនខេត្ត នីតិកាលទី១០

អធិបតីនៃសម័យប្រជុំ។ រូបថត៖ គីមឡង

នៅថ្ងៃទី១២ ខែកក្កដា ក្រុមប្រឹក្សាប្រជាជនខេត្តនីតិកាលទី ១០ អាណត្តិកាល ២០២១ -២០២៦ បានបើកសម័យប្រជុំលើកទី៩ សម័យ ប្រជុំពាក់កណ្តាលឆ្នាំ២០២៣។ សមមិត្ត គឹមង៉ុកថាយ អនុលេខាអចិន្ត្រៃយ៍បក្សខេត្ត និងជាប្រធានក្រុមប្រឹក្សាប្រជាជនខេត្ត សមមិត្ត  យឿងធីង៉ុកធើ សមាជិកាគណៈអចិន្ត្រៃយ៍បក្សខេត្ត អនុប្រធានក្រុមប្រឹក្សាប្រជាជនខេត្ត សមមិត្ត គាងគ្វឹង សមាជិកគណៈប្រតិបត្តិការបក្សខេត្ត និងជាអនុប្រធានក្រុមប្រឹក្សាប្រជាជនខេត្ត ធ្វើជាអធិបតីនៃសម័យប្រជុំ។
មានប្រសាសន៍បើកសម័យប្រជុំ សមមិត្ត គឹមង៉ុកថាយ បានបញ្ជាក់ថា៖ យោងលើខ្លឹមសារសំខាន់ៗដែលបានដាក់ចេញក្នុងកម្មវិធី នៃសម័យប្រជុំ អធិបតីនៃសម័យប្រជុំបានចង្អុល ការឲ្យតំណាងក្រុមប្រឹក្សាប្រជាជនខេត្ត បង្កើន ស្មារតីតួនាទី ស្រាវជ្រាវលម្អិតអំពីឯកសារបង្កើន បញ្ញាសកម្មផ្តល់មតិយោបល់ប្រកបដោយគុណភាពទៅលើខ្លឹមសារនៃសម័យប្រជុំ ដើម្បីរួម ចំណែកកសាងសមិទ្ធផលនៃសម័យប្រជុំឱ្យបានជោគជ័យ។ ខ្ញុំសង្ឃឹមថា ថ្នាក់ដឹកនាំនិងបណ្ដាសមាជិកគណៈកម្មាធិការប្រជាជនខេត្ត បណ្តាស្ថាប័ន អង្គភាពនៅមូលដ្ឋានដែលពាក់ព័ន្ធនឹងទទួលយក បកស្រាយឆ្លើយបំភ្លឺរាល់ បញ្ហាដែលបណ្តាអ្នកតំណាងលើកឡើង។
យោងលើរបាយការណ៍នៃលទ្ធផលត្រួតពិនិត្យបឋម ខ្ញុំស្នើដល់តំណាងក្រុមប្រឹក្សាប្រ ជាជនខេត្ត ពិនិត្យពិច័យ វិភាគ វាយតម្លៃនូវ លទ្ធផលដែលទទួលបាន បណ្តាឧបស័គ្គ ភាពអវិជ្ជមាននានាក្នុងកិច្ចចង្អុលការចាត់តាំងអនុវត្ត បណ្តាមូលហេតុអត្តនោម័តិ និងសត្យានុម័តិព្រមទាំងមតិយោបល់អំពីវិធានការដើម្បីគណៈកម្មាធិការប្រជាជនខេត្តចាត់តាំងអនុវត្តឱ្យល្អ ប្រសើរក្នុងដំណើរការខាងមុខ។
សម័យប្រជុំនេះ ក្រុមប្រឹក្សាប្រជាជនខេត្ត  ពិនិត្យរាល់របាយការណ៍របស់គណៈកម្មាធិការប្រជាជនខេត្ត អំពីស្ថានភាពអនុវត្តភារកិច្ច អភិវឌ្ឍ សេដ្ឋកិច្ច- សង្គមក្នុងអំឡុង ៦ ខែដើមឆ្នាំ ភារ កិច្ចនិងវិធានការដំណោះស្រាយបន្តទៀតនៅ ៦ ខែចុងឆ្នាំ ២០២៣ ស្តាប់នូវរបាយការណ៍ នៃផែនការព្រាងអំពីកិច្ចការវិនិយោគរបស់រដ្ឋនៅឆ្នាំ ២០១៤។ ពិនិត្យមើលបណ្តារបាយការណ៍ ៦ ខែដើមឆ្នាំ ២០២៣ របស់អចិន្ត្រៃយ៍ក្រុមប្រឹក្សាប្រជាជន បណ្ដាគណៈនៃក្រុមប្រឹក្សាប្រជាជន តុលាការប្រជាជន សភាត្រួតពិនិត្យប្រ ជាជននាយកដ្ឋានអនុវត្តសាលក្រមប្រជាជនខេត្ត ពិនិត្យមើលច្បាប់ព្រាងចំនួន ៣០ នៃសេចក្តីសម្រេចរបស់អចិន្ត្រៃយ៍ក្រុមប្រឹក្សាប្រជាជនខេត្ត គណៈកម្មការវប្បធម៌-សង្គម និងគណៈកម្មាធិការប្រជាជនខេត្ត ដែលបានជម្រាបជូន ចំពោះសម័យប្រជុំ។ ស្តាប់នូវរបាយការណ៍បូក សរុបនៃគណៈកម្មាធិការរណសិរ្សមាតុភូមិវៀតណាមខេត្ត អំពីមតិយោបល់ សេចក្តីស្នើរបស់ម្ចាស់ឆ្នោត។ សម័យប្រជុំនេះ ប្រព្រឹត្តទៅក្នុង រយៈពេលបីថ្ងៃ គឺចាប់ពីថ្ងៃទី១២ រហូតដល់ ថ្ងៃទី១៤ ខែកក្កដា ឆ្នាំ២០១៣៕      ប្រែសម្រួល: សុខា