ប្រធានគណៈកម្មាធិការប្រជាជនខេត្ត ឡេវុាំងហាំង៖ ត្រួតពិនិត្យការងារត្រៀមបម្រុងបោះឆ្នោតនៅស្រុកកាងឡុង និងទីក្រុងត្រាវិញ

លោក ឡេវុាំងហាំង ប្រធានគណៈកម្មាធិ​ការប្រជាជនខេត្ត ត្រួតពិនិត្យការងារត្រៀមបម្រុងបោះឆ្នោត​។
     ស្ថិតនៅស្រុកាងឡុង ការងារផ្សព្វផ្សាយ អនុវត្តបណ្តាខ្លឹមសារត្រៀមបម្រុងបោះឆ្នោត តំណាងរដ្ឋសភានីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់នីតិកាល ទី ១០ អាណត្តិកាល ២០២១-២០២៦ បានផ្សព្វផ្សាយត្រឹមត្រូវតាមសេចក្តីកំណត់របស់ច្បាប់។  ស្រុកកាងឡុងមានអង្គភាពបោះឆ្នោត  ១១៨ កន្លែង ជាមួយនឹងក្រុមបោះឆ្នោត ១៤០ ក្រុម ដោយមានបេក្ខជនចេញឈរឆ្នោត ៦៣០ នាក់ បោះយក ៣៧៦ នាក់ ចំនួនម្ចាស់ឆ្នោតបាន បិទប្រកាស ១១៦.៤៧៦ នាក់ ការងារផ្សព្វផ្សាយអំពីការបោះឆ្នោត និងបង្ការទប់ស្កាត់អាសន្នរោគជំងឺកូវីដ-១៩ តែងបានយកចិត្តទុកដាក់អនុវត្តដោយមានប្រសិទ្ធភាព។
     តាមសេចក្តីរបាយការណ៍របស់គណៈកម្មាធិការបោះឆ្នោតទីក្រុងត្រាវិញ ការងារត្រៀមបម្រុងបោះឆ្នោតតំណាងរដ្ឋសភានីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់នីតិកាលទី ១០ អាណត្តិកាល ២០២១ -២០២៦ ទីក្រុងត្រាវិញបានចេញផ្សាយបណ្តា ឯកសារដឹកនាំចង្អុលការត្រឹមត្រូវតាមផែនការ ការងារសន្និបាតពិភាក្សាបានផ្សព្វផ្សាយត្រឹមត្រូវតាមការកំណត់របស់ច្បាប់បោះឆ្នោត ការបិទប្រកាសបញ្ជីរាយនាមម្ចាស់ឆ្នោតនៅនឹងបណ្តាតំបន់បោះឆ្នោតបានអនុវត្តត្រូវតាមការ កំណត់សន្តិសុខសណ្តាប់ធ្នាប់ និងការបង្ការ ទប់ស្កាត់អាសន្នរោគជំងឺកូវីដ-១៩ បានផ្សព្វផ្សាយហ្មត់ចត់ បោះពុម្ពឯកសារ ការត្រៀមលក្ខណៈដើម្បីចាត់តាំងល្អបណ្តាសន្និបាតជួបសំណេះសំណាលជាមួយនឹងម្ចាស់ឆ្នោត ការងារក្តាប់ស្ថានភាពប្រជាជនមុន ក្នុង និងក្រោយ បោះឆ្នោតតែងបានយកចិត្តទុកដាក់អនុវត្ត។ល។ ទីក្រុងត្រាវិញ មានអង្គភាពបោះឆ្នោត ៦៧ កន្លែង ជាមួយនឹងក្រុមបោះឆ្នោត ៩០ ក្រុម ដោយមានចំនួនម្ចាស់ឆ្នោត ៨០.៤៦៦ នាក់។
     មានយោបល់ក្នុងការធ្វើការត្រួតពិនិត្យ លោក ឡេវុាំងហាំង បានវាយតម្លៃខ្ពស់ការងារត្រៀមបម្រុងបោះឆ្នោតតំណាងរដ្ឋសភានីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់នីតិកាលទី ១០ អាណត្តិកាល ២០២១ -២០២៦ របស់ស្រុកកាងឡុង និងទីក្រុងត្រាវិញក្នុងពេលកន្លងហើយ។ ដើម្បីទុកឱ្យការងារបោះឆ្នោតបានអនុវត្តធានាសន្ទុះកំណើន តាមច្បាប់ សំណូមពរចាប់តាំងពីនេះរហូតដល់ ថ្ងៃបោះឆ្នោត បណ្តាថ្នាក់ បណ្តាផ្នែក មូលដ្ឋានស្រុកកាងឡុង និងទីក្រុងត្រាវិញ គប្បីជំរុញ មាំការងារផ្សព្វផ្សាយចលនាប្រជាជនចូលរួមបោះឆ្នោត បង្កើនការងារតុបតែងលម្អ ធ្វើអនាម័យបរិស្ថាននៅនឹងបណ្តាតំបន់បោះឆ្នោត  ប្រគល់ការងារឱ្យបណ្តាសមាជិកក្រុមបោះ ឆ្នោតប្រចាំការនៅនឹងបណ្តាកន្លែងបិទប្រកាសបញ្ជីរាយនាមម្ចាស់ឆ្នោត ដើម្បីទទួលយកការ ឆ្លុះបញ្ចាំងរបស់មាមីងម្ចាស់ឆ្នោតបានទាន់ពេលបង្កើនការងារធានាសន្តិសុខសណ្តាប់ធ្នាប់សុវត្ថិភាពសង្គម។ ត្រូវមានវិធីសាស្ត្រកសាងបណ្តា នាដកថាបង្ការទប់ស្កាត់អាសន្នរោគជំងឺកូវីដ-១៩ ត្រៀមបម្រុងគ្រប់មូលដ្ឋានសម្ភារ និងបណ្តាលក្ខណៈចាំបាច់ដើម្បីបម្រើការបោះឆ្នោត៕   

     ដំណឹង-រូបថត៖ ផាងត្វឹង-រតនា