សមមិត្ត គឹមង៉ុកថាយ ។ រូបថត៖ គីមឡង
កាលពីព្រឹកថ្ងៃទី ៦ ខែធ្នូ នៅមជ្ឈមណ្ឌលសន្និបាតខេត្ត ក្រុមប្រឹក្សាប្រជាជនខេត្ត នីតិកាលទី ១០ បើកសម័យប្រជុំលើកទី ១២-សម័យប្រជុំចុងឆ្នាំ ២០២៣។
បណ្តាសមមិត្ត៖ គឹមង៉ុកថាយ អនុលេខា អចិន្ត្រៃយ៍បក្សខេត្ត ប្រធានក្រុមប្រឹក្សាប្រជាជនខេត្ត យឿងង៉ុកធើ អនុប្រធានក្រុមប្រឹក្សាប្រជាជនខេត្ត គាងគ្វឹង សមាជិកគណៈប្រតិបត្តិការបក្សខេត្ត អនុប្រធានក្រុមប្រឹក្សាប្រជា ជនខេត្ត ធ្វើអធិបតីសម័យប្រជុំ។
អញ្ជើញចូលរួមសម័យប្រជុំមានបណ្តាសមមិត្ត៖ ង៉ូជីកឿង សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានគណៈប្រតិភូតំណាងរដ្ឋសភានីតិកាលទី ១៥ អង្គភាពខេត្តត្រាវិញ ឡឹមមិញដាំង អនុលេខាបក្សខេត្ត ឡេវុាំងហាំង អនុលេខាបក្សខេត្ត ប្រធានគណៈកម្មាធិការប្រជាជនខេត្ត ង្វៀងវុាំងត្រៀក សមាជិកគណៈអចិន្ត្រៃយ៍បក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្ត បណ្តាសមមិត្តជាអតីតសមាជិកគណៈប្រតិបត្តិការមជ្ឈិមបក្ស ថ្នាក់ដឹកនាំគណៈកម្មាធិការបក្សខេត្ត ក្រុមប្រឹក្សាប្រជាជន និងគណៈកម្មាធិការប្រជាជនខេត្តគ្រប់អាណត្តិកាល តំណាងរដ្ឋសភានីតិកាលទី ១៥ អង្គភាពខេត្តត្រាវិញ តំណាងក្រុមប្រឹក្សាប្រជាជនខេត្តនីតិកាលទី ១០ អាណត្តិកាល ២០២១-២០២៦ ថ្នាក់ដឹកនាំបណ្តាមន្ទីរ គណៈ ផ្នែកថ្នាក់ខេត្ត។ល។ ថ្លែងសុន្ទរថាបើកសម័យប្រជុំ សមមិត្ត គឹមង៉ុកថាយ បានបញ្ជាក់ថា៖ សម័យប្រជុំនេះ ក្រុមប្រឹក្សាប្រជាជនខេត្តដំណើរការបោះឆ្នោតយកការទំនុកចិត្តចំពោះបណ្តាមុខតំណែងដែល ក្រុមប្រឹក្សាប្រជាជនតែងតាំង។ នេះជាវិធីសាស្រ្ត ឃ្លាំមើលសំខាន់មួយបញ្ជាក់ឱ្យឃើញពីការ កំណត់ត្រា វាយតម្លៃរបស់ក្រុមប្រឹក្សាប្រជាជន ចំពោះការខិតខំ និងលទ្ធផលការងារពីដើមអាណត្តិកាលរហូតមកទល់ពេលនេះរបស់អ្នក ដែលទទួលស្លឹកឆ្នោតគាំទ្រ។
សម័យប្រជុំក្រុមប្រឹក្សាប្រជាជនខេត្តលើកទី ១២ ឆ្នាំ ២០២៣។ រូបថត៖ គីមឡង
ពិនិត្យរបាយការណ៍របស់គណៈកម្មាធិការ ប្រជាជនខេត្ត របាយការណ៍របស់បណ្តាផ្នែក ដែលពាក់ព័ន្ធ ក្នុងនោះមានពិនិត្យ វាយតម្លៃ ស្ថានភាពសេដ្ឋកិច្ច-សង្គម ថវិការដ្ឋឆ្នាំ ២០២៣ សេចក្ដីព្រាងផែនការពង្រីកសេដ្ឋកិច្ច-សង្គម ថវិការដ្ឋឆ្នាំ ២០២៤។
ស្តាប់គណៈកម្មាធិការរណសិរ្សមាតុភូមិវៀតណាមខេត្ត របាយការណ៍បូកសរុបយោបល់របស់ម្ចាស់ឆ្នោត។ របាយការណ៍របស់អចិន្ត្រៃយ៍ក្រុមប្រឹក្សាប្រជាជនខេត្ត ស្តីពីលទ្ធផលពិនិត្យការផ្សព្វផ្សាយអនុវត្តសេចក្តីសម្រេចចិត្តរបស់ក្រុមប្រឹក្សាប្រជាជនខេត្ត ការអនុវត្តន៍សេចក្តីសន្និដ្ឋាន សំណើរក្រោយពីការឃ្លាំមើលឆ្នាំ ២០២៣ លទ្ធផលនៃការឃ្លាំមើលការដោះស្រាយសំណើ របស់ម្ចាស់ឆ្នោត។ របាយការណ៍របស់គណៈកម្មាធិការប្រជាជនខេត្ត ស្តីពីលទ្ធផលអនុវត្តសេចក្តីសម្រេចចិត្តរបស់ក្រុមប្រឹក្សាប្រជាជន ស្តីពីការឃ្លាំមើលបធានបទ។ ស្តាប់គណៈកម្មាធិការរណសិរ្សមាតុភូមិវៀតណាមខេត្តប្រកាស អំពីស្ថានភាពរណសិរ្សមាតុភូមិចូលរួមក្នុងការ កសាងរដ្ឋអំណាចក្នុងឆ្នាំ ២0២៣ ។ ពិនិត្យលទ្ធផលនៃការឃ្លាំមើលបធានបទស្តីពីការ បង្ការ ទប់ស្កាត់អំពើពុករលួយ អសកម្មដំណាក់ កាល ២០២០-២០២២ យោងតាមលទ្ធផលនៃការឃ្លាំមើល ក្រុមប្រឹក្សាប្រជាជនខេត្តនឹងចេញ សេចក្តីសម្រេចចិត្តលើប្រធានបទនៃការត្រួត ពិនិត្យនេះ។ល។ ពិនិត្យផ្តល់យោបល់ចំពោះសេចក្ដីជម្រាប ២៦ ច្បាប់ និងសេចក្តីព្រាងនៃសេចក្តីសម្រេចចិត្តអាស្រ័យអចិន្ត្រៃយ៍ក្រុមប្រឹក្សាប្រជាជនខេត្ត គណៈកម្មាធិការប្រជាជនខេត្តជម្រាបក្នុងសម័យប្រជុំ។
សម័យប្រជុំចំណាយ ០១ ពេលដើម្បីដាក់បញ្ហាសាកសួរ និងឆ្លើយសំណួរ ចាត់តាំងផ្សាយ បន្តផ្ទាល់ពីសម័យប្រជុំនេះតាមប្រព័ន្ធផ្សាយផ្ទាល់ដល់ស្រុកកាងឡុង និងស្រុកចូវថាញ់។
សមមិត្ត គឹមង៉ុកថាយ ស្នើឲ្យបណ្តាតំណាងក្រុមប្រឹក្សាប្រជាជនខេត្ត ពង្រីកស្មារតីទទួលខុសត្រូវ ស្វែងយល់ឯកសារឲ្យបានច្បាស់លាស់បញ្ចេញភាពឆ្លាសវៃ ដើម្បីរួមបំពេញយោបល់ឲ្យមានគុណភាពចំពោះខ្លឹមសារនៃសម័យប្រជុំ រួមចំណែកញុាំងឲ្យសម័យប្រជុំសម្រេចជោគជ័យជាស្ថាព័រ៕ ប្រែសម្រួល៖ សុជា
.gif)
