ប្រកាសសេចក្ដីសម្រេចចិត្តបង្កើតសាលាវិទ្យាល័យ ស៊ើងកាង

តំណាងថតរូបអនុស្សាវរីយ៍ជាមួយគណៈចាងហ្វាងសាលាវិទ្យាល័យស៊ើងកាង។ រូបថត៖ ង៉ុកស្វង

កាលពីថ្ងៃទី ៥ ខែកញ្ញា រួមជាមួយបរិ​យាកាសបវេសនកាលឆ្នាំសិក្សាថ្មី សាលាវិទ្យាល័យស៊ើងកាង (ឃុំង៉ូវឡាក ស្រុកយ្វៀងហាយ) បានចាត់តាំងពិធីបវេសនកាល និងប្រកាសសេចក្ដីសម្រេចចិត្តបង្កើតសាលា។
បណ្ដាសមមិត្ត៖ ឡឹមមិញដាំង អនុលេខាបក្សខេត្ត គឹមរឿង សមាជិកគណៈអចិន្ត្រៃយ៍ បក្សខេត្ត ប្រធានគណៈប្រជាចលនានៃគណៈកម្មាធិការបក្សខេត្ត ង្វៀងធីបាច់វ៉ឹង សមាជិកា គណៈប្រតិបត្តិការបក្សខេត្ត នាយិកាមន្ទីរអប់រំ-បណ្ដុះបណ្ដាលខេត្ត ថ្នាក់ដឹកនាំបណ្ដាមន្ទីរ ផ្នែកខេត្ត គណៈកម្មាធិការបក្សស្រុក គណៈកម្មាធិការប្រជាជនស្រុកយ្វៀងហាយ គណៈកម្មាធិការបក្សឃុំ គណៈកម្មាធិការប្រជាជន ឃុំង៉ូវឡាក កម្មាភិបាលចូលនិវត្តន៍ តំណាងគ្រួសារ ឧត្ដមសេនីយ៍ទោស៊ើងកាង រួមជាមួយកម្មាភិបាល គ្រូបង្រៀន និងសិស្សានុសិស្ស របស់សាលាចំនួន ៤១៥ រូបចូលរួម។
សាលាវិទ្យាល័យស៊ើងកាង បានបង្កើតឡើង តាមសេចក្ដីសម្រេចចិត្តលេខ ៩៣០/QĐ-UBND ចុះថ្ងៃទី ៣១/៥/២០២៤ របស់គណៈកម្មាធិការប្រជាជនខេត្តត្រាវិញ លើមូលដ្ឋានបច្ចុប្បន្នភាពមណ្ឌលសិក្សានៅឃុំង៉ូវឡាកនៃសាលាវិទ្យាល័យដូងចូវ។ សាលាវិទ្យាល័យស៊ើងកាង បានបង្កើតឡើងធានាអំពីសិទ្ធិ និងផលប្រយោជន៍យ៉ាងស័ក្ដិសមសម្រាប់សិស្ស ការទន្ទឹងរង់ចាំ របស់ប្រជាជនលើភូមិសាស្រ្តឃុំង៉ូវឡាក និងមូលដ្ឋានមួយចំនួននៅជិតខាង។ តាមរយៈនោះ ឆ្លើយតបសំណូមពរអភិវឌ្ឍបុព្វហេតុអប់រំ ពង្រីកសេដ្ឋកិច្ច សង្គមរបស់មូលដ្ឋាន រួមចំណែកអនុ វត្តជោគជ័យគោលដៅកសាងជនបទថ្មីលើក កម្ពស់លើភូមិសាស្រ្តស្រុកយ្វៀងហាយ។
គ្រូបង្រៀន ង្វៀងង៉ុកដាម ចាងហ្វាងសាលាវិទ្យាល័យស៊ើងកាង រីករាយឱ្យដឹង៖ មានកិត្តិយសណាស់ដោយបានភ្ជាប់នាមរបស់វីរកង កម្លាំងប្រដាប់អាវុធប្រជាជន ឧត្ដមសេនីទោស៊ើងកាង អ្នកជាកូនរបស់មាតុភូមិង៉ូវឡាកវិរភាព  ជាកិត្តិយស និងមោទនភាពចំពោះសមូហភាពកម្មាភិបាលគ្រប់គ្រង គ្រូបង្រៀន បុគ្គលិក និងសិស្សានុសិស្សរបស់សាលា។
សមូហភាពកម្មាភិបាល គ្រូបង្រៀនរបស់សាលា បន្តការខិតខំលើកកម្ពស់គុណភាពអប់រំទាំងស្រុង អនុវត្តល្អគោលលំនាំ “ប្រឡងប្រណាំងបង្រៀនល្អ រៀនល្អ” កសាងបរិស្ថានអប់រំ គត់មត់ប្រជាធិបតេយ្យ ស្និទ្ធសា្នល អនុវត្តកម្ម វិធីអប់រំសកលឆ្នាំ ២០១៨ ឱ្យមានប្រសិទ្ធភាព។
ឱកាសនេះ សមមិត្ត ឡឹមមិញដាំង ជូនសៀវភៅសរសេរ ១.០០០ ក្បាល គ្រួសារឧត្ដមសេនីយ៍ទោស៊ើងកាង ជូនអាហារូបករណ៍ ២០ ចំ ណែក(ក្នុងមួយចំណែកៗជាទឹកប្រាក់ ១ លានដុង) ដល់សិស្សានុសិស្សរបស់សាលាដែលមានស្ថានភាពលំបាក។
បានដឹងថា ឆ្នាំសិក្សា ២០២៤-២០២៥ ស្រុកយ្វៀងហាយ មានសាលារៀន និងមូលដ្ឋានអប់រំចំនួន ៣២ កន្លែងដោយមានចំនួនសិស្ស ប្រមាណ ១៤.០០០ រូប៕    ប្រែសម្រួល៖ សម្បត្តិ