ទីវកឹងអនុវត្តល្អគោលនយោបាយចំពោះអ្នកមានសគុណបដិវត្តន៍

ថា្នក់ដឹកនាំស្រុកអញ្ជើញធ្វើសក្ការបូជាចំពោះវិញ្ញាណក្ខ័ន្ធវីរយុទ្ធជនពលីនៅបូជនីយដ្ឋានយុទ្ធជនពលីស្រុក (រូបថតឯកសារ
កាលមិនទាន់មានជំងឺកូវីដ-១៩)។
     លោកត្រេវវុាំងយ៉ៃ ប្រធានការិយាល័យពលកម្ម- យុទ្ធជនពិការ និងសង្គមកិច្ចស្រុកទីវកឹងបាន ឲ្យដឹងថា៖ កំណត់ការងារតបស្នងសងគុណ ថែទាំអ្នកមានសគុណចំពោះបដិវត្តន៍ជាភារកិច្ចសំខាន់ក្នុងការអនុវត្តន៍បណ្ដាគោលនយោបាយសុខុមាលភាពសង្គម បណ្ដារបបគោលនយោបាយ ចំពោះយុទ្ធជនពិការ សាច់ញាតិយុទ្ធជនពលី និង អ្នកមានសគុណតាមការកំណត់បានស្រុកផ្សព្វផ្សាយអនុវត្តទាន់ពេលដូចជា៖ សម្រេចសំណុំឯកសារស្នើឲ្យដោះស្រាយគោលនយោបាយអាទិភាពចំពោះអ្នកមានសគុណចំនួន ១៩៨ សំណុំ ផ្ដល់បណ្ណគាំពារសុខាភិបាលជូនមុខសញ្ញាគោល នយោបាយអ្នកមានសគុណបាន ៣.០៣០ បណ្ណ ចាត់តាំងរំកិលផ្នូរយុទ្ធជនពលី ០៣ ផ្នូរទៅកន្លែង បូជនីយដ្ឋានស្រុក ដោះស្រាយរបបបំប៉នដល់ មុខសញ្ញា ៥២៥ រូប កសាងផ្ទះឧបការគុណជូនមុខសញ្ញាជួបលំបាកអំពីលំនៅឋាននៅលើភូមិសាស្រ្តបណ្ដាឃុំ ទីប្រជុំជនបាន ២០ ខ្នង។ អនុវត្ត ការចំណាយសងឧបភោគ សោធនគោលនយោបាយដល់អ្នកមានសគុណជាមួយថវិកាជាង ២៧,៦ ពាន់លានដុង។ ក្រៅពីនោះ ស្រុកនៅទាំងចាត់តាំងទៅសួរសុខទុក្ខ ជូនអំណោយដល់គ្រួសារ នយោបាយ អ្នកមានសគុណក្នុងបណ្ដាពិធីបុណ្យតេតបាន ២៣០ លើក សរុបថវិកាជាង ១៦០ លាន ដុង។ ទន្ទឹមនឹងនោះ ចាត់តាំងទៅធ្វើសក្ការបូជាចំពោះវិញ្ញាណក្ខ័ន្ធវីរយុទ្ធ ជនពលីនៅបូជនីយដ្ឋាន យុទ្ធជនពលីស្រុក កម្មាភិបាលជាថ្នាក់ដឹកនាំគណៈកម្មាធិការបក្ស ក្រុមប្រឹក្សាប្រជាជន គណៈកម្មា ធិការប្រជាជន បណ្ដាគណៈ ផ្នែក អង្គការមហា ជនស្រុក សមាជិកយុវជន និងសាច់ញាតិ របស់យុទ្ធជនពលីជាង ៤០០ នាក់ចូលរួម។ ដោយឡែក ០៦ ខែដើមឆ្នាំ ២០២១ ស្រុកសាងសង់ សម្រេច ប្រគល់ជូនផ្ទះឧបការគុណជូនគ្រួសារនយោបាយបាន ២៤ ខ្នងទៀត ចាត់តាំងប្រគល់សេចក្ដីសម្រេចចិត្តឧទ្ទិសជូនកិត្តិនាមខ្ពង់ខ្ពស់ “អ្នកម្ដាយវៀតណាមវីរភាព” ដល់អ្នកម្ដាយ ០២ រូប នៅឃុំហ៊ុងហ្វា និងហ៊ីវទ្រុង។
     ពិនិត្យរួម អាស្រ័យដោយអនុវត្តល្អបណ្ដាគោល នយោបាយចំពោះអ្នកមានសគុណ បច្ចុប្បន្ននេះ នៅលើភូមិសាស្រ្តស្រុកគ្មាននៅគ្រួសារអ្នកមានសគុណចំពោះបដិវត្តន៍ ស្ថិតក្នុងក្របខ័ណ្ឌក្រីក្រ ហើយគ្រួសារគោលនយោបាយទាំងនោះ មានកម្រិតជីវភាពប្រហាក់ប្រហែលឬខ្ពស់ជាងប្រជាជនកន្លែងស្នាក់នៅ។ អ្នកម្ដាយវៀតណាមវីរភាព ទាំង ១៥ រូប នៅមានជីវិតសុទ្ធសឹងបានបណ្ដាផ្នែក ខេត្ត ស្រុកទទួលទំនុកបម្រុងអស់មួយជីវិត។
     អាចនិយាយបានថា ការងារគិតគូរឧបត្ថម្ភ បណ្ដាគ្រួសារយុទ្ធជនពលី ពិការ និងអ្នកមាន សគុណចំពោះបដិវត្តន៍ នៅលើភូមិសាស្រ្តស្រុក ទីវកឹងក្នុងពេលកន្លងមិនត្រឹមតែរួមចំណែកលុប បំបាត់ការឈឺផ្សារ បាត់បង់និងឧបត្ថម្ដដល់សាច់ញាតិសន្តានរបស់អ្នកដែលបានពលី ដើម្បីបុព្វហេតុឯករាជ្យ សេរីភាពរបស់មាតិភូមិ ហើយនៅទាំងមានអត្ថន័យ អំពីនយោបាយប្រកបដោយលក្ខណៈប្រវេណីវប្បធម៌ “ផឹកទឹកនឹកប្រភពរបស់ ជនជាតិយើងទៀត” ឆ្លងតាមរយៈនោះ រួមចំណែកពង្រឹងបន្ថែមក្ដីជំនឿរបស់ប្រជាជនចំពោះបក្ស និងរដ្ឋ។ ទន្ទឹមនឹងនោះ អប់រំជំនាន់ក្រោយឲ្យ ពង្រីកស្មារតីបដិវត្តន៍របស់វីរបុព្វបុរសបានបរិច្ចាគ រួមចំណែកកសាងមាតុភូមិទីវកឹង ពីមួយថ្ងៃទៅមួយថ្ងៃឲ្យកាន់តែសម្បូរណ៍សប្បាយ៕ 

តូវៀង-ថាច់ហ្វាង