បណ្តាថ្នាក់ដឹកនាំខេត្ត​ ស្រុកអញ្ជើញទៅសួរសុខទុក្ខ និងប្រសិទ្ធពរបុណ្យចូលឆ្នាំថ្មីឆ្នាំ ២០២១

សមមិត្ត ង៉ូជីកឿង លេខាបក្សខេត្តបានអញ្ជើញទៅសួរសុខទុក្ខ និងប្រសិទ្ធពរបុណ្យចូលឆ្នាំថ្មីដល់
បណ្តាវត្ត និងគ្រួសារគោលនយោបាយនៅលើភូមិសាស្ត្រខេត្ត ។ រូបថត៖ ង៉ុកហុង​
     នៅបណ្តាកន្លែងដែលបានអញ្ជើញទៅ សមមិត្តង៉ូជីកឿងបានប្រសិទ្ធពរដល់ព្រះឧបជ្ឈាយ៍ ព្រះចៅអធិការ ព្រះសង្ឃ និង ប្រជាពុទ្ធបរិស័ទ និងបណ្តាគ្រួសារគោលនយោបាយទទួលអំណរបុណ្យចូលឆ្នាំថ្មីប្រកបដោយសេចក្តីសុខសប្បាយរមនា និងស្ងើចសរសើរអំពីស្នាដៃរបស់ព្រះសង្ឃ ពុទ្ធ បរិស័ទ និងគ្រួសារគោលនយោបាយជនជាតិខ្មែរបានសាមគ្គីរួមកម្លាំងជាមួយនឹងរដ្ឋអំណាច និងប្រជាជនមូលដ្ឋានពង្រីកសេដ្ឋកិច្ច-សង្គម កសាងជនបទថ្មី កសាងស្រុកកំណើត រួមចំណែកលើកកម្ពស់គ្រប់ជ្រុងជ្រោយនៃជីវភាពរបស់ជនរួមជាតិខ្មែរត្រាវិញ។ ទន្ទឹមនឹងនោះ សមមិត្តលេខាបក្សខេត្តមានក្តីសង្ឃឹមថា ព្រះឧបជ្ឈាយ៍ ព្រះចៅអធិការវត្ត ប្រជាពុទ្ធបរិស័ទ និងគ្រួសារគោលនយោបាយជនរួមជាតិខ្មែរយើងបន្តធ្វើជាស្នឹងពង្រីកប្រវេណីមហា សាមគ្គី​ទូទាំងប្រជាជាតិ អនុវត្តល្អគោលការណ៍ គោលមាគ៌ា គោលនយោបាយរបស់បក្ស រដ្ឋ ជ្រោងខ្ពស់ស្មារតីខ្លួនទីពឹងខ្លួន សកម្មចូលរួមក្នុងបណ្តាចលនាប្រឡងប្រណាំងស្នេហាជាតិ កសាងជនបទថ្មី បង្ការទប់ស្កាត់អាសន្នរោគជំងឺកូវីដ-១៩ ។ ទន្ទឹមនឹងនោះសមមិត្តលេខាបក្សខេត្តសំណូមពរដល់ព្រះសង្ឃ និងគណៈ អារាមភិបាលវត្តសកម្មផ្សព្វផ្សាយចលនាប្រជាពុទ្ធបរិស័ទអនុវត្តល្អសិទ្ធិ និងកាតព្វកិច្ច​ពលរដ្ឋក្នុងការបោះឆ្នោតតំណាងរដ្ឋសភានីតិកាលទី ១៥ និងតំណាងក្រុមប្រឹក្សាប្រជាជន​គ្រប់លំដាប់ថ្នាក់អាណត្តិកាល ២០២១-២០២៦ នាថ្ងៃទី ២៣ ឧសភាខាងមុខនេះ ៕
    *គណៈបញ្ជាការដ្ឋានយោធាខេត្តអញ្ជើញទៅសួរសុខទុក្ខ និងប្រសិទ្ធ ពរបុណ្យចូលឆ្នាំថ្មី

គណៈបញ្ជាការដ្ឋានយោធាខេត្តអញ្ជើញទៅសួរសុខទុក្ខ និងប្រសិទ្ធពរបុណ្យចូលឆ្នាំថ្មីនៅបណ្តាវត្តក្នុងខេត្ត ។ រូបថត​៖ ហឺវហ៊ីប

អ្នកស្រី​​ យឿងធីង៉ុកធើ អញ្ជើញទៅប្រសិទ្ធពរឆ្នាំថ្មី និងប្រគេនអំណោយដល់ព្រះសង្ឃ ស្រុកកូវកែ។ រូបថត៖ គីមឡង
    កាលពីថ្ងៃទី ១២ មេសាគណៈបញ្ជាការដ្ឋានយោធាខេត្តចាត់តាំងក្រុមប្រតិភូកម្មាភិបាល ០៣ ក្រុមអញ្ជើញទៅសួរសុខទុក្ខ និងប្រសិទ្ធពរបុណ្យចូលឆ្នាំថ្មីដល់វត្តបុទុមប្រជុំនទី (អូរឈូក) ស្រុកទីវកឹង វត្តពិសីវរារាម (ពិសី) វត្តពិសេសារាម (កន្លែងសេស) វត្តសង្វារិទ្ធិស័ក (ក្អែប)   ស្រុកកាងឡុង វត្តនាគវនារាម (ខ្ទឹង) ទីក្រុងត្រាវិញ និងវត្តសិមារាម (ផ្នោរអណ្តូង) ស្រុកថ្កូវ និងបណ្តា សមមិត្តអតីតថ្នាក់ដសឹកនាំគណៈបញ្ជាការដ្ឋានយោធាខេត្ត សមមិត្តចាស់ ព្រឹទ្ធាចារ្យបដិវត្តន៍៕

ឧត្តមសេនីយ៍ត្រី ដ្វងមិញភឿង អនុប្រធានស្នងការនយោបាយយោធភូមិភាគលេខ ៩ សួរសុខទុក្ខព្រះសង្ឃវត្តផ្នោរអំពូង។ រូបថត​៖ ហឺវហ៊ីប

លោក ថាច់ភឿកបិញ (ឈរទីពីរ រាប់ពីឆេ្វង) រួមនិងថ្នាក់ដឹកនាំក្រុមប្រឹក្សាជនជាតិរដ្ឋសភាសួរសុខទុក្ខប្រសិទ្ធពរបុណ្យចូលឆ្នាំថ្មី ២០២១ ដល់សមាគមព្រះសង្ឃសាមគ្គីសេ្នហា​ជាតិខេត្តត្រាវិញ ។ រូបថត៖ គីមឡង

ថ្នាក់ដឹកនាំនគរបាលខេត្ត អញ្ជើញទៅប្រសិទ្ធពរនិងប្រគេនអំណោយព្រះឧបជ្ឈាយ៍ថាច់សុខសាន្ត ។ រូបថត៖ ហូយ៉ាង
*ជូនអំណោយចូលឆ្នាំថ្មីដល់បណ្តាគ្រួសារក្រីក្រ
    កាលពីថ្ងៃទី ១២ មេសា គណៈកម្មាធិការ​រណសិរ្សមាតុភូមិវៀតណាមឃុំភឿកហឹុងស្រុកថ្កូវចាត់តាំងពិធីជូនអំណោយចូលឆ្នាំថ្មីដល់បណ្តា គ្រួសារខ្មែរក្រីក្រ ១២០ គ្រួរបស់ឃុំ អំណោយ មួយចំណែកគិតជាតម្លៃ ២១០.០០០ដុង អាស្រ័យ ដោយព្រះតេជគុណ ធិចធៀងង៉ុក ព្រះចៅអធិការ វត្តឡុងហឹង ភូមិអូរុង ចលនាបណ្តាសប្បុរស ធម៌ឧបត្ថម្ភ៕

ថ្នាក់ដឹកនាំស្រុកទីវកឹង អញ្ជើញទៅសួរសុខទុក្ខនិងប្រសិទ្ធពរបុណ្យចូលឆ្នាំ ដល់អ្នកម្តាយវៀតណាមវីរភាព។ រូបថត៖ ថាញ់ក្វាង
*ចូវថាញ់៖ ចាត់តាំងបណ្តាសកម្មភាពសិល្បៈអំណរបុណ្យចូលឆ្នាំថ្មី និងផ្សព្វផ្សាយបោះឆ្នោតតំណាងរដ្ឋសភានីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់អាណត្តិកាល ២០២១-២០២៦
          ចាប់តាំងពីថ្ងៃទី ០៥-១៤ មេសាមជ្ឈមណ្ឌល វប្បធម៌-ឃោសនាការ និងកីឡាស្រុកចូវថាញ់ចាត់បណ្តាសកម្មភាពសិល្បៈអំណរបុណ្យចូលឆ្នាំថ្មី ប្រពៃណីខ្មែរ និងផ្សព្វផ្សាយបោះឆ្នោតតំណាងរដ្ឋសភានីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់អាណត្តិកាល ២០២១-២០២៦ នៅនឹង ១០ វត្តពុទ្ធសាសនា មហានិកាយ និងតំបន់ដែលមានជនរួមជាតិខ្មែររស់នៅច្រើន។ ក្រុមឃោសនាការស្រុកផ្សព្វផ្សាយអំពីខ្លឹមសារសំណួរ-ចម្លើយអំពីការបោះឆ្នោតតំណាងរដ្ឋសភានីតិកាលទី ១៥ និងតំណាងក្រុមព្រឹក្សាប្រជាជនគ្រប់លំដាប់ថ្នាក់អាណត្តិកាល ២០២១-២០២៦ ទាំងពីរភាសា ខ្មែរ-វៀត។ ទន្ទឹមនឹងនោះសម្តែង ២០ ឈុត សិល្បៈ។ ក្នុងមួយរាត្រីសម្តែងទាក់ទាញទស្សនិកជនចូលរួមជាងរាប់រយនាក់៕ 

 ក្រុមអ្នកយកព័ត៌មាន